ಇಡೀ ವಿಶ್ವವೇ ಬೆರಗುಗಣ್ಣಿನಿಂದ ನೋಡುವಂತ ಸೂಪರ್ ಹಿಟ್ ಸಿನಿಮಾ ಕೊಟ್ಟ ಸಂಸ್ಥೆ ಹೊಂಬಾಳೆ. ಯೆಸ್.. ಕನ್ನಡ ಮಣ್ಣಿನ ಹೆಮ್ಮೆಯ ಸಂಸ್ಥೆ ಹೊಂಬಾಳೆ ಸದ್ಯ ಮುಟ್ಟಿದ್ದೆಲ್ಲಾ ಚಿನ್ನವಾಗ್ತಿದೆ. ಅದ್ದೂರಿ ಸಿನಿಮಾಗಳ ಒಡೆಯನಾಗಿರೋ ಹೊಂಬಾಳೆ ಬ್ಯಾನರ್ ಅಡಿಯಲ್ಲಿ ಮತ್ತೊಂದು ಪ್ಯಾನ್ ಇಂಡಿಯಾ ಮೂವಿ ಸೆಟ್ಟೇರಿದೆ. ಈ ಚಿತ್ರಕ್ಕೂ ಪವರ್ ಸ್ಟಾರ್ ಪುನೀತ್ಗೂ ಇರೋ ಬಿಹೈಂಡ್ ದಿ ಸ್ಟೋರಿ ಏನ್ ಗೊತ್ತಾ..? ನೀವೇ ಓದಿ.
ಸಸ್ಪೆನ್ಸ್ ಥ್ರಿಲ್ಲರ್ ಕಥೆಗೆ ಪ್ರಶಾಂತ್ ನೀಲ್ ಸ್ಪೆಷಲ್ ಟಿಪ್ಸ್..!
ಯುವರತ್ನ, ಕೆಜಿಎಫ್, ಕಾಂತಾರ ಹೀಗೆ ಸೂಪರ್ ಹಿಟ್ ಸಿನಿಮಾಗಳ ರಾಜಕುಮಾರನಾಗಿ ಮೆರೆಯುತ್ತಿರುವ ಪ್ರತಿಷ್ಟಿತ ಸಿನಿಮಾ ನಿರ್ಮಾಣ ಸಂಸ್ಥೆ ಹೊಂಬಾಳೆ. ಸದ್ಯ ಈ ಸಂಸ್ಥೆಯ ನ್ಯೂ ಪ್ರಾಜೆಕ್ಟ್ ಧೂಮಂ. ಈ ಸಿನಿಮಾದ ಮುಹೂರ್ತ ಅದ್ಧೂರಿಯಾಗಿ ನೆರವೇರಿದ್ದು, ಪ್ರಶಾಂತ್ ನೀಲ್, ವಿಜಯ್ ಕಿರಗಂದೂರ್, ನಾಯಕ ಫಾಹದ್ ಪಾಸಿಲ್, ಅಪರ್ಣಾ ಬಾಲಮುರುಳಿ ಸೇರಿದಂತೆ ಇಡೀ ಚಿತ್ರತಂಡ ಭಾಗಿಯಾಗಿತ್ತು.
ಹೊಂಬಾಳೆಯ ಹನ್ನೆರಡನೇ ಸಿನಿಮಾ ಇದಾಗಿದ್ದು ಸಸ್ಪೆನ್ಸ್ ಥ್ರಿಲ್ಲರ್ ಜಾನರ್ನಲ್ಲಿ ಮೂಡಿ ಬರ್ತಿದೆ. ಪ್ಯಾನ್ ಇಂಡಿಯಾ ಸಿನಿಮಾ ಇದಾಗಿದ್ದು ಲೂಸಿಯಾ ಖ್ಯಾತಿಯ ಪವನ್ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಕಂಠೀರವ ಸ್ಟೂಡಿಯೋದಲ್ಲಿ ನಡೆದ ಮುಹೂರ್ತ ಸಮಾರಂಭದಲ್ಲಿ ಕೆಜಿಎಫ್ ನೀಲ್ ಕೂಡ ಭಾಗಿಯಾಗಿದ್ದು ಲೂಸಿಯಾ ಪವನ್ಗೆ ಡೈರೆಕ್ಷನ್ ಟಿಪ್ಸ್ ಕೂಡ ಕೊಟ್ಟಿದ್ದಾರೆ.
ಮೋಸ್ಟ್ ಕ್ರಿಯೇಟಿವ್ ಹೆಡ್, ಚಾಣಕ್ಯನ ತಂತ್ರಗಾರಿಕೆ ಇರೋ ಪವನ್ ನೀಲ್ ಜತೆ ಚರ್ಚೆ ನಡೆಸಿದ್ರು. ಅಪ್ಪುಗೋಸ್ಕರ ಎತ್ತಿಟ್ಟಿದ್ದ ಕಥೆಯೇ ಧೂಮಂ ಎಂಬ ಮಾತುಗಳು ಕೇಳಿ ಬರ್ತಿದ್ದು ಸಿನಿಮಾ ಸಿಕ್ಕಾಪಟ್ಟೆ ಕುತೂಹಲ ಕೆರಳಿಸಿದೆ.
- ಪವನ್ ಮಾಂತ್ರಿಕತೆಯಲ್ಲಿ ಮತ್ತೆ ಯು-ಟರ್ನ್ ಜಾದು
- ಧೂಮಂ ಚಿತ್ರಕ್ಕೆ ‘ಪುಷ್ಪ’ ಸ್ಟಾರ್ ಫಾಸಿಲ್ ತಾಕತ್ತು..!
ವಿಜಯ್ ಕಿರಗಂದೂರ್ ಸಖತ್ ಚ್ಯುಸಿಯಾಗಿದ್ದು ಪಕ್ಕಾ ಕಿಕ್ಕು ಕೊಡೋ ಸಿನಿಮಾಗಳಿಗೆ ಬಂಡವಾಳ ಹೂಡ್ತಿದ್ದಾರೆ. ಕ್ರಿಯೇಟಿವ್ ನಿರ್ದೇಶಕರ ಮೇಳೆ ಕೋಟಿ ಕೋಟಿ ಬಂಡವಾಳ ಸುರಿಯುತ್ತಿರುವ ಹೊಂಬಾಳೆ ಲೂಸಿಯ್ ಪವನ್ ಮೇಲೆ ಭರವಸೆ ಇಟ್ಟಿದೆ. ಲೂಸಿಯಾ, ಯು ಟರ್ನ್ ಚಿತ್ರಗಳ ವಿಕ್ರಮನಿಗೆ ಧೂಮಂ ಚಿತ್ರದ ಜವಾಬ್ದಾರಿ ಹೊರಿಸಿದೆ. ಪವನ್ ಸ್ಕ್ರಿಪ್ಟ್ ಕೇಳಿ ಫಿದಾ ಆಗಿರೋ ವಿಜಯ್ ಅಂಡ್ ಟೀಮ್ ಸಿನಿಮಾವನ್ನು ಅದ್ಧೂರಿಯಾಗಿ ತೆರೆಗೆ ತರೋ ಪ್ಲಾನ್ ಮಾಡಿಕೊಂಡಿದೆ.
ಇಂಟರ್ನ್ಯಾಷನಲ್ ಫಿಲ್ಮ್ , ನ್ಯಾಷನಲ್, ಫಿಲ್ಮ್ ಫೇರ್ ಅವಾರ್ಡ್ ಗೆದ್ದು ಬೀಗ್ತಿರೋ ಹೆಸರಾಂತ ನಟ ಫಹಾದ್ ಫಾಸಿಲ್ ಧೂಮಂ ಚಿತ್ರದ ನಾಯಕನಾಗಿ ಕಾಣಿಸ್ತಿದ್ದಾರೆ. ಪುಷ್ಪ, ವಿಕ್ರಮ್ ಚಿತ್ರಗಳಲ್ಲಿ ನಟರಾಕ್ಷಸನಂತೆ ನಟಿಸಿರುವ ವರ್ಸಟೈಲ್ ಆ್ಯಕ್ಟರ್ ಫಹಾದ್ ಚಿತ್ರದ ಬಿಗ್ಗೆಸ್ಟ್ ಸ್ಟ್ರೆಂಥ್ ಆಗಿದ್ದಾರೆ. ಸೂರರೈ ಪೊಟ್ರು ಖ್ಯಾತಿಯ ಅಪರ್ಣಾ ನಾಯಕಿಯಾಗಿದ್ದು ಚಿತ್ರಕ್ಕೆ ಕಿಕ್ಕಸ್ಟಾರ್ಟ್ ಸಿಕ್ಕಿದೆ.
‘ಧೂಮಂ’ ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ ನಿರ್ದೇಶನ ಹಾಗೂ ಪ್ರೀತಾ ಜಯರಾಮನ್ ಛಾಯಾಗ್ರಹಣ ಮಾಡಲಿದ್ದಾರೆ. ಈಗಾಗಲೇ ಟೈಟಲ್ ಪೋಸ್ಟರ್ ಸಿಕ್ಕಾಪಟ್ಟೆ ಗಮನ ಸೆಳೆಯುತ್ತಿದೆ. ನವೆಂಬರ್ನಿಂದ ಸಿನಿಮಾ ಶೂಟಿಂಗ್ ಶುರುವಾಗಲಿದ್ದು ಫ್ಯಾನ್ಸ್ ಸಿಕ್ಕಾಪಟ್ಟೆ ಕಾತರರಾಗಿದ್ದಾರೆ. ಎನಿವೇ ಹೊಂಬಾಳೆ ಧೂಮಂ ಅಂಡ್ ಟೀಮ್ಗೆ ಆಲ್ ದಿ ಬೆಸ್ಟ್
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
