ಆನೇಕಲ್: ಪೊಲೀಸರು ಎಷ್ಟೇ ಖಡಕ್ ರೂಲ್ಸ್ ಮಾಡಿದ್ರೂ ಒಂದಿಷ್ಟು ಪೊರ್ಕಿಗಳಿಗೆ ಬುದ್ಧೀನೆ ಬರಲ್ಲ. ಹೊಸೂರು ಹೆದ್ದಾರಿಯಲ್ಲಿ ವೀಲಿಂಗ್ ಪುಡಾಂಗ್ಗಳ ಹಾವಳಿ ಹೆಚ್ಚಾಗಿದೆ. ಹಾಡುಹಗಲೇ ಹೆದ್ದಾರಿಯಲ್ಲಿ ವೀಲಿಂಗ್ ಮಾಡ್ತಾ, ಬೈಕ್ನಲ್ಲಿ ಹೋಗುವ ಯುವತಿಗೆ ಕಿರಿಕ್ ಮಾಡಿದ್ದಾರೆ. ಸ್ಕೂಟರ್ ಮತ್ತು ಬೈಕ್ಗಳಲ್ಲಿ ಹೊರಟಿದ್ದ ಎಂಟು ಪೊರ್ಕಿಗಳು, ಬೈಕ್ನಲ್ಲಿ ಯುವಕನ ಜೊತೆ ಸಾಗ್ತಿದ್ದ ಯುವತಿಗೆ ಕೀಟಲೆ ಮಾಡಿದ್ದಾರೆ.
ಚಂದಾಪುರದಿಂದ ಎಲೆಕ್ಟ್ರಾನಿಕ್ ಸಿಟಿ ವರೆಗೂ ಈ ಹೈಡ್ರಾಮಾ ನಡೆದಿದೆ. ಬೈಕ್ ವೀಲಿಂಗ್ ಮಾಡ್ತಾ ಬಂದವರು ಬೇರೆ ಬೇರೆ ವಾಹನದವರಿಗೂ ಅಡ್ಡಿಯುಂಟು ಮಾಡಿದ್ದಾರೆ. ಮಾರ್ಗ ಮಧ್ಯೆ ಆಟೋಗಳ ಚಾಲಕರು, ಕೆಲ ಕಾರ್ ಚಾಲಕರು, ಬೈಕ್ ಓಡಿಸುತ್ತಿದ್ದವರು ಎಚ್ಚರಿಸಿದ್ರೂ ಕೇರ್ ಮಾಡಿಲ್ಲ. ಆ ಯುವತಿ ಪದೇ ಪದೆ ರಿಕ್ವೆಸ್ಟ್ ಮಾಡಿದ್ರೂ ಬಿಡದೇ ಫಾಲೋ ಮಾಡಿ ಕಿರಿಕ್ ಮಾಡಿದ್ದಾರೆ.
ಇದನ್ನೂ ಓದಿ: ಬಸ್ ಪಲ್ಟಿ.. 20ಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯ
ಹೆಬ್ಬಗೋಡಿ ಪೊಲೀಸ್ ಠಾಣೆ ಮುಂಭಾಗದಲ್ಲಿಯೇ ಬೈಕ್ ವೀಲಿಂಗ್ ಮಾಡುತ್ತ ಸಾಗಿದ್ದಾರೆ. ಕೊನೆಗೂ ಇವರ ಕಾಟ ತಾಳದೇ ಬೈಕ್ ಹಿಂಬದಿ ಕೂತಿದ್ದ ಯುವತಿ ಮೊಬೈಲ್ ತೆಗೆದು ವಿಡಿಯೋ ಮಾಡಲು ಮುಂದಾಗಿದ್ದಾಳೆ. ಆಗ ತಮ್ಮ ಕೃತ್ಯ ಎಲ್ಲಿ ಬಯಲಾಗುತ್ತೋ ಅಂತಾ ಶರ್ಟ್ನಿಂದ ಮುಖ ಮುಚ್ಚಿಕೊಳ್ಳಲು ಯತ್ನಿಸಿದ್ದಾರೆ. ವೇಗವಾಗಿ ಸಾಗಿ ಪರಾರಿಗೆ ಯತ್ನಿಸಿದ್ದಾರೆ. ಆದ್ರೆ ಈ ವೀಲಿಂಗ್ ಪುಡಾಂಗ್ಗಳ ಕೃತ್ಯಗಳೆಲ್ಲಾ
ಹಿಂದೆ ಹಿಂದೆ ಕಾರ್ನಲ್ಲಿ ಬರ್ತಿದ್ದವರೊಬ್ಬರು ವಿಡಿಯೋ ಮಾಡಿದ್ದಾರೆ.
ಇನ್ನೇನಿದ್ರೂ ಪೊಲೀಸರೇ ಈ ಪೊರ್ಕಿಗಳಿಗೆ ಪಾಠ ಕಲಿಸಬೇಕಿದೆ. ಆದ್ರೆ ಒಂದ್ ವಿಚಾರ ಏನಪ್ಪಾ ಅಂದ್ರೆ ಇವರು ವೀಲಿಂಗ್ ಮಾಡ್ತಿದ್ದ ಬೈಕ್, ಸ್ಕೂಟರ್ಗಳಿಗೆ ಸರಿಯಾಗಿ ನಂಬರ್ ಬೋರ್ಡ್ ಸಹ ಹಾಕಿಲ್ಲ. ಹಾಗಿದ್ರೂ ಪೊಲೀಸ್ರು ಎಲ್ಲಾ ಸಿಟಿಟಿವಿ ಜಾಲಾಡಿ ತನಿಖೆ ಮಾಡಿದ್ರೆ, ಇವರೆಲ್ಲಾ ಯಾರು ಅನ್ನೋದೇ ಖಂಡಿತ ಗೊತ್ತಾಗುತ್ತೆ. ಎತ್ತಾಕ್ಕೊಂಡು ಬಂದು ಪೊಲೀಸ್ ಭಾಷೆಯಲ್ಲೇ ಎನ್ಕ್ವೈರಿ ಮಾಡಿ, ಇವರಿಗೆ ಪಾಠ ಮಾಡಬೇಕಿದೆ.
