ಭಟ್ರ ತಲೆಯಲ್ಲಿ ಮೂಡಿ ಬರ್ತಿರೋ ವಿಚಿತ್ರ ಚಿತ್ರಪಟ ಗಾಳಿಪಟ 2. ಅವರ ಲೇಖನಿಯ ಸಾಲು ಹಾಗೂ ಸಂಭಾಷಣೆಗಳು ನಕ್ಕು ನಕ್ಕು ಹೊಟ್ಟೆ ಹುಣ್ಣಾಗುವಂತೆ ಮಾಡುತ್ತವೆ. ಎಣ್ಣೆ ಸಾಂಗ್ ದ್ಯಾವ್ಲೇ ದ್ಯಾವ್ಲೇ ಎಂದು ಮಾತು ತೊದಲಿಸಿದ್ದ ಗಾಳಿಪಟ ಟೀಮ್ ಒಂದಿಲ್ಲೊಂದು ಹೊಸತನಗಳ ಮೂಲಕ ಸದ್ದು ಮಾಡ್ತಿದೆ. ಇದೀಗ ಗಣಿ ಕನ್ನಡ್ ಗೊತ್ತಿಲ್ಲ ಅಂತಿದ್ರೆ, ದಿಗ್ಗಿ ಪ್ಯಾಂಟ್ ಇಲ್ಲದೆ ನಿಂತಿದ್ದಾರೆ.
ಭಟ್ರ ಗಾಳಿಪಟ.. ಗಣಿ ಕನ್ನಡ್ ಗೊತ್ತಿಲ್ಲ..ದಿಗ್ಗಿ ಪ್ಯಾಂಟ್ ಇಲ್ಲ
ಕ್ಯಾರೆಕ್ಟರ್ ಟೀಸರ್ ಮೂಲಕ ಭಟ್ರ ಟೀಮ್ ಹೈಪ್ ಕ್ರಿಯೇಟ್
ನೀನು ಬಗೆಹರಿಯದ ಹಾಡಲ್ಲಿ ಈಜಿದ ಗ್ಲಾಮರಸ್ ಶರ್ಮಿಳಾ
ಜಯಂತ್ ಕಾಯ್ಕಿಣಿ, ಭಟ್ರ ಸಾಹಿತ್ಯದಲ್ಲಿ ಗಾಳಿಪಟ 2 ಮಿಂಚು
ಯೋಗರಾಜ್ ಭಟ್ರು ಸರ್ವ ಕಾಲಕ್ಕೂ ಸ್ಯೂಟ್ ಆಗೋ ಕಥೆ ಹೇಳೋದ್ರಲ್ಲಿ ಸಿದ್ಧ ಹಸ್ತರು. ಇದೀಗ ಗಾಳಿಪಟ ಚಿತ್ರದ ಸೀಕ್ವೆಲ್ ಎಳೆಯನ್ನು ಇಟ್ಕೊಂಡು ಮತ್ತೊಂದು ವಿಭಿನ್ನ ಕಥೆ ಹೇಳೋಕೆ ಹೊರಟಿದ್ದಾರೆ. ಗಾಳಿಪಟ ಚಿತ್ರ ಬರೆದ ದಾಖಲೆಯನ್ನು ಮುರಿಯೋದು ಕಷ್ಠವಾದ್ರೂ ಅದ್ರ ಸಾಲಿಗೆ ನಿಲ್ಲೋ ಮಟ್ಟಕ್ಕೆ ಭಟ್ರು ಕಥೆ ರೆಡಿ ಮಾಡಿಕೊಂಡಿದ್ದಾರೆ. ಈಗಾಗ್ಲೇ ಗಾಳಿಪಟ 2 ಸಿನಿಮಾ ಪ್ರತಿ ಹೆಜ್ಜೆಯಲ್ಲೂ ಹೈಪ್ ಕ್ರಿಯೇಟ್ ಮಾಡ್ತಾ ಬಂದಿದೆ.
ಹಳೆ ಟೀಮ್ನ್ನೆ ಉಳಿಸಿಕೊಂಡಿರುವ ಭಟ್ರು, ಸಿಂಗರ್ ರಾಜೇಶ್ ಹೊರತಾಗಿ ಪವನ್ಗೆ ಜಾಗ ಕಲ್ಪಿಸಿದ್ದಾರೆ. ಸಿನಿಮಾದ ಎಕ್ಸಾಮ್ ಸಾಂಗ್ ಆರಂಭದಲ್ಲೇ ಸಿನಿಮಾದ ಮೇಳಿನ ನಿರೀಕ್ಷೆಯನ್ನು ಡಬಲ್ ಮಾಡಿದೆ. ಇತ್ತೀಚೆಗೆ ಕಜಕಿಸ್ತಾನದಲ್ಲಿ ದ್ಯಾವ್ಲೇ ದ್ಯಾವ್ಲೇ ಅಂತಾ ಬಾಯಿ ತೊದಲಿಸಿದ್ದ ಗಣಿ ಅಂಡ್ ಟೀಮ್ ಕುಡುಕರ ನಾಡಗೀತೆಯಾಗಿ ಸದ್ದು ಮಾಡಿತ್ತು. ಇದೀಗ ಭಟ್ರ ಗರಡಿಯಲ್ಲಿನ ಒಂದೊಂದೆ ಪಾತ್ರಗಳ ಪರಿಚಯವಾಗ್ತಿದ್ದು, ಕ್ಯಾರೆಕ್ಟರ್ ಟೀಸರ್ ರಿಲೀಸ್ ಆಗಿದೆ. ಗಣಿ ಬಾಯಲ್ಲಿ ಕನ್ನಡ್ ಗೊತ್ತಿಲ್ಲವಾಗಿದೆ. ಇನ್ನು ಎಮೋಷನ್ ಸೀನ್ಸ್ನಲ್ಲಿ ಗಣಿಯ ಕ್ಯಾರೆಕ್ಟರ್ ಇಂಪ್ರೆಸ್ಸಿವ್ ಆಗಿದೆ.
ಇನ್ನೂ ಗಾಳಿಪಟ ಒಂದರಲ್ಲಿ ದಿಗಂತ್ ಹಾಗೂ ನೀರು ಜೋಡಿಯ ಮೋಡಿ ಇದ್ರಲ್ಲೂ ಕ್ಯಾರಿಯಾಗಿದೆ. ಆದ್ರೆ ಇಲ್ಲಿ ನೀತು ಮಿಸ್ ಆಗಿದ್ದಾರೆ. ಇಡೀ ಹಿಮಾಲಯದಲ್ಲಿ ಬೆತ್ತಲೆ ಸುತ್ತಾಡ್ತಾ ಇರೋ ಸನ್ಯಾಸಿಯಾಗಿ ದಿಗಂತ್ ಕಾಣಿಸಿದ್ದಾರೆ. ದೂಧ್ ಪೇಡಾ ದಿಗಂತ್ಗೆ ಪ್ಯಾಂಟ್ ಯಾಕೋ ನಿಲ್ತಿಲ್ಲ ಅನ್ನಿಸ್ತಿದೆ. ಪ್ರೀತಿ, ದ್ವೇಷ, ಚಡ್ಡಿ, ಚಳಿಯ ನಡುವೆ ಸಿಕ್ಕು ದಿಗಿ ಫುಲ್ ದಿಗಿಲಾಗಿದ್ದಾರೆ.
ನೀನು ಬಗೆಹರಿಯದ ಹಾಡು. ನೋಡು ಹದಿಹರೆಯದ ಪಾಡು ಅಂತಾ ಪವನ್ ಹಾಗೂ ಶರ್ಮಿಳಾ ನೀರಲ್ಲಿ ಮುಳುಗಿ ರೊಮ್ಯಾನ್ಸ್ ಮಾಡಿರೋ ಹಾಡು ಕೂಡ ಸಖತ್ ಸೌಂಡ್ ಮಾಡ್ತಿದೆ. ಕಾಯ್ಕಿಣಿ ರೊಮ್ಯಾಂಟಿಕ್ ಸಾಹಿತ್ಯ ಪ್ರೇಮಸಾಗರದಲ್ಲಿ ಎಲ್ಲರನ್ನು ತೇಲಿಸಿದೆ. ನಿಹಾಲ್ ಹಿನ್ನೆಲೆ ಗಾಯನದಲ್ಲಿ ಈ ಹಾಡು ರಿಪೀಟ್ ಮೋಡ್ನಲ್ಲಿ ಕೇಳಬೇಕು ಅನ್ನಿಸುತ್ತೆ. ಅರ್ಜುನ್ ಜನ್ಯಾ ಮ್ಯೂಸಿಕ್ ಕಿಕ್ಕು ಕೊಡುತ್ತದೆ.
ಗೋಲ್ಡನ್ ಸ್ಟಾರ್ ಗಣೇಶ್, ದಿಗಂತ್, ಪವನ್ ಕುಮಾರ್, ಶರ್ಮಿಳಾ ಮಾಂಡ್ರೆ, ವೈಭವಿ ಶಾಂಡಿಲ್ಯ, ಅನಂತ್ ನಾಗ್ ಸೇರಿದಂತೆ ಘಟಾನುಘಟಿಗಳ ಸಾರಥ್ಯದಲ್ಲಿ ಗಾಳಿಪಟ ಆಗಸ್ಟ್ 12ಕ್ಕೆ ಮುಗಿಲೆತ್ತರಕ್ಕೆ ಹಾರಲಿದೆ. ಇದ್ರ ಜತೆಯಲ್ಲಿ ನಟ ಪವನ್ಕುಮಾರ್ ಕ್ಯಾರೆಕ್ಟರ್ ಟೀಸರ್ ಕೂಡ ಚಿತ್ರದ ಮೇಲಿನ ನಿರೀಕ್ಷೆಯನ್ನು ದುಪ್ಟಟ್ಟು ಮಾಡಿದೆ.
ಸೂರಜ್ ಪ್ರೊಡಕ್ಷನ್ ಅಡಿಯಲ್ಲಿ ಉಮಾ ಎಮ್ ರಮೇಶ್ ರೆಡ್ಡಿ ನಿರ್ಮಾಣದಲ್ಲಿ ಸಿನಿಮಾ ಅಧ್ಧೂರಿಯಾಗಿ ಮೂಡಿ ಬಂದಿದೆಯಂತೆ. ಸಂತೋಷ್ ರೈ ಪತಾಜೆ ಕ್ಯಾಮೆರಾ ಕಣ್ಣಲ್ಲಿ ಪ್ರತಿ ಫ್ರೇಮು ಕೂಡ ಹೊಸ ಫೀಲ್ ಕೊಡಲಿದೆಯಂತೆ. ಎನಿವೇ ಭಟ್ರ ಕ್ಯಾರೆಕ್ಟರ್ ಟೀಸರ್ ಸಿನಿಮಾ ಮೇಲಿನ ಕುತೂಹಲವನ್ನು ಡಬಲ್ ಮಾಡಿರೋದಂತೂ ಸತ್ಯ. ಗಾಳಿಪಟ ಸಕ್ಸಸ್ ಮತ್ತೆ ರಿಪೀಟ್ ಆಗುತ್ತಾ ಕಾದು ನೋಡ್ಬೇಕು.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವ