ಫಿಲ್ಮಿಡೆಸ್ಕ್: ತಾವು ಸದ್ಯದಲ್ಲೇ ಅಪ್ಪ-ಅಮ್ಮ ಆಗ್ತಿದ್ದೀವಿ ಅಂತ ಹೇಳಿ ಗುಡ್ ನ್ಯೂಸ್ ಕೊಟ್ಟಿದ್ದ ರಣ್ವೀರ್ ಆ್ಯಂಡ್ ದೀಪಿಕಾ ಈಗ ಎಲ್ಲರಿಗೂ ಶಾಕಿಂಗ್ ನ್ಯೂಸ್ ಕೊಟ್ಟಿದ್ದಾರೆ. ರಣ್ವೀರ್ ತಮ್ಮ ಸೋಷಿಯಲ್ ಮಿಡಿಯಾ ಖಾತೆಯಿಂದ ಮದುವೆ ಫೊಟೋ, ವಿಡಿಯೋಗಳನ್ನ ಡಿಲೀಟ್ ಮಾಡಿದ್ದು, ಅರೇ ಇವರಿಗೇನಾಯ್ತು ಅಂತ ಫ್ಯಾನ್ಸ್ ತಲೆಕೆಡಿಸಿಕೊಂಡಿದ್ದಾರೆ. ಮಗು ಬರ್ತಿರೋ ಹೊತ್ತಲ್ಲಿ ಅಪ್ಪ-ಅಮ್ಮನೇ ಬೇರೇ ಆದ್ರಾ..? ರಣ್ವೀರ್-ದೀಪಿಕಾ ನಡುವೆ ಏನ್ ನಡೀತಿದೆ.. ಈ ಕುರಿತ ರೋಚಕ ಸ್ಟೋರಿ ಇಲ್ಲಿದೆ.
ಯೆಸ್, ಸಿನಿಲೋಕದಲ್ಲಿ ಹರಿದಾಡ್ತಿರೋ ಈ ಬ್ರೇಕಿಂಗ್ ನ್ಯೂಸ್ ಅಭಿಮಾನಿಗಳಿಗೆ ಬಿಗ್ ಶಾಕ್ ಕೊಟ್ಟಿದೆ. ಇಂಡಿಯನ್ ಸಿನಿ ಇಂಡಸ್ಟ್ರಿಯ ಕ್ಯೂಟ್ ಕಪಲ್, ಸ್ಟಾರ್ ಜೋಡಿ ರಣ್ವೀರ್ – ದೀಪಿಕಾ ಬಗ್ಗೆ ಹರಿದಾಡ್ತಾ ಇರುವ ಈ ವದಂತಿ ಕೇಳಿ ಅರೇ ಏನಾಯ್ತು ಇವರಿಗೆ ಅಂತ ಫ್ಯಾನ್ಸ್ ತಲೆಕೆಡಿಸಿಕೊಂಡಿದ್ದಾರೆ. ಅಸಲಿಗೆ ಈ ವದಂತಿ ಹುಟ್ಟೋದಕ್ಕೆ ಕಾರಣವಾಗಿರೋದು ರಣ್ವೀರ್ ತಮ್ಮ ಸೋಷಿಯಲ್ ಮಿಡಿಯಾ ಖಾತೆಯಿಂದ ಮದುವೆಯ ಫೋಟೋ, ವಿಡಿಯೋಗಳನ್ನೆಲ್ಲಾ ಒಂದು ಉಳಿಸದಂತೆ ಡಿಲೀಟ್ ಮಾಡಿದ್ದಾರೆ.
ಕಳೆದ ಫೆಬ್ರುವರಿಯಲ್ಲಷ್ಟೇ ರಣ್ವೀರ್ ಆ್ಯಂಡ್ ದೀಪಿಕಾ ತಾವು ಪೇರೆಂಟ್ಸ್ ಆಗ್ತಾ ಇದ್ದೀವಿ ಅನ್ನೋ ಖುಷಿಯ ಸಂಗತಿ ಹಂಚಿಕೊಂಡಿದ್ರು. ಬರಲಿರುವ ಸಪ್ಟೆಂಬರ್ ತಿಂಗಳಲ್ಲಿ ತಮ್ಮ ಮನೆಗೆ ಹೊಸ ಜೀವ ಬರಲಿದ ಅನ್ನೋ ವಿಚಾರವನ್ನ ಹಂಚಿಕೊಂಡು ಎಲ್ಲರಿಗೂ ಸಿಹಿಸುದ್ದಿ ಕೊಟ್ಟಿದ್ರು.
ಇದನ್ನೂ ಓದಿ: ಒಂದು ವರ್ಷದಿಂದ ಗಡ್ಡ, ಕೂದಲು ಬಿಟ್ಟಿದ್ದೇನೆ : ‘ಕಾಂತಾರ-1’ ಬಗ್ಗೆ ಅಪ್ಡೇಟ್ ಕೊಟ್ಟ ರಿಷಭ್ ಶೆಟ್ಟಿ
ಆದ್ರೆ ಈಗ ನೋಡಿದ್ರೆ ಎರಡೇ ತಿಂಗಳಲ್ಲಿ ಬೇರೆಯದ್ದೇ ವದಂತಿ ಹರಿದಾಡ್ತಾ ಇದೆ. ಅತ್ತ ಪತ್ನಿ ಗರ್ಭಿಣಿಯಾಗಿರಯವ ಹೊತ್ತಲ್ಲಿ ಪತಿ ಮದುವೆಯ ಫೋಟೋಗಳನ್ನ ಡೀಲೀಟ್ ಮಾಡಿ ತಮ್ಮ ಪ್ರೀತಿಯ ಕುರುಹನ್ನೇ ಅಳಿಸಿ ಹಾಕ್ತಾ ಇದ್ದಾನೆ. ಇದು ಹೇಗೆ ತಾನೇ ಸಾಧ್ಯ ಅಂತ ಫ್ಯಾನ್ಸ್ ನಡುವೆ ಗಹನವಾದ ಚರ್ಚೆಯಾಗ್ತಾ ಇದೆ.
ಅಸಲಿಗೆ ರಣ್ವೀರ್ ದೀಪಿಕಾ ನಡುವೆ ಏನ್ ನಡೀತಾ ಇದೆ ಅಂತ ಹುಡುಕಹೋದ್ರೆ ಅಚ್ಚರಿಯ ಕಥೆಯೇ ತೆರೆದುಕೊಳ್ಳುತ್ತೆ. ಕೆಲ ದಿನಗಳ ಹಿಂದೆ ಕಾಫಿ ವಿತ್ ಕರಣ್ ಶೋನಲ್ಲಿ ರಣ್ವೀರ್ ದೀಪಿಕಾ ಭಾಗಿಯಾಗಿದ್ದಾಗ, ಸಂಬಂಧದ ವಿಚಾರದಲ್ಲಿ ಇಬ್ಬರ ನಡುವೆ ಕೆಲ ಕಹಿ ವಿಚಾರ ಇದೆ ಅನ್ನೋದು ಬಯಲಾಗಿತ್ತು.
ಮಗು ವಿಚಾರದಲ್ಲಿ ಇಬ್ಬರ ನಡುವೆ ಭಿನ್ನಾಭಿಪ್ರಾಯ:
ಇನ್ನೂ ಮಗು ವಿಚಾರದಲ್ಲಿ ಕೂಡ ಇಬ್ಬರ ನಡುವೆ ಭಿನ್ನಾಭಿಪ್ರಾಯ ಇದೆ ಎನ್ನಲಾಗ್ತಾ ಇದೆ. ದೀಪಿಕಾ ತನ್ನ ಸೌಂದರ್ಯ ಹಾಳಾಗಬಾರದು ಅನ್ನೋ ಕಾರಣಕ್ಕೆ ಬಾಡಿಗೆ ತಾಯ್ತನದ ಮೊರೆ ಹೋಗ್ತಿದ್ದಾರಂತೆ. ಆದ್ರೆ ಇದು ರಣ್ವೀರ್ಗೆ ಇಷ್ಟವಿಲ್ಲ ಎನ್ನಲಾಗ್ತಾ ಇದ್ದು, ಇದೇ ವಿಚಾರಕ್ಕೆ ಇಬ್ಬರ ನಡುವೆ ವಾಗ್ವಾದ ನಡೆದಿದೆಯಂತೆ.
ಅಸಲಿಗೆ ಬೆಂಗಳೂರು ಬೆಡಗಿ ದೀಪಿಕಾ , ಮುಂಬೈ ಕುವರ ರಣ್ವೀರ್ದು ಆನ್ ಸ್ಕ್ರೀನ್ ಆ್ಯಂಡ್ ಆಫ್ ಸ್ಕ್ರೀನ್ ಹೇಳಿ ಮಾಡಿಸಿದ ಜೋಡಿ. 2013ರಲ್ಲಿ ರಾಮ್ಲೀಲಾ ಸಿನಿಮಾದಲ್ಲಿ ಜೊತೆಯಾಗಿ ನಟಿಸಿದ್ದ ಈ ಜೋಡಿ ತಮ್ಮ ಲವ್ಲಿ ಕೆಮೆಸ್ಟ್ರಿಯಿಂದ ನೋಡುಗರಿಗೆ ಮೋಡಿ ಮಾಡಿದ್ರು.
ಬಾಜಿರಾವ್ ಮಸ್ತಾನಿ, ಪದ್ಮಾವತ್, ಸೇರಿದಂತೆ ಹಲವು ಚಿತ್ರಗಳಲ್ಲಿ ಜೊತೆಯಾಗಿ ನಟಿಸಿರೋ ರಣ್ವೀರ್ ದೀಪಿಕಾ, ರಿಯಲ್ ಲೈಫ್ನಲ್ಲೂ ಜೋಡಿಯಾಗಿದ್ದು 2018ರಲ್ಲಿ. ಇಟಲಿಯಲ್ಲಿ ಶಾಸ್ತ್ರೋಕ್ತವಾಗಿ ಮದುವೆಯಾಗಿದ್ದ ರಣ್ವೀರ್ ಮತ್ತು ದೀಪಿಕಾ ಬಾಲಿವುಡ್ನ ಕ್ಯೂಟ್ ತಾರಾಜೋಡಿ ಎನ್ನಿಸಿಕೊಂಡಿದ್ರು.
ಇದೀಗ ಮಗುವಿನ ಆಗಮನದ ನಿರೀಕ್ಷೆಯಲ್ಲಿರೋ ಈ ದಂಪತಿ ಬಗ್ಗೆ ಡಿವೋರ್ಸ್ ರೂಮರ್ಸ್ ಹುಟ್ಟಿಕೊಂಡಿದೆ. ರಣ್ವೀರ್ ಮದುವೆ ಫೋಟೋ ಡಿಲೀಟ್ ಮಾಡಿದ್ದನ್ನೇ ಇಟ್ಟುಕೊಂಡು ನಾನಾ ವದಂತಿ ಹರಿದಾಡ್ತಾ ಇವೆ. ಖುದ್ದು ದೀಪಿಕಾ ಆ್ಯಂಡ್ ರಣ್ವೀರ್ ಜೋಡಿಯೇ ಈ ಕುರಿತ ನಿಜ ಏನು ಅನ್ನೋದನ್ನ ಹೇಳಬೇಕಿದೆ.
ಅಮೀತ್, ಫಿಲಂ ಬ್ಯೂರೋ, ಪವರ್ ಟಿವಿ.
