ಬೆಂಗಳೂರು : ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಬ್ಯಾಟರ್ ಸುನಿಲ್ ನರೈನ್ ಸ್ಫೋಟಕ ಶತಕ ಸಿಡಿಸಿದರು. ಐಪಿಎಲ್ನಲ್ಲಿ ಇದು ಅವರ ಚೊಚ್ಚಲ ಶತಕವಾಗಿದೆ.
ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತ ಕೋಲ್ಕತ್ತಾ ಮೊದಲು ಬ್ಯಾಟಿಂಗ್ ಮಾಡಿತು. ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 223 ರನ್ ಗಳಿಸಿತು.
ಇನ್ನಿಂಗ್ಸ್ ಆರಂಭಿಸಿದ ಕೆಕೆಆರ್ಗೆ ಉತ್ತಮ ಆರಂಭ ಸಿಗಲಿಲ್ಲ. ಫಿಲ್ ಸಾಲ್ಟ್ 10 ರನ್ಗೆ ಔಟಾದರು. ಬಳಿಕ ಜೊತೆಯಾದ ನರೈನ್ ಹಾಗೂ ರಘುವಂಶಿ ಉತ್ತಮ ಪ್ರದರ್ಶನ ನೀಡಿದರು. ರಘುವಂಶಿ 30 ರನ್ಗಳ ಕಾಣಿಕೆ ನೀಡಿದರು. ಬಳಿಕ ಬಂದ ನಾಯಕ ಶ್ರೇಯಸ್ ಅಯ್ಯರ್ 11 ರನ್ಗೆ ಆಟ ಮುಗಿಸಿದರು.
ಬಿಗ್ ಹಿಟರ್ ಆಂಡ್ರೆ ರಸೆಲ್ 13 ರನ್ಗೆ ಔಟಾಗಿ ನಿರಾಸೆ ಮೂಡಿಸಿದರು. ಒಂದೆಡೆ ವಿಕೆಟ್ ಬೀಳುತ್ತಿದ್ದರೂ ಸುನಿಲ್ ನರೈನ್ ತಮ್ಮ ಸ್ಫೋಟಕ ಆಟ ಮುಂದುವರಿಸಿದರು. 56 ಎಸೆತಗಳಲ್ಲಿ 6 ಭರ್ಜರಿ ಸಿಕ್ಸ್ ಹಾಗೂ 13 ಬೌಂಡರಿಗಳ ನೆರವಿನೊಂದಿಗೆ ಬೊಂಬಾಟ್ ಶತಕ (109) ಸಿಡಿಸಿದರು. ತಂಡದ ಮೊತ್ತವನ್ನು 190ರ ಗಡಿ ದಾಟಿಸಿದರು.
ಅಶ್ವಿನ್, ಚಹಾಲ್, ಕುಲದೀಪ್ ದುಬಾರಿ
ನರೈನ್ ಔಟಾದ ಬಳಿಕ ಕ್ರೀಸ್ಗೆ ಬಂದ ರಿಂಕು ಸಿಂಗ್ ಮಿಂಚಿನ ಆಟ ಪ್ರದರ್ಶಿಸಿದರು. 9 ಎಸೆತಗಳಲ್ಲಿ 20 ರನ್ ಗಳಿಸಿದರು. ವೆಂಕಟೇಶ್ ಅಯ್ಯರ್ 8 ರನ್ ಸಿಡಿಸಿದರು. ರಾಜಸ್ಥಾನ್ ಪರ ಆವೇಶ್ ಖಾನ್ ಹಾಗೂ ಕುಲದೀಪ್ ಸೇನ್ ತಲಾ 2, ಟ್ರೆಂಟ್ ಬೌಲ್ಟ್, ಹಾಗೂ ಯುಜ್ವೇಂದ್ರ ಚಾಹಲ್ ತಲಾ ಒಂದು ವಿಕೆಟ್ ಪಡೆದರು. ಅಶ್ವಿನ್ 49, ಚಹಾಲ್ 54 ಹಾಗೂ ಕುಲದೀಪ್ 46 ರನ್ ಬಿಟ್ಟುಕೊಟ್ಟು ದುಬಾರಿಯಾದರು.
On Display: 𝗘𝗳𝗳𝗼𝗿𝘁𝗹𝗲𝘀𝘀 𝗛𝗶𝘁𝘁𝗶𝗻𝗴 😍
Sunil Narine smacking it with perfection👌👌
Watch the match LIVE on @JioCinema and @StarSportsIndia 💻📱#TATAIPL | #KKRvRR | @KKRiders pic.twitter.com/yXC3F5r1SY
— IndianPremierLeague (@IPL) April 16, 2024