ಹಾಸನ : ಚಂದ್ರಯಾನ-3 ಹಾಗೂ ಇಸ್ರೋ ಕುರಿತು ಕೋಡಿಮಠದ ಶ್ರೀ ಶಿವಾನಂದ ಶಿವಯೋಗಿ ರಾಜೇಂದ್ರ ಸ್ವಾಮೀಜಿ ಹೇಳಿದ ಭವಿಷ್ಯ ನಿಜವಾಗಿದೆ.
ಚಂದ್ರಯಾನ-3 ಯಶಸ್ವಿಯಾದ ಹಿನ್ನೆಲೆಯಲ್ಲಿ ಹಾಸನ ಜಿಲ್ಲೆ ಅರಸೀಕೆರೆ ತಾಲ್ಲೂಕಿನ ಹಾರನಹಳ್ಳಿ ಗ್ರಾಮದಲ್ಲಿರುವ ಕೋಡಿಮಠದಲ್ಲಿ ಶ್ರೀಗಳು ಪ್ರತಿಕ್ರಿಯಿಸಿದ್ದಾರೆ.
ಇದು ಭಾರತೀಯ ಪರಂಪರೆಗೆ, ದೈವ ಶಕ್ತಿಗೆ ಸಂದ ಜಯ. ಚಂದ್ರಯಾನ-3 ಯಶಸ್ವಿಯಾಗಿರುವುದು ಅಖಂಡ ಜಗತ್ತಿಗೆ ಒಂದು ಮಾದರಿ. ಇದು ಭಾರತ ದೇಶದ ಪ್ರಜೆಗಳು ನಂಬಿರುವ ದೈವ ಶಕ್ತಿಯ ಪ್ರತೀಕ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ : ಸಲಾಂ..! ಚಂದ್ರಯಾನ-3ಕ್ಕೆ ದಿಗ್ವಿಜಯ
ದೈವದ ಮೇಲೆ ನಂಬಿಕೆ ಇಟ್ರೆ ಸೋಲಾಗಲ್ಲ
ಚಂದ್ರಯಾನ-3 ಯಶಸ್ವಿಯಾಗುತ್ತೆ ಅಂತ ಬೆಳಗಾವಿಯಲ್ಲಿ ಹೇಳಿದ್ದೆ. ಪ್ರಾಚೀನ ಕಾಲದಿಂದಲೂ ಭಾರತೀಯರು ದೇವರು, ಧರ್ಮ, ಸತ್ಯ, ನಂಬಿಕೆಗಳಲ್ಲಿ ವಿಶ್ವಾಸವಿಟ್ಟು ಉಸಿರಾಗಿಸಿಕೊಂಡು ಬಾಳಿರುವವರು. ಹಾಗಾಗಿ, ದೈವದ ಮೇಲೆ, ಧರ್ಮದ ಜೀವನದ ಮೇಲೆ ನಂಬಿಕೆ ಇಟ್ಟಂತಹ ವ್ಯಕ್ತಿಗೆ ಎಂದು ಸೋಲಾಗಾವುದಿಲ್ಲ ಎಂದು ನುಡಿದಿದ್ದಾರೆ.
