ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮೀಟರ್ ಬಡ್ಡಿ ದಂಧೆಕೋರರ ಹಾವಳಿ ಹೆಚ್ಚಾಗಿದೆ. ಸಾಲ ಕೊಟ್ಟವರ ಕಿರುಕುಳಕ್ಕೆ ಬೇಸತ್ತ ಖ್ಯಾತ ನಿರ್ಮಾಪಕ ಪೊಲೀಸರಿಗೆ ದೂರು ನೀಡಿದ್ದಾರೆ.
ಸಿಸಿಬಿಗೆ ಪ್ರೊಡ್ಯೂಸರ್ ಪುಷ್ಕರ್ ಮಲ್ಲಿಕಾರ್ಜುನ್ ದೂರು ನೀಡಿದ್ದಾರೆ. ಆದರ್ಶ್, ಹರ್ಷ, ಶಿವು ಎಂಬುವವರ ಬಳಿ ಕಿರಿಕ್ ಪಾರ್ಟಿ ಚಿತ್ರಕ್ಕಾಗಿ ಸಾಲ ಪಡೆದಿದ್ರು ಎನ್ನಲಾಗಿದೆ. ನಿರಂತರವಾಗಿ ಸಿನಿಮಾದಲ್ಲಿ ಸೋಲು ಅನುಭವಿಸಿದ್ದ ನಿರ್ಮಾಪಕ 5 ಕೋಟಿ ಸಾಲಕ್ಕೆ 11 ಕೋಟಿ ಬಡ್ಡಿ ಕಟ್ಟಿದ್ದಾರೆ. ಆದರೂ, ಇನ್ನೂ 13 ಕೋಟಿ ಚಕ್ರ ಬಡ್ಡಿ ಕಟ್ಟಿ ಎಂದು ಸಿನಿಮಾ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನ್ಗೆ ಬೆದರಿಕೆ ಹಾಕಿದ್ದಾರೆ.
ಇದನ್ನೂ ಓದಿ: ಸಲ್ಮಾನ್ ಖಾನ್ ಬಳಿಕ ಮತ್ತೊಬ್ಬ ಸ್ಟಾರ್ ಜೊತೆ ರಶ್ಮಿಕಾ ಮೂವಿ
ಹೀಗಾಗಿ ಸಿಸಿಬಿ ಪೊಲೀಸರಿಗೆ ನಿರ್ಮಾಪಕರು ಸೇರಿದಂತೆ ಉಪನಿಬಂಧಕರಾದ ಕಿಶೋರ್ರಿಂದ ಪೊಲೀಸರಿಗೆ ದೂರು ನೀಡಲಾಗಿದೆ. ಮನಿ ಲ್ಯಾಂಡ್ರಿಂಗ್ ಸೆಕ್ಷನ್ನಲ್ಲಿ ಆರೋಪಿಗಳ ವಿರುದ್ಧ FIR ಸಹ ದಾಖಲಾಗಿದೆ.
