ಗದಗ: ರೋಗಿಯ ಆರೈಕೆ ಸರಿಯಾಗಿ ಮಾಡದಿದ್ದರೇ ಸಚಿವರಿಗೆ ಕರೆ ಮಾಡುತ್ತೇನೇ ಎಂದಿದ್ದಕ್ಕೆ ರೋಗಿಯ ಸಂಬಂಧಿ ವಿರುದ್ದ ಸಿಟ್ಟಿಗೆದ್ದ ವೈದ್ಯ ತನ್ನ ಶರ್ಟ್ ಬಟನ್ ಬಿಚ್ಚಿ ಅನುಚಿತವಾಗಿ ವರ್ತನೆ ಮಾಡಿರುವ ಘಟನೆ ಗದಗ ಜಿಲ್ಲಾಸ್ಪತ್ರೆಯಲ್ಲಿ ನಡೆದಿದೆ,
ಡಾ.ಗೌತಮ್ ವೈದ್ಯ ಅನುಚಿತವಾಗಿ ವರ್ತಿಸಿದ ವೈದ್ಯ. ಮುಸ್ತಾಕ್ ತನ್ನ ಪತ್ನಿಯನ್ನು ಹೆರಿಗೆಗಾಗಿ ಗದಗ ಜಿಮ್ಸ್ ಆಸ್ಪತ್ರೆ ದಾಖಲಿಸಿದ್ದ ಈ ವೇಳೆ ಗರ್ಭಿಣಿಯನ್ನು ನೋಡಲು ಬಂದಿದ್ದ ಮುಸ್ತಾಕ್ ಸಂಬಂಧಿ ಗರ್ಭಿಣಿ ಆರೈಕೆ ಸರಿಯಾಗಿ ಮಾಡದಿದ್ದರೇ ಸಚಿವರಿಗೆ ಕರೆ ಮಾಡುವುದಾಗಿ ಎಚ್ಚರಿಸಿದ್ದಾರೆ.
ಇದನ್ನು ಓದಿ: ಚಂದ್ರನ ಮೇಲ್ಮೈಗೆ ಹೆಸರಿಡುವ ಹಕ್ಕನ್ನು ಮೋದಿಗೆ ಕಟ್ಟವರು ಯಾರು?: ರಶೀದ್ ಅಲ್ವಿ
ಇದಕ್ಕೆ ಸಿಟ್ಟಿಗೆದ್ದ ವೈದ್ಯ ಗೌತಮ್, ಯಾರಿಗೆ ಕಾಲ್‌ ಮಾಡ್ತೀಯಾ ಮಾಡು, ಆಡ್ರೆಸ್ ಬರೆದು ಕೋ, ಲೈವ್ ಮಾಡು ಅಂತ ಹೇಳಿ ಶರ್ಟ್ ಬಟನ್ ಬಿಚ್ಚಿ ಆವಾಜ್ ಹಾಕಿದ್ದಾನೆ ಈ ರೀತಿ ರೋಗಿಗಳು ಮತ್ತು ಅವರು ಸಂಬಂಧಿಗಳ ವಿರುದ್ದ ಎಗರಾಡಿದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವೀಡಿಯೋ ವೈರಲ್ ಆಗುತ್ತಿದ್ದಂತೆ ವೈದ್ಯನ ವರ್ತನೆಗೆ ಸಾರ್ವಜನಿಕ ವಲಯದಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಗಿದೆ.
ಈ ಕುರಿತು ಗದಗದಲ್ಲಿ ಮಾದ್ಯಮ ಪ್ರತಿಕ್ರಿಯೆ ನೀಡಿದ ವೈದ್ಯಕೀಯ ಸಚಿವ ಶರಣ ಪ್ರಕಾಶ್ ಪಾಟೀಲ್ ಈ ಘಟನೆ ಸಂಬಂಧ ಯಾವುದೇ ಮಾಹಿತಿ ನನ್ನ ಗಮನಕ್ಕೆ ಬಂದಿಲ್ಲ, ರೋಗಿಗಳ ಜೊತೆ ಈ ರೀತಿಯ ವರ್ತನೆ ಸರಿಯಲ್ಲ ಈ ಬಗ್ಗೆ ಮಾಹಿತಿ ಪಡೆದು ಕ್ರಮಕೈಗೊಳ್ಳುತ್ತೇವೆ ಎಂದರು.
ಸರ್ಕಾರಿ ಆಸ್ಪತ್ರೆಗೆ ಬರುವವರು ಬಡವರು ಅವರ ಜೊತೆ ವೈದ್ಯರು ಒಳ್ಳೆಯ ವ್ಯವಹಾರ, ವರ್ತನೆ ತೋರಬೇಕು. ಮುಂದೆ ಈ ರೀತಿ ಘಟನೆಯಾಗದಂತೆ ನೋಡಿಕೊಳ್ತೇವೆ ಎಂದು ಅವರು ಹೇಳಿದರು.
