ಬೆಂಕಿ ಜತೆಗೆ ಪಳಗಿದ, ಹಠವ ಹೊತ್ತು ತಿರುಗಿದ, ಪಣವ ತೊಟ್ಟ ಯೋಧ, ಸ್ಯಾಂಡಲ್ವುಡ್ ಧೀರ ರಾಕಿಭಾಯ್ ಸದ್ಯ ಜಾಲಿಮೂಡ್ನಲ್ಲಿದ್ದಾರೆ. ಪ್ರಪಂಚದ ಮೂಲೆ ಮೂಲೆಯಲ್ಲೂ ಮಾಸ್ಟರ್ ಪೀಸ್ಗೆ ಅಭಿಮಾನಿಗಳಿದ್ದಾರೆ. ಸದ್ಯ ಯ್ಯೂರೋಪ್, ಇಟಲಿಯಲ್ಲಿ ಯಶ್ ಫ್ಯಾನ್ಸ್ ಬಿಗ್ ಸರ್ಪ್ರೈಸ್ ಕೊಟ್ಟಿದ್ದಾರೆ. ಅಷ್ಟಕ್ಕೂ ಅಲ್ಲಿ ನಡೆದಿದ್ದೇನು..?
ರಾಕಿಭಾಯ್ ತಾಕತ್ತು ಯೂರೋಪ್, ಇಟಲಿಗೂ ಗೊತ್ತು
ಕೆಜಿಎಫ್ 2 ಸಕ್ಸಸ್ ನಂತ್ರ ಇಟಲಿಯಲ್ಲಿ ರಿಲ್ಯಾಕ್ಸ್ ಮೂಡ್
ನ್ಯಾಷನಲ್ ಸ್ಟಾರ್ ಯಶ್ ಮುಂದಿನ ಸಿನಿಮಾ ಯಾವುದು..?
ಸ್ಯಾಂಡಲ್ವುಡ್ ಸಿಂಡ್ರೆಲಾ, ಮಾಸ್ಟರ್ ಪೀಸ್ ಜಾಲಿ ವೆಕೇಷನ್
ಕರ್ನಾಟಕದ ಚಿತ್ರರಂಗದಲ್ಲಿ ಇಲ್ಲಿವರೆಗೂ ಇದ್ದ ರಣರಂಗದ ಚದುರಂಗವನ್ನು ಭೇದಿಸಿ ತನ್ನ ಖ್ಯಾತಿಯನ್ನು ವಿಶ್ವದೆಲ್ಲೆಡೆ ಪಸರಿಸಿದ ಹೀರೋ ರಾಕಿಂಗ್ ಸ್ಟಾರ್. ಕೆಜಿಎಫ್ ನಂತ್ರ ಸುಲ್ತಾನನ ನೇಮು, ಫೇಮು ತೂಫಾನ್ನಂತೆ ಪ್ರಪಂಚದ ಮೂಲೆ ಮೂಲೆಗೂ ತಲುಪಿತು. ರಾಕಿಭಾಯ್ ಹೆಸ್ರು ಗೊತ್ತಿಲ್ಲದೆ ಇರೋ ಮಣ್ಣಿಲ್ಲ. ಆ ಲೆವೆಲ್ಗೆ ರಾಕಿಭಾಯ್ ಜನಪ್ರಿಯತೆ ಪಡೆದಿದ್ದಾರೆ.
ರಾಕಿಂಗ್ ಸ್ಟಾರ್ ನೆಕ್ಸ್ಟ್ ಪ್ರಾಜೆಕ್ಟ್ ಯಾವುದು..? ಪ್ಯಾನ್ ಇಂಡಿಯಾನಾ..? ಇಲ್ಲಾ ಪ್ಯಾನ್ ವರ್ಲ್ಡ್ ಸಿನಿಮಾನಾ ಅಂತಾ ಫ್ಯಾನ್ಸ್ ತಲೆಕೆಡಿಸಿಕೊಂಡಿದ್ರೆ, ರಾಕಿಭಾಯ್ ಮಾತ್ರ ಯಾವ ಚಿಂತೆ ಇಲ್ಲದೆ ರಿಲ್ಯಾಕ್ಸ್ ಮೂಡ್ನಲ್ಲಿದ್ದಾರೆ. ತಮ್ಮ ಮುದ್ದಿನ ಮಡದಿ ರಾಧಿಕಾ ಪಂಡಿತ್ ಜತೆ ಯ್ಯೂರೋಪ್, ಇಟಲಿ ಟೂರ್ ಮಾಡ್ತಿದ್ದಾರೆ. ಜಾಲಿಮೂಡ್ನಲ್ಲಿದ್ದ ರಾಕಿಭಾಯ್ಗೆ ಅಲ್ಲಿನ ಫ್ಯಾನ್ಸ್ ಕಾದು ನಿಂತು ಮಾತನಾಡಿಸಿದ್ದಾರೆ. ಸೆಲ್ಫಿ ಪಡೆದು ದಿಲ್ಖುಷ್ ಆಗಿದ್ದಾರೆ. ಅಂತೂ ದೇಶದ ಗಡಿಯಾಚೆ ಎಲ್ಲೆ ಮೀರಿದ ಪ್ರೀತಿ ಅಭಿಮಾನ ಕಂಡು ಯಶ್ ಫಿದಾ ಆಗಿದ್ದಾರೆ.
ರಾಕಿಭಾಯ್ ನೆಕ್ಸ್ಟ್ ಪ್ರಾಜೆಕ್ಟ್ ಬಗ್ಗೆ ಹಲವಾರು ಗಾಸಿಪ್ಗಳು ಕೇಳಿ ಬರುತ್ತಲೇ ಇವೆ. ಇತ್ತ ಟಾಲಿವುಡ್ನ ಖ್ಯಾತ ನಿರ್ಮಾಪಕ ದಿಲ್ರಾಜು ಕೂಡ 100 ಕೋಟಿ ಸಂಭಾವನೆಯ ಆಫರ್ ಕೂಡ ಕೊಟ್ಟಿರೋ ಸುದ್ದಿ ಎಲ್ಲೆಡೆ ಹರಿದಾಡ್ತಿದೆ. ನರ್ತನ್ ಪ್ರಾಜೆಕ್ಟ್ನಲ್ಲಿ ಯಶ್ ನಟಿಸ್ತಾರೆ ಅನ್ನೋ ಗಾಳಿಸುದ್ದಿಯೂ ಬಿರುಗಾಳಿ ಎಬ್ಬಿಸ್ತು. ಇತ್ತ ನೀಲ್ ಕೆಜಿಎಫ್ 3ಗೆ ಸಲಾರ್ ಸಿನಿಮಾ ಅಡ್ಡ ನಿಂತಿದೆ. ಹಾಗಾದ್ರೆ ಯಶ್ ಯಾವುದೋ ದೊಡ್ಡ ಪ್ಲಾನ್ ಮಾಡಿಕೊಂಡಿರೋದಂತೂ ಪಕ್ಕಾ. ಹಾಗಾಗಿಯೇ ಯಾವುದೋ ಪ್ರಾಜೆಕ್ಟ್ ಮೇಲೆ ಇಟಲಿಗೆ ಹೋಗಿದ್ದಾರೆ ಎನ್ನಲಾಗ್ತಿದೆ.
ಸ್ಯಾಂಡಲ್ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಜತೆ ಇಟಲಿ, ಯೂರೋಪ್ನಲ್ಲಿ ಸುತ್ತಾಡ್ತಿರೋ ಯಶ್ ಕೆಲವು ಫೋಟೋಗಳನ್ನು ಶೇರ್ ಮಾಡ್ತಿದ್ದಾರೆ. ಮುದ್ದಾದ ಜೋಡಿಯ ಫೋಟೋಗಳಿಗೆ ಸಿಕ್ಕಾಪಟ್ಟೆ ಲೈಕ್ಸ್ ಕಮೆಂಟ್ಸ್ ಹರಿದು ಬರ್ತಿವೆ. ಈ ನಡುವೆ ಹೋಟೆಲ್ನಲ್ಲಿ ಬಾಂಗ್ಲಾ, ಇಟಲಿಯ ಫ್ಯಾನ್ಸ್ಗಳನ್ನು ಯಶ್ ಮೀಟ್ ಆಗಿದ್ದು, ಆ ಫೋಟೊವೊಂದನ್ನು ಹಂಚಿಕೊಂಡಿದ್ದಾರೆ. ಇದ್ರ ಜತೆಯಲ್ಲಿ ನನ್ನ ಮೇಲಿನ ಪ್ರೀತಿ ಗಡಿ ಮೀರಿದೆ ಎಂದು ಬರೆದುಕೊಂಡಿದ್ದಾರೆ.
ಯಶ್ ಮ್ಯಾನರಿಸಂ, ಆ್ಯಕ್ಟಿಂಗ್, ಅವರ ಸ್ಟೈಲ್ಗೆ ಪ್ರಪಂಚದಾದ್ಯಂತ ಅಭಿಮಾನಿಗಳು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಅವರ ಸಿನಿಮಾ ನೋಡಿ ಹುಚ್ಚು ಅಭಿಮಾನದಿಂದ ಸಾಗರ ದಾಟಿ ಭೇಟಿ ಮಾಡಲು ಬರುತ್ತಾರೆ. ಇದೀಗ ಇಟಲಿಯಲ್ಲಿರೋ ಯಶ್ ಅವರನ್ನು ಕಂಡು ಬಾಂಗ್ಲಾ ಹಾಗೂ ಇಟಲಿ ಅಭಿಮಾನಿಗಳು ಥ್ರಿಲ್ ಆಗಿದ್ದು ಯಶ್ ಜತೆ ಕೆಲಹೊತ್ತು ಸಮಯ ಕಳೆದಿದ್ದು ಯಶ್ ರೇಂಜ್ ಯಾವ ಲೆವೆಲ್ಗಿದೆ ಅನ್ನೋದು ಮತ್ತೆ ಪ್ರೂವ್ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ