ಬೆಂಗಳೂರು : ಗೆದ್ದ ಮುಂಬೈ, ಸೋತ RCB. ಆರ್ಸಿಬಿಗೆ ಸತತ ನಾಲ್ಕನೇ ಹಾಗೂ ಟೂರ್ನಿಯಲ್ಲಿ 5ನೇ ಸೋಲು. ಬ್ಯಾಕ್ ಟು ಬ್ಯಾಕ್ ಪಂದ್ಯ ಗೆದ್ದು ಗೆಲುವಿನ ಹಳಿಗೆ ಮರಳಿದ ಮುಂಬೈ ಇಂಡಿಯನ್ಸ್.
ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ತಂಡ ಹೀನಾಯ ಸೋಲು ಅನುಭವಿಸಿತು. ಮುಂಬೈ 7 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿತು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನೀಡಿದ 197 ರನ್ ಟಾರ್ಗೆಟ್ ಬೆನ್ನಟ್ಟಿದ ಮುಂಬೈ ಉತ್ತಮ ಆರಂಭ ಪಡೆಯಿತು. ರೋಹಿತ್ ಶರ್ಮಾ ಹಾಗೂ ಇಶಾನ್ ಕಿಶನ್ 101 ರನ್ಗಳ ಅದ್ಭುತ ಜೊತೆಯಾಟ ನೀಡಿದರು. ಇಶಾನ್ ಕಿಶನ್ 34 ಎಸೆತಗಳಲ್ಲಿ 69 ರನ್ ಸಿಡಿಸಿದರು. ರೋಹಿತ್ ಶರ್ಮಾ 38 ರನ್ ಗಳಿಸಿದರು.
ಸೂರ್ಯ ವಿಧ್ವಂಸಕ ಬ್ಯಾಟಿಂಗ್
ಮೊದಲ ಪಂದ್ಯದಲ್ಲಿ ಶೂನ್ಯಕ್ಕೆ ಔಟಾಗಿದ್ದ ಸೂರ್ಯಕುಮಾರ್ ಯಾದವ್ ಅಬ್ಬರಿಸಿದರು. ಕೇವಲ 17 ಬಾಲ್ಗಳಲ್ಲಿ ಯಾದವ್ ಸ್ಫೋಟಕ ಅರ್ಧಶತಕ (52) ಸಿಡಿಸಿದರು. ಇದರಲ್ಲಿ 5 ಬೌಂಡರಿ ಹಾಗೂ 4 ಭರ್ಜರಿ ಸಿಕ್ಸ್ ಇದ್ದವು. ನಾಯಕ ಹಾರ್ದಿಕ್ ಪಾಂಡ್ಯ ಅಜೇಯ 21, ತಿಲಕ್ ವರ್ಮಾ ಅಜೇಯ 16 ರನ್ ಸಿಡಿಸಿದರು. RCB ಪರ ಆಕಾಶ್ ದೀಪ್, ವೈಶಾಕ್ ವಿಜಯ್ಕುಮಾರ್ ಹಾಗೂ ವಿಲ್ ಜಾಕ್ಸ್ ತಲಾ ಒಂದು ವಿಕೆಟ್ ಪಡೆದರು.
ರಜತ್, ಡಿಕೆ, ಡುಪ್ಲಿಸಿಸಿ ಅರ್ಧಶತಕ
ಆರ್ಸಿಬಿ ಪರ ಡುಪ್ಲೆಸಿಸ್ 61, ರಜತ್ ಪಾಟೀದಾರ್ 50, ದಿನೇಶ್ ಕಾರ್ತಿಕ್ ಅಜೇಯ 53 ರನ್ ಸಿಡಿಸಿದರು. ವಿರಾಟ್ ಕೊಹ್ಲಿ 3, ವಿಲ್ ಜಾಕ್ಸ್ 8, ಮ್ಯಾಕ್ಸ್ವೆಲ್ ಹಾಗೂ ಲೊಮ್ರೋರ್ ಶೂನ್ಯಕ್ಕೆ ಔಟಾದರು. ಮುಂಬೈ ಪರ ಬುಮ್ರಾ 5, ಕೋಟ್ಜಿ, ಆಕಾಶ್ ಮದ್ವಾಲ್ ಹಾಗೂ ಶ್ರೇಯಸ್ ಗೋಪಾಲ್ ತಲಾ ಒಂದು ವಿಕೆಟ್ ಪಡೆದರು.
ICYMI – Surya lighting up the night SKY with a flurry of SIXES 🔥🔥🔥
Watch the match LIVE on @StarSportsIndia and @JioCinema 💻📱#TATAIPL | #MIvRCB | @surya_14kumar pic.twitter.com/7CiLtcwTyI
— IndianPremierLeague (@IPL) April 11, 2024
