ಕಾಂತಾರ ಸಿನಿಮಾ ರಿಲೀಸ್ ಆದಾಗ ಹಿಸ್ಟರಿ ಕ್ರಿಯೇಟ್ ಮಾಡುತ್ತೆ ಅಂತಾ ಯಾರು ಊಹಿಸಿರಲಿಲ್ಲ. ಆದ್ರೆ, ಇಂದು ಕಾಂತಾರ ಎಲ್ಲರ ಬಾಯಿ ಮುಚ್ಚಿಸಿದೆ. ಇನ್ನೂ ಬಾಕ್ಸ್ ಆಫೀಸ್ ಕಲೆಕ್ಷನ್ ಲೆಕ್ಕಾಚಾರ ಕೇಳಿದ್ರೆ, ಎಲ್ಲರೂ ಶಾಕ್ ಆಗ್ತೀರಾ. ಅದೇನೆ ಇರಲಿ ವಿಶ್ವ ಮೆಚ್ಚಿದ ಕೆಜಿಎಫ್ ಗೂ ಸೆಡ್ಡು ಹೊಡಿತಿದೆ ಕಾಂತಾರ. ಇನ್ನೂ ಎರಡು ಹೆಜ್ಜೆ ಮುಂದಿಟ್ಟರೆ ರಾಖಿಭಾಯ್ ದಾಖಲೆಯನ್ನು ಧೂಳಿಪಟ ಮಾಡಲಿದೆ.
- ರಾಕಿಭಾಯ್ ಹಿಂದಿಕ್ಕಿದ ರಿಷಬ್.. ಕರ್ನಾಟಕದಲ್ಲಿ ನಂ.1 ಪಟ್ಟ
ಕರಾವಳಿ ಸಾಂಸ್ಕೃತಿಕ ನೆಲೆಯನ್ನು ಎಲ್ಲರಿಗೂ ಮನಮುಟ್ಟುವಂತೆ ತೋರಿಸಿದ ಸಿನಿಮಾ ಕಾಂತಾರ. ಇನ್ನೂ ಸಿನಿಮಾ ನೋಡಿದವ್ರಿಗೆಲ್ಲಾ ಧೈವದ ವಿಶೇಷ ಅನುಭೂತಿಯ ಫೀಲ್ ಆಗಿದ್ದು ಚಿತ್ರದ ಗ್ರೇಟ್ನೆಸ್. ಸಿನಿಮಾ ನೋಡ್ತಾ ನೋಡ್ತಾ ಪಂಜುರ್ಲಿ ಧೈವದ ಆಹಾವನೆಯಾಗಿದ್ದು ಹೆಮ್ಮೆಯ ವಿಚಾರ. ಉಸಿರಲಿ ಉಸಿರಾಗಿ ಬೆರೆತ ಕಥೆ ಕಾಂತಾರ ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳನ್ನೆಲ್ಲಾ ನೆಲ ಕಚ್ಚುವಂತೆ ಮಾಡಿದೆ. ಬರೋಬ್ಬರಿ 500 ಕೊಟಿಯತ್ತ ದಾಪುಗಾಲು ಇಟ್ಟಿದೆ.
ಪ್ಯಾನ್ ಇಂಡಿಯಾ ಸಿನಿಮಾಗಳ ಸಾಲಿಗೆ ಸೌತ್ ಸಿನಿಮಾಗಳು ಅಬ್ಬರಿಸಿ ಬೊಬ್ಬಿರಿಯುತ್ತಿವೆ. ಆರ್ಆರ್ಆರ್, ಕೆಜಿಎಫ್ ಬರೆದ ಚರಿತ್ರೆಯನ್ನು ಯಾರು ಮರೆಯುವಂತಿಲ್ಲ. ಆದ್ರೆ, ಇಂದಿಗೂ ಅತಿಯಾಗಿ ಕಾಡ್ತಿರೋದು ಕಾಂತಾರ ಸಿನಿಮಾ. ಸೂಪರ್ ಸ್ಟಾರ್ಗಳ ಬಾಯಲ್ಲೂ ಕಾಂತಾರ ಕಥೇ ನಲಿದಾಡಿದ್ದು ವಿಶೇಷ.
ಯೆಸ್.. ಇದೀಗ ಕರ್ನಾಟಕದಲ್ಲಿ ನಂ. 1 ಪಟ್ಟ ಕಾಂತಾರ ಚಿತ್ರದ ಪಾಲಾಗಲಿದೆ. ಕೆಜಿಎಫ್ ದಾಖಲೆಯನ್ನು ಉಡೀಸ್ ಮಾಡೋಕೆ ಎರಡೇ ಕೋಟಿ ಬಾಕಿ ಇದೆ. ಕನ್ನಡ ಮಣ್ಣಿನಲ್ಲಿ 155 ಕೋಟಿ ಗಳಿಸಿದ್ದ ಕೆಜಿಎಫ್ ದಾಖಲೆಯನ್ನು ಉಡೀಸ್ ಮಾಡಲಿದೆ ಕಾಂತಾರ.
- ಅರೋಪಗಳ ವಿರುದ್ಧ ತೊಡೆ ತಟ್ಟಿ ನಿಂತ ‘ಕಾಂತಾರ’
- KGF-2 ವಿಶ್ವದಾಖಲೆಗೆ ಟಕ್ಕರ್ ಕೊಡ್ತಾರಾ ರಿಷಬ್..?
ಹಳ್ಳಿ, ಗಲ್ಲಿ,ದಿಲ್ಲಿಯಲ್ಲೂ ಕಾಂತಾರ ಕಂಪನ ಜೋರಾಗಿದೆ. ಟ್ರ್ಯಾಕ್ಟರ್, ಬಸ್ಸುಗಳಲ್ಲಿ ಸಿನಿಮಾ ನೋಡಿ ಬರುವ ಹಳೆ ಚಾಳಿ ಕಾಣಿಸಿದ್ದು ಕಾಂತಾರ ಚಿತ್ರದಿಂದ. ಥಿಯೇಟರ್ ಮುಖವನ್ನೆ ನೋಡದ ಅನೇಕ ಪ್ರೇಕ್ಷಕರನ್ನು ಬಡಿದೆಬ್ಬಿಸಿ ಕರೆತಂದಿದ್ದು ರಿಷಬ್ ಆ್ಯಕ್ಟಿಂಗ್ ತಾಕತ್ತು. ಕಥೆಯ ಗತ್ತು ಗಮ್ಮತ್ತು, ಸ್ಥಳಿಯ ಭಾಷೆಯ ಕರಾಮತ್ತು ಕಾಂತಾರ ಚಿತ್ರವನ್ನು ಗೆಲ್ಲಿಸಿದೆ. ಬರೋಬ್ಬರಿ ಒಂದು ಕೋಟಿ ಟಿಕೆಟ್ ಮಾರಾಟ ಮಾಡಿದ ಹೆಗ್ಗಳಿಕೆಯೂ ಕಾಂತಾರ ಚಿತ್ರಕ್ಕೆ ಸಲ್ಲುತ್ತದೆ.
ಇನ್ನೂ ಕೇವಲ ಎರಡು ಕೋಟಿ ಗಳಿಸಿದ್ರೆ ಕೆಜಿಎಫ್ ದಾಖಲೆಯನ್ನು ಮುರಿಯಲಿದೆ. ಆದ್ರೆ, ಕೆಜಿಎಫ್ 2 ಬರೆದ ವಿಶ್ವದಾಖಲೆಯನ್ನು ಸರಿಗಟ್ಟೋದು ಕಷ್ಟಸಾಧ್ಯವಾಗುತ್ತದೆ. ವರ್ಲ್ಡ್ ವೈಡ್ 1300 ಕೋಟಿಗೂ ಮೀರಿ ಕಲೆಕ್ಷನ್ ಬಾಚಿದ್ದ ಕೆಜಿಎಫ್ ತನ್ನಲ್ಲೇ ದಾಖಲೆಯನ್ನು ಉಳಿಸಿಕೊಂಡಿದೆ.
ಅಂತೂ ಕರ್ನಾಟಕದಲ್ಲಿದ್ದ ಕೆಜಿಎಫ್ ಅಲೆಯನ್ನು ಹೊಂಬಾಳೆ ಸಂಸ್ಥೆ ತಮ್ಮದೇ ಬ್ಯಾನರ್ ಮೂಲಕ ಅಳಿಸಿ ಹಾಕಿದೆ. ಮೂಲೆ ಮೂಲೆಯಲ್ಲೂ ಕೋಲ ಆಚರಣೆಗಳ ಅನುರಣನ ಕೇಳಿಸಿದೆ. ಯ್ಯುಟ್ಯೂಬ್ನಲ್ಲಿ ಭೂತಕೋಲ ವೀಡಿಯೋ ವೀಕ್ಷಣೆ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಮೈಂಡ್ ಬ್ಲೋಯಿಂಗ್ ಆ್ಯಕ್ಟಿಂಗ್ ಮಾಡಿದ ರಿಷಬ್ ದೇವರಾಗಿದ್ದಾರೆ. ಅದೇನೆ ಇರಲಿ, ಕನ್ನಡ ಸಿನಿಮಾಗಳ ಪಾಲಿದೆ ಸದ್ಯ ಶುಕ್ರದೆಸೆ ಶುರುವಾಗಿದೆ. ಈ ಸುವರ್ಣ ಯುಗ ಹೀಗೆ ಮುಂದುವರೆಯಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
