ವರ್ಲ್ಡ್ ವೈಡ್ ಗ್ಯಾಂಗ್ಸ್ಟಾರ್ ರೋಲ್ನಲ್ಲಿ ಉಪ್ಪಿ ಹಾಗೂ ಪೊಲೀಸ್ ಕಾಪ್ ಅವತಾರದಲ್ಲಿ ಕಿಚ್ಚ ಸದ್ಯದಲ್ಲೇ ಅಬ್ಬರಿಸಲಿದ್ದಾರೆ. ಯೆಸ್.. ಕಬ್ಜ ಸಿನಿಮಾ ಈ ಹೊಸ ಇತಿಹಾಸಕ್ಕೆ ಮುನ್ನುಡಿ ಬರೆಯಲಿದೆ. ಗ್ಯಾಂಗ್ಸ್ಟಾರ್ಗಳ ರಣ ರೋಚಕ ಕಾಳಗದಲ್ಲಿ ವಿಕ್ರಮ್ ಸಿನಿಮಾ ಫ್ಲೇವರ್ ಕೂಡ ಇರಲಿದೆ. ಕಬ್ಜ ಕ್ಲೈಮ್ಯಾಕ್ಸ್ಗೆ ರೊಲೆಕ್ಸ್ ಗೆಟಪ್ನಲ್ಲಿ ಎಂಟ್ರಿ ಕೊಡ್ತಾರೆ ಕನ್ನಡದ ಸೂಪರ್ ಸ್ಟಾರ್. ಯಾರು ಆ ನಟ ಅಂತೀರಾ..? ನೀವೇ ಓದಿ.
- ಹೈ ವೋಲ್ಟೇಜ್ ಸಿನಿಮಾದಲ್ಲಿ ಶಿವಣ್ಣನ ಮಾಸ್ ಲುಕ್..!
ಇಂದಿಗೆ ಕನ್ನಡದ ಸಿನಿಮಾಗಳು ಕೇವಲ ಸಿನಿಮಾಗಳಾಗಿ ಉಳಿದಿಲ್ಲ. ಪರಭಾಷಾ ಸಿನಿಮಾಗಳಿಗೆ ಮಾದರಿಯಾಗಿ ಸದ್ದು ಮಾಡ್ತಿವೆ. ಇದೀಗ ಆರ್. ಚಂದ್ರು ಸಾರಥ್ಯದಲ್ಲಿ ಕಬ್ಜ ಸಿನಿಮಾ ಕೋಟಿ ಕೋಟಿ ವೆಚ್ಚದಲ್ಲಿ ಸಿದ್ಧವಾಗ್ತಿದೆ. ಗ್ಯಾಂಗ್ವಾರ್, ಮಿಲಿಟರಿ ವಾರ್, ಪೊಲೀಸ್ ವಾರ್ ಘರ್ಜನೆ ದುಪ್ಪಟ್ಟಾಗಿರಲಿದೆ. ಸ್ಯಾಂಡಲ್ವುಡ್ ಬಾದ್ಷಾ ಕಿಚ್ಚ, ರಿಯಲ್ ಸ್ಟಾರ್ ಉಪ್ಪಿ ಕಾಂಬೋದಲ್ಲಿ ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಮೂಡಿಸಿದೆ. ಇದೀಗ ಈ ಚಿತ್ರದ ಕ್ಲೈಮ್ಯಾಕ್ಸ್ಗೆ ಮೆಗಾ ಪ್ಲಾನ್ ಮಾಡಿಕೊಂಡಿದೆ ಚಿತ್ರತಂಡ. ಹ್ಯಾಟ್ರಿಕ್ ಹೀರೋ ಶಿವಣ್ಣ ರೋಲೆಕ್ಸ್ ಗೆಟಪ್ನಲ್ಲಿ ಎಂಟ್ರಿ ಕೊಡ್ತಾರಂತೆ.
ಕಬ್ಜ ಚಿತ್ರದಲ್ಲಿ ಅಂಡರ್ವರ್ಲ್ಡ್ ಅನ್ಬೀಟೆಬಲ್ ಕಥೆಯನ್ನು ಏಳು ಭಾಷೆಗಳಲ್ಲಿ ತೆರೆಗೆ ತರಲಾಗ್ತಿದೆ. ನೆಕ್ಸ್ಟ್ ಲೆವೆಲ್ ಆ್ಯಕ್ಷನ್ ಸೀಕ್ವೆನ್ಸ್ ಸಿನಿಮಾದಲ್ಲಿ ಇರಲಿದ್ದು, ಅದ್ಧೂರಿ ಸೆಟ್ಗಳೊಂದಿಗೆ ರೆಟ್ರೋ ಸ್ಟೈಲ್ನಲ್ಲಿ ಚಿತ್ರದ ಮೇಕಿಂಗ್ ನಡೀತಿದೆ. ಇನ್ನೂ ಸೂಪರ್ ಸ್ಟಾರ್ ಕಮಲ್ ಹಾಸನ್ ಅಭಿನಯದ ವಿಕ್ರಮ್ ಸಿನಿಮಾದ ಕ್ಲೈಮ್ಯಾಕ್ಸ್ ಎಲ್ಲರಿಗೂ ನೆನಪಿದೆ. ರೋಲೆಕ್ಸ್ ರೋಲ್ನಲ್ಲಿ ರಗಡ್ ಎಂಟ್ರಿ ಕೊಟ್ಟಿದ್ದ ವಿಕ್ರಮ್ ಪ್ರೆಕ್ಷಕರನ್ನು ರೋಮಾಂಚನಗೊಳಿಸಿದ್ದರು. ಇದೀಗ ಕಬ್ಜ ಚಿತ್ರದಲ್ಲೂ ರೋಲೆಕ್ಸ್ ಸ್ಟೈಲ್ನಲ್ಲಿ ಸೆಂಚುರಿ ಸ್ಟಾರ್ ಶಿವಣ್ಣ ಎಂಟ್ರಿ ಕೊಡಲಿದ್ದಾರಂತೆ.
- ಕಬ್ಜ ಸೀಕ್ವೆಲ್ ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೋ ಶಿವಣ್ಣ ಮಿಂಚು
- ಹಾಲಿವುಡ್ ರೇಂಜ್ನಲ್ಲಿ ರೌಡಿಸಂ ಕರಾಳ ರೌದ್ರನರ್ತನ
ಕಮಲ್ ಹಾಸನ್ ಸಿನಿಕರಿಯರ್ನಲ್ಲಿ ದಾಖಲೆ ಬರೆದ ಸಿನಿಮಾ ವಿಕ್ರಮ್. 400 ಕೋಟಿ ಬಾಕ್ಸ್ ಆಫೀಸ್ ಕೆಲೆಕ್ಷನ್ ದೋಚಿದ ಸೂಪರ್ ಹಿಟ್ ಸಿನಿಮಾ ವಿಕ್ರಮ್. ಆರು ನಿಮಿಷಗಳ ಕಾಲ ಕಾಣಿಸಿಕೊಳ್ಳೋ ರೋಲೆಕ್ಸ್ ಪಾತ್ರ ವಿಕ್ರಮ್ ಚಿತ್ರದ ಸಕ್ಸಸ್ಗೆ ಸಖತ್ ಇಂಪ್ಯಾಕ್ಟ್ ಮಾಡಿತ್ತು. ಸಿನಿಮಾ ನೋಡಿ ಹೊರ ಬಂದ ಮೇಲೂ ಈ ಪಾತ್ರ ಎಲ್ಲರಿಗೂ ಕಾಡಿತ್ತು. ಈ ಪಾತ್ರ ಸೀಕ್ವೆಲ್ಗೂ ಕಥೆಗೂ ಸಹಕಾರಿಯಾಗಿದೆ. ಇದೀಗ, ಕಬ್ಜ ಸಿನಿಮಾದ ಕ್ಲೈಮ್ಯಾಕ್ಸ್ಗೆ ಶಿವಣ್ಣನ ಖದರ್ ಎಂಟ್ರಿ ಇರಲಿದೆಯಂತೆ. ಈ ಪಾತ್ರದ ಮೂಲಕ ಕಬ್ಜ ಸಿನಿಮಾದ ಸೀಕ್ವೆಲ್ನಲ್ಲಿ ಶಿವಣ್ಣ ಕಮಾಲ್ ಮಾಡ್ತಾರೆ ಅನ್ನೋ ಸುದ್ದಿ ಎಲ್ಲಾ ಕಡೆ ಹರಿದಾಡ್ತಿದೆ.
ಅಂತೂ ಗ್ಲೋಬಲ್ ಲೆವೆಲ್ನಲ್ಲಿ ಅಬ್ಬರಿಸಿ ಬೊಬ್ಬಿರಿಯೋಕೆ ಸಕಲ ತಯಾರಿಯನ್ನು ಮಾಡಿಕೊಳ್ತಿದೆ ಕಬ್ಜ ಚಿತ್ರತಂಡ. ಹಾಗಾಗಿ ಕಥೆಯಲ್ಲಿ ಸಾಕಷ್ಟು ಬದಲಾವಣೆ ಮಾಡಿ ಕ್ಲೈಮ್ಯಾಕ್ಸ್ನಲ್ಲಿ ಮಾಸ್ ಗಟಪ್ನಲ್ಲಿ ಶಿವಣ್ಣನನ್ನು ಪಿಚ್ಗೆ ಇಳಿಸೋ ಪ್ಲಾನ್ ಮಾಡಿಕೊಂಡಿದೆ. ಹಣದ ವಿಚಾರದಲ್ಲಿ ಎಲ್ಲೂ ಕಾಂಪ್ರಮೈಸ್ ಆಗದೆ ಸಿನಿಮಾ ನಿರ್ಮಾಣ ಮಾಡಲಾಗ್ತಿದೆ. ಆರ್. ಚಂದ್ರಶೇಖರ್ ಕೋಟಿ ಕೋಟಿ ಹಣವನ್ನು ನೀರಿನಂತೆ ಸುರಿದು ಅದ್ದೂರಿಯಾಗಿ ನಿರ್ಮಾಣ ಮಾಡ್ತಿದ್ದಾರೆ.
ಚಿತ್ರದಲ್ಲಿ ಬಾಲಿವುಡ್ನ ಡ್ಯಾನಿಶ್ ಅಖ್ತರ್, ನವಾಬ್ ಶಾ, ಶ್ರೇಯಾ ಶರಣ್ ಕಾಣಿಸಿಕೊಳ್ತಿದ್ದಾರೆ. ಲಕ್ಷ ಲಕ್ಷ ವೆಚ್ಚದಲ್ಲಿ ಶ್ರೇಯಾ ಶರಣ್ ಕಾಸ್ಟ್ಯುಮ್ ತೊಟ್ಟಿದ್ದು, ಆಭರಣಕ್ಕಾಗಿಯೇ ಕೋಟಿ ಕೋಟಿ ಹಣ ಸುರಿಯಲಾಗಿದೆ. ರವಿವರ್ಮಾ ಸಾಹಸ ನಿರ್ದೇಶನವಿದೆ. ಕಬ್ಜ ಚಿತ್ರಕ್ಕೆ ರವಿ ಬಸ್ರೂರು ಸಂಗೀತ ಸಂಯೋಜಿಸ್ತಿದ್ರೆ, ಎ.ಜೆ ಶೆಟ್ಟಿ ಛಾಯಾಗ್ರಹಣ ಮಾಡ್ತಿದ್ದಾರೆ. ದಸರಾ ಹಬ್ಬಕ್ಕೆ ಸಿನಿಮಾ ರಿಲೀಸ್ಗೆ ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ. ಒಟ್ಟಾರೆ ಪ್ಯಾನ್ ವರ್ಲ್ಡ್ ಲೆವೆಲ್ನಲ್ಲಿ ಕಬ್ಜ ಸಿನಿಮಾ ತೆರೆ ಕಾಣಲಿದ್ದು, ಶಿವಣ್ಣ ಕೂಡ ಸಿನಿಮಾದಲ್ಲಿ ಇರಲಿದ್ದಾರೆ ಅನ್ನೋ ಸುದ್ದಿ, ಚಿತ್ರದ ಪ್ರಚಾರಕ್ಕೆ ಕಿಕ್ಸ್ಟಾರ್ಟ್ ಕೊಟ್ಟಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
