ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಕಳೆದ ವಾರ ರಕ್ಕಸರಾದವರು ಈ ವಾರ ಸಮವಸ್ತ್ರ ತೊಟ್ಟಿ ಮಕ್ಕಳಾಗಿದ್ದಾರೆ.
ಈ ವಾರ ದೊಡ್ಮನೆಯಲ್ಲಿ ಮನೆಯೊಳಗೆ ಪ್ರಾಥಮಿಕ ಶಾಲೆ ತೆರೆದಿದ್ದಾರೆ. ಈ ಟಾಸ್ಕ್‌ ಮೂಲಕ ಸ್ಪರ್ಧಿಗಳನ್ನು ಬಾಲ್ಯಕ್ಕೆ ಕರೆದೊಯ್ಯಲಾಗುವುದು ಎಂದು ಬಿಗ್‌ಬಾಸ್‌ ಹೇಳಿದ್ದಾರೆ.
ಟೀಚರ್ ಆದ ತನಿಷಾ
ತನಿಷಾ ಈ ಪ್ರಾಥಮಿಕ ಶಾಲೆಯ ಟೀಚರ್. ‘ವ್ಯಕ್ತಿತ್ವ ವಿಕಸನ’ದ ಬಗ್ಗೆ ಪಾಠ ಮಾಡುವ ಜವಾಬ್ದಾರಿ ಅವರ ಹೆಗಲೇರಿದೆ. ಅದರಂತೆ ಕೈಯಲ್ಲಿ ಬೆತ್ತ ಹಿಡಿದುಕೊಂಡ ಬಂದ ತನಿಷಾಗೆ ವರ್ತೂರು ಸಂತೋಷ್ ಕಡೆಯಿಂದ ಮೆಚ್ಚುಗೆ ಲಭಿಸಿದೆ.
ಶಾಲೆಗೆ ನಿಮ್ಮ ಹಾಜರಾತಿ ಹಾಕಿ!
ಬಿಗ್ ಬಾಸ್ ಕನ್ನಡ ಸೀಸನ್ 10 ನೋಡಿ ರಾತ್ರಿ 9:30ಕ್ಕೆ JioCinema ದಲ್ಲಿ ಹಾಗೂ @colorskannada ದಲ್ಲಿ . ಮನೆಯ ಎಲ್ಲಾ ನಾನ್-ಸ್ಟಾಪ್ ಆಕ್ಷನ್ ವೀಕ್ಷಿಸಿ 24 ಗಂಟೆಗಳ ಲೈವ್ ಚಾನೆಲ್‍‍ನಲ್ಲಿ ಕೇವಲ #JioCinema ದಲ್ಲಿ#BiggBossKannada #BBK10OnJioCinema #BBKOnJioCinema #ColorsKannada pic.twitter.com/Q4n8BKt7rH
— JioCinema (@JioCinema) December 12, 2023
ಸ್ಲೇಟ್ ಮೇಲೆ ಐ ಲವ್ ಯೂ ಎಂದು ಬರೆದ ವರ್ತೂರು
ಲಾಸ್ಟ್‌ ಬೆಂಚ್‌ ಹುಡುಗ ವರ್ತೂರು ಸಂತೋಷ್ ‘ನೀವ್ ಚೆನ್ನಾಗ್ ಕಾಣಿಸ್ತಾ ಇದೀರಾ ಮಿಸ್‌’ ಎಂದು ನಿಂತಲ್ಲೇ ಕೈ ಬೀಸಿದ್ದಾರೆ. ಇದರಿಂದ ತನಿಷಾ ನಾಚಿ ನೀರಾಗಿದ್ದಾರೆ. ಅಲ್ಲದೆ ಸ್ಲೇಟ್ ಮೇಲೆ ಐ ಲವ್ ಯೂ ಎಂದು ಬರೆದ ವರ್ತೂರ್ ಸಂತೋಷ್, ಅದನ್ನು ತನಿಷಾಗೆ ನೀಡಿದ್ದಾರೆ. ಇದಕ್ಕೆ ಖಡಕ್‌ ಮಿಸ್‌ ತನಿಷಾ ಬೆಂಚ್‌ ಮೇಲೆ ನಿಲ್ಲುವ ಶಿಕ್ಷೆಯನ್ನೂ ನೀಡಿದ್ದಾರೆ.
