ಬೆಂಗಳೂರು: ಮೈಸೂರು-ಬೆಂಗಳೂರು ಎಕ್ಸ್‌ಪ್ರೆಸ್‌ವೇ ಟೋಲ್ ದರದಲ್ಲಿ ಹೆಚ್ಚಳ ಬೆನ್ನಲ್ಲೇ ನೈಸ್ ರಸ್ತೆಯ ಶುಲ್ಕವನ್ನು ಕೂಡ ಹೆಚ್ಚಳ ಮಾಡಲಾಗಿದೆ.
ಹೌದು, ಬೆಂಗಳೂರಿನ ನೈಸ್ ರಸ್ತೆಯ ಟೋಲ್ ದರವನ್ನು ಶೇಕಡಾ 11ರಷ್ಷು ಹೆಚ್ಚಳ ಮಾಡಿದ್ದಾರೆ.ಈ ಪರಿಷ್ಕೃತ ದರವು ಇಂದಿನಿಮದಲೇ ಜಾರಿ ಬರಲಿದೆ. ಬೆಂಗಳೂರಿನ ನೈಸ್ ರಸ್ತೆಯ ಮೂಲಕ ಪ್ರಯಾಣಿಸುವ ಪ್ರಯಾಣಿಕರಿಗೆ ಜೇಬಿಗೆ ಬರೆ ಎಳೆಯುವಂತಾಗಿದೆ. ಬೆಂಗಳೂರಿನ ನೈಸ್ ರೋಡ್ ಸಂಚಾರ ಇನ್ನೂ ಮುಂದೆ ದುಬಾರಿಯಾಗಲಿದೆ.
ಇದನ್ನೂ ಓದಿ: ಸರ್ಕಾರದ ವಿರುದ್ದ ಸಿಡಿದೆದ್ದ 108 ಆಂಬ್ಯುಲೆನ್ಸ್ ಸಿಬ್ಬಂದಿ : ಪ್ರತಿಭಟನೆಯ ಎಚ್ಚರಿಕೆ
ರಾಜ್ಯ ಸರ್ಕಾರ ಮತ್ತು ನಂದಿ ಎಕಾನಮಿಕ್‌ ಕಾರಿಡಾರ್‌ ಎಂಟರ್‌ಪ್ರೈಸಸ್‌ ಲಿಮಿಟೆಡ್‌ ನಡುವೆ 2000ದಲ್ಲಿ ನಡೆದ ಒಪ್ಪಂದದ ಪ್ರಕಾರ ನೈಸ್ ರೋಡ್ ಟೋಲ್ ದರ ಹೆಚ್ಚಳವಾಗಿದೆ. ಇಂದಿನಿಂದಲೇ ಪರಿಷ್ಕೃತ ದರ ಅನ್ವಯಿಸಲಿದ್ದು, ಕಾರುಗಳಿಗೆ 5 ರಿಂದ 10 ರೂ, ಬಸ್ಗೆ 20 ರೂ, ಟ್ರಕ್ಗೆ 5 ರಿಂದ 15 ರೂ, ಲಘು ವಾಣಿಜ್ಯ ವಾಹನಗಳಿಗೆ 5 ರಿಂದ 10 ರೂ, ದ್ವಿಚಕ್ರ ವಾಹನಗಳಿಗೆ 2 ರಿಂದ 5 ರೂಪಾಯಿಗಳನ್ನ ಹೆಚ್ಚಿಸಡಲಾಗಿದೆ.
