ಬೆಂಗಳೂರು : ಮುಂಬೈ ಇಂಡಿಯನ್ಸ್ ವಿರುದ್ಧ ಗುಜರಾತ್ ಟೈಟಾನ್ಸ್ ಸ್ಪರ್ಧಾತ್ಮಕ ಮೊತ್ತ ಕಲೆಹಾಕಿದೆ. ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 168 ರನ್ ಗಳಿಸಿದೆ.
ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತ ಗುಜರಾತ್ ಮೊದಲು ಬ್ಯಾಟಿಂಗ್ ಮಾಡಿತು. ಆರಂಭಿಕ ಆಟಗಾರರಾದ ನಾಯಕ ಶುಭ್ಮನ್ ಗಿಲ್ ಹಾಗೂ ವೃದ್ಧಿಮಾನ್ ಸಹಾ 31 ರನ್ ಜೊತೆಯಾಟ ನೀಡಿದರು.
ಸಹಾ 19 ರನ್ ಗಳಿಸಿ ಔಟಾದರು. ಶುಭ್ಮನ್ ಗಿಲ್ 31 ರನ್ ಗಳಿಸಿ ನಿರಾಸೆ ಮೂಡಿಸಿದರು. ಸಂಕಷ್ಟದಲ್ಲಿದ್ದ ತಂಡಕ್ಕೆ ಸಾಯಿ ಸುದರ್ಶನ್ (45) ಆಸರೆಯಾದರು. ಡೇವಿಡ್ ಮಿಲ್ಲರ್ 12, ಅಜ್ಮತುಲ್ಲಾ ಒಮರ್ಜಾಯ್ 17 ರನ್ ಗಳಿಸಿ ಪೆವಿಲಿಯನ್ ಸೇರಿದರು. ರಾಹುಲ್ ತೆವಾಟಿಯಾ 22 ರನ್ ಕಾಣಿಕೆ ನೀಡಿದರು.
ವಿಜಯ್ ಶಂಕರ್ ಅಜೇಯ 6, ರಶೀದ್ ಖಾನ್ ಅಜೇಯ 4 ರನ್ ಗಳಿಸಿದರು. ಮುಂಬೈ ಇಂಡಿಯನ್ಸ್ ಪರ ಜಸ್ಪ್ರೀತ್ ಬುಮ್ರಾ 3, ಜೆರಾಲ್ಡ್ ಕೋಟ್ಜಿ 2, ಪಿಯೂಷ್ ಚಾವ್ಲಾ ಒಂದು ವಿಕೆಟ್ ಪಡೆದರು. ಮುಂಬೈ ಗೆಲ್ಲಲು 169 ರನ್ ಗಳಿಸಬೇಕಿದೆ.
1️⃣ brings 2️⃣
Three wickets in the match for @Jaspritbumrah93 👏
Watch the match LIVE on @JioCinema and @StarSportsIndia 💻📱
Match Updates ▶️ https://t.co/oPSjdbb1YT#TATIPL | #GTvMI | @mipaltan pic.twitter.com/XXH33C7Yq6
— IndianPremierLeague (@IPL) March 24, 2024
