ಬೆಂಗಳೂರು : ಭಾರತ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ 28 ರನ್ಗಳ ಗೆಲುವು ದಾಖಲಿಸಿತು. ಈ ಮೂಲಕ ಭಾರತ ಗೆಲ್ಲುವ ಪಂದ್ಯವನ್ನು ಕೈಚೆಲ್ಲಿದೆ.
ಹೈದರಾಬಾದ್ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ 231 ರನ್ ಗುರಿ ಬೆನ್ನತ್ತಿದ ಭಾರತ 202 ರನ್ಗಳಿಗೆ ಆಲೌಟ್ ಆಯಿತು. ಈ ಮೂಲಕ 5 ಪಂದ್ಯಗಳ ಸರಣಿಯಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನು ಗೆದ್ದು ಇಂಗ್ಲೆಂಡ್, ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು.
196 ರನ್ ಸಿಡಿಸಿದ ಒಲೀ ಪೋಪ್ ಹಾಗೂ ಬೌಲಿಂಗ್ನಲ್ಲಿ 7 ವಿಕೆಟ್ ಪಡೆದ ಟಾಮ್ ಹಾರ್ಟ್ಲಿ ಇಂಗ್ಲೆಂಡ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಪೋಪ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಭಾರತದ ಪರ ಯಶಸ್ವಿ ಜೈಸ್ವಾಲ್ 15, ನಾಯಕ ರೋಹಿತ್ ಶರ್ಮಾ 39, ಶುಭ್ಮನ್ ಗಿಲ್ 0, ಕೆ.ಎಲ್. ರಾಹುಲ್ 22, ಅಕ್ಸರ್ ಪಟೇಲ್ 17, ಶ್ರೇಯಸ್ ಅಯ್ಯರ್ 13, ರವೀಂದ್ರ ಜಡೇಜಾ 2, ಭರತ್ 28, ರವಿಚಂದ್ರನ್ ಅಶ್ವಿನ್ 28 ರನ್ ಗಳಿಸಿದರು. ಇಂಗ್ಲೆಂಡ್ ಪರ ಟಾಮ್ ಹಾರ್ಟ್ಲಿ 7, ಜಾಕ್ ಹಾಗೂ ರೂಟ್ ತಲಾ 1 ವಿಕೆಟ್ ಪಡೆದರು.
ಕೊನೆ 6 ಸರಣಿಗಳಲ್ಲಿ ಭಾರತ–ಇಂಗ್ಲೆಂಡ್ (ಮೊದಲ ಟೆಸ್ಟ್)
2014 : ಭಾರತಕ್ಕೆ ಸೋಲು
2016 : ಡ್ರಾ
2018 : ಭಾರತಕ್ಕೆ ಸೋಲು
2021 : ಭಾರತಕ್ಕೆ ಸೋಲು
2021 : ಡ್ರಾ
2024 : ಭಾರತಕ್ಕೆ ಸೋಲು
It came right down to the wire in Hyderabad but it’s England who win the closely-fought contest.#TeamIndia will aim to bounce back in the next game.
Scorecard ▶️ https://t.co/HGTxXf8b1E#INDvENG | @IDFCFIRSTBank pic.twitter.com/OcmEgKCjUT
— BCCI (@BCCI) January 28, 2024
