ತಲೆಗೆ ಮೂರು ನಾಮ ಹಾಕಿಕೊಂಡು ಎಲ್ಲರ ತಲೆಗೆ ಕಂಬಳಿ ಹುಳ ಬಿಟ್ಟಿದ್ದ ಅಸಮಾನ್ಯ ಬುದ್ಧಿವಂತ ನಿರ್ದೇಶಕ ಉಪೇಂದ್ರ. ವರ್ಲ್ಡ್ ವೈಡ್ ಟೀಸರ್ ಮೂಲಕ ಸಂಚಲನ ಮೂಡಿಸಿರೋ ಕಬ್ಜ ಚಿತ್ರದಲ್ಲಿ ಸಖತ್ ಬ್ಯುಸಿ ಇರೋ ಉಪ್ಪಿ ಯು ಅಂಡ್ ಐ ಚಿತ್ರದ ಶೂಟಿಂಗ್ನಲ್ಲೂ ಆ್ಯಕ್ಟಿವ್ ಆಗಿದ್ದಾರೆ. ಈ ನಡುವೆ ಪವರ್ ಸ್ಟಾರ್ ಪುನೀತ್ ಹಾಗು ರಿಯಲ್ ಸ್ಟಾರ್ ಉಪ್ಪಿ ಹೊಸಪೇಟೆಯಲ್ಲಿ ಮುಖಾಮುಖಿಯಾಗಿದ್ದು ಪ್ರೇಕ್ಷಕರು ಸಖತ್ ಥ್ರಿಲ್ ಆಗಿದ್ದಾರೆ.
- ಹಂಪಿ ವಿರೂಪಾಕ್ಷನ ದಿವ್ಯ ಸನ್ನಿಧಿಯಲ್ಲಿ ರಿಯಲ್ ಸ್ಟಾರ್
ಉಪೇಂದ್ರ. ಈ ಹೆಸ್ರು ಕೇಳ್ತಿದ್ದ ಹಾಗೆ ಮೈ ರೋಮಾಂಚನವಾಗುತ್ತೆ. ಅವ್ರ ಸಿನಿಮಾಗಳ ಪುಟಗಳನ್ನು ಮೆಲುಕು ಹಾಕಿದ್ರೆ ಅರೆಕ್ಷಣ ಮೈ ಜುಮ್ಮೆನ್ನುತ್ತೆ. ಫಾದರ್ ಆಫ್ ಆಲ್ ಡೈರೆಕ್ಟರ್ ಉಪೇಂದ್ರ. ಪ್ರಯೋಗಗಳಿಗೆ ಮುನ್ನುಡಿ ಬರೆದ ಹಠವಾದಿ. ಬುದ್ಧಿವಂತರಿಗಾಗಿಯೇ ಸಿನಿಮಾ ಮಾಡಿದ ಕ್ರಿಯೇಟಿವ್ ಹೆಡ್. ಇದೀಗ ಉಪ್ಪಿ ಅಂಗೈಯಲ್ಲಿ ಕಬ್ಜ ಹಾಗೂ ಯು ಅಂಡ್ ಐ ಸಿನಿಮಾಗಳಿವೆ. ಅದ್ರಲ್ಲಿ ಉಪ್ಪಿ ನಿರ್ದೇಶನದ ಯುಐ ಸಿನಿಮಾ ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ.
ಉಪ್ಪಿ ಡೈರೆಕ್ಷನ್ ಸಿನಿಮಾ ಅಂದ್ರೆ ಇಡೀ ಸಿನಿದುನಿಯಾ ತಲೆಕೆಡಿಸಿಕೊಳ್ಳುತ್ತೆ. ಕಥೆ, ಸಂಭಾಷಣೆ, ಆ್ಯಕ್ಟಿಂಗ್, ಕ್ಲೈಮ್ಯಾಕ್ಸ್ ಎಲ್ಲವೂ ಎಲ್ಲರಿಗಿಂತ ಭಿನ್ನ ವಿಭಿನ್ನವಾಗಿರುತ್ತೆ. ಇದೀಗ ಉಪ್ಪಿ ಯು ಅಂಡ್ ಈ ಚಿತ್ರದ ಶೂಟಿಂಗ್ಗಾಗಿ ಹೊಸ ಪೇಟೆಗೆ ಎಂಟ್ರಿ ಕೊಟ್ಟಿದ್ದಾರೆ. ಕೃಷ್ಣದೇವರಾಯನ ಐತಿಹಾಸಿಕ ಮಣ್ಣಿನಲ್ಲಿ, ವಿರೂಪಾಕ್ಷನ ದಿವ್ಯ ಸಾನಿಧ್ಯದಲ್ಲಿ ದೇವರ ದರ್ಶನ ಪಡೆದಿದ್ದಾರೆ. ಪಂಪಾದೇವಿ, ಭುವನೇಶ್ವರಿ ದೇವಿ, ವಿಜಯವಿಠಲನ ಆಶೀರ್ವಾದದೊಂದಿಗೆ ಯುಐಗೆ ಕಿಕ್ಸ್ಟಾರ್ ಕೊಟ್ಟಿದ್ದಾರೆ.
- ಅಪ್ಪು ಪುತ್ಥಳಿಯ ಮುಂದೆ ರಿಯಲ್ ಸ್ಟಾರ್ ಹೇಳಿದ್ದೇನು..?
- ಬುದ್ಧಿವಂತನ ಸಿನಿಮಾದಲ್ಲಿ ಜನ ಸಾಮಾನ್ಯರಿಗೂ ಅವಕಾಶ
ಉಪ್ಪಿ ಏಳು ವರ್ಷಗಳ ನಂತ್ರ ವಿಭಿನ್ನ ಪ್ರಯತ್ನದೊಂದಿಗೆ ಡೈರೆಕ್ಷನ್ಗೆ ಮರಳಿದ್ದಾರೆ. ಈಗಾಗ್ಲೇ ಚಿತ್ರದ ಟೈಟಲ್ಗೆ ಎಲ್ಲರು ತಲೆ ಕೆರೆದುಕೊಳ್ಳುತ್ತಿದ್ದಾರೆ. ಈ ನಡುವೆ ಚಿತ್ರತಂಡ ಹೊಸಪೇಟೆಯಲ್ಲಿ ಶೂಟಿಂಗ್ಗಾಗಿ ಬೀಡು ಬಿಟ್ಟಿದೆ. ಮೂರು ದಿನಗಳ ಕಾಲ ನಗರದ ಸರಸ್ವತಿ, ಲಕ್ಷ್ಮಿ ಥಿಯೇಟರ್ನಲ್ಲಿ ಚಿತ್ರದ ಕೆಲವು ತುಣುಕುಗಳ ಚಿತ್ರೀಕರಣ ನಡೆಯಲಿದೆ. ಜನಸಾಮಾನ್ಯರಿಗೂ ಅವಕಾಶವಿದ್ದು, ಸಿನಿಮಾದಲ್ಲಿ ಕಾಣಿಸಿಕೊಳ್ಳುವ ಬಂಪರ್ ಆಫರ್ ಸಿಕ್ಕಿದೆ.
ಇದ್ರ ಜತೆಗೆ, ಇತ್ತೀಚೆಗೆ ನಿರ್ಮಾಣ ಆಗಿರುವ ಅಪ್ಪು ಪುತ್ಥಳಿಗೆ ಭೇಟಿ ನೀಡಿದ ಉಪ್ಪಿ ಅಂಡ್ ಟೀಮ್ ಪೂಜೆ ಸಲ್ಲಿಸಿ ನಮಸ್ಕರಿಸಿದ್ದಾರೆ. ಅಪ್ಪು ಪುತ್ಥಳಿಗೆ ಪುಷ್ಪಾರ್ಚನೆ ಮಾಡಿದ ರಿಯಲ್ ಸ್ಟಾರ್ ಅಭಿಮಾನಿಗಳಿಗೆ ಕಿವಿಮಾತು ಹೇಳಿದ್ರು. ಅಪ್ಪು ತರಹ ಬದುಕಬೇಕು. ಹೂವಿನ ಹಾರ ಹಾಕಿ ಮನೆಗೆ ಹೋಗೋದಲ್ಲ. ಅವ್ರ ಗುಣ ಬೆಳೆಸಿಕೊಳ್ಳಿ ಎಂದ್ರು.
ವಿಜಯ ನಗರ ಸಾಮ್ಯಾಜ್ಯದ ಮಣ್ಣಿನ ಸುತ್ತಮುತ್ತ ಕೆಲವು ದಿನಗಳ ಕಾಲ ಯು ಅಂಡ್ ಐ ಸಿನಿಮಾ ಶೂಟಿಂಗ್ ನಡೆಯಲಿದೆ. ಕೆ.ಪಿ ಶ್ರೀಕಾಂತ್ ನಿರ್ಮಾಣದಲ್ಲಿ ಸಿನಿಮಾ ಮೂಡಿ ಬರ್ತಿದೆ. ನನ್ನ ತಲೆ ಖಾಲಿ ಇದೆ, ಹಾಗಾಗಿ ಹೊಸ ಐಡಿಯಾ ಹೊಳೆಯುತ್ತದೆ ಎಂದಿದ್ದ ಉಪ್ಪಿ ಈ ಚಿತ್ರದ ಮೂಲಕ ಕ್ರಾಂತಿ ಮಾಡೋಕೆ ಹೊರಟಿದ್ದಾರೆ. ಚಿತ್ರದ ಸ್ಟಾರ್ ಕಾಸ್ಟಿಂಗ್ ಬಗ್ಗೆ ಸದ್ಯದಲ್ಲೇ ಗೊತ್ತಾಗಲಿದೆ. ಎನಿವೇ ಉಪ್ಪಿ ಕನ್ನಡದ ಹೆಮ್ಮೆಯ ಪ್ರತೀಕ. ಆಲ್ ದಿ ಬೆಸ್ಟ್ ಉಪ್ಪಿ ಸರ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
