ವರ್ಷಗಳು ಬದಲಾದಂತೆ ವಿಶ್ವ ಕ್ರಿಕೆಟ್ ಹಲವು ವಿಭಿನ್ನ ಆರಂಭಿಕ ಆಟಗಾರರನ್ನ ಕಂಡಿದೆ. ಅದರಲ್ಲೂ ಮ್ಯಾಥ್ಯೂ ಹೆಡನ್, ವಿರೇಂದ್ರ ಸೆಹ್ವಾಗ್, ಸಯೀದ್ ಅನ್ವರ್ ಮೊದಲಾದ ಬ್ಯಾಟ್ಸ್ ಮನ್ ಗಳು ತಮ್ಮ ಹೊಡಿಬಡಿ ಶೈಲಿಯಿಂದಲೇ ಅಭಿಮಾನಿಗಳ ಪ್ರೀತಿಗೆ ಪಾತ್ರರಾದವ್ರು. ಇಂದಿನ ಮಾರ್ಡನ್ ಕ್ರಿಕೆಟ್ನಲ್ಲಿ ಟೀಮ್ಇಂಡಿಯಾದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಆ ಸ್ಥಾನವನ್ನ ತುಂಬಿದ್ದಾರೆ.
ಓಪನರ್ ಬ್ಯಾಟಿಂಗ್ ಜವಬ್ದಾರಿಯೊಂದಿಗೆ ಖಾಯಂ ನಾಯಕ ಕೊಹ್ಲಿ ಅನುಪಸ್ಥಿತಿಯಲ್ಲಿ ಟೀಮ್ಇಂಡಿಯಾದ ನಾಯಕತ್ವವನ್ನೂ ರೋಹಿತ್ ಸಮರ್ಥವಾಗಿ ನಿಭಾಯಿಸುತ್ತಿದ್ದಾರೆ. ಸದ್ಯ ಆಸೀಸ್ ಸರಣಿಗಾಗಿ ಬ್ಲ್ಯೂ ಬಾಯ್ಸ್ ಕಾಂಗರೂ ನಾಡಿನಲ್ಲಿ ಬೀಡು ಬಿಟ್ಟಿರೋದು ನಿಮೆಗೆಲ್ಲಾ ಗೊತ್ತೇ ಇದೆ. ಇಂಟ್ರೆಸ್ಟಿಂಗ್ ಅಂದ್ರೆ ಅಲ್ಲಿ ರೋಹಿತ್ ಶರ್ಮಾ ಬ್ಯಾಟ್ ಜೊತೆಗೆ ಕ್ಯಾಮರಾ ಕೂಡ ಹಿಡಿದಿದ್ದಾರೆ..!
ಯಸ್…! ಸದ್ಯ ಆಸ್ಟ್ರೇಲಿಯಾ ಸರಣಿಯ ಬ್ಯುಸಿ ಶೆಡ್ಯೂಲ್ನಲ್ಲಿರೋ ಟೀಮ್ಇಂಡಿಯಾ ಮೊದಲ ಟಿ-20 ಪಂದ್ಯಕ್ಕೂ ಮುನ್ನ ಪೋಟೋಶೂಟ್ ನಡೆಸಿತ್ತು. ಆ ಸಂದರ್ಭದಲ್ಲಿ ಕ್ಯಾಮೆರಾ ಹಿಡಿದ ಹಿಟ್ಮ್ಯಾನ್ ರೋಹಿತ್ ಶರ್ಮಾ, ಕನ್ನಡಿಗ ಮನೀಷ್ ಪಾಂಡೆಯವರ ಪೋಟೋಶೂಟ್ ನಡೆಸಿದ್ದಾರೆ. ರೋಹಿತ್ ತಮ್ಮ ಮೊಬೈಲ್ನಲ್ಲಿ ಮನೀಷ್ ಪಾಂಡೆಯ ಪೋಟೋಶೂಟ್ ಮಾಡುತ್ತಿರುವ ವಿಡಿಯೋ ತುಣುಕನ್ನ ಬಿಸಿಸಿಐ ತನ್ನ ಅಧಿಕೃತ ವೆಬ್ಸೈಟ್ನಲ್ಲಿ ಪ್ರಕಟಿಸಿದೆ.
MUST WATCH – When Hitman became Cameraman 👀👀
We get behind the scenes as @ImRo45 goes behind the lens to profile @im_manishpandey during a photoshoot – by @28anand
📹📹https://t.co/JEvSMrWmmP #TeamIndia pic.twitter.com/gca1z19XyM
— BCCI (@BCCI) November 22, 2018
