ಆಡು ಮುಟ್ಟದ ಸೊಪ್ಪಿಲ್ಲ. ಶಿವಣ್ಣ ಮಾಡದೇ ಇರೋ ಪಾತ್ರಗಳಿಲ್ಲ. 123 ಸಿನಿಮಾಗಳನ್ನು ಹ್ಯಾಟ್ರಿಕ್ ಹೀರೋ ಕಣ್ಣು ಬಿಟ್ಟು ನೋಡುವಷ್ಠರಲ್ಲಿ ಮಾಡಿ ಮುಗಿಸಿದಂತಿದೆ. ಶಿವಣ್ಣನ ಎನರ್ಜಿ ಸಿನಿಮಾದಿಂದ ಸಿನಿಮಾಗೆ ಡಬಲ್ ಅಗಿರುತ್ತೆ. ಇದೀಗ 123 ಸಿನಿಮಾಗಳನ್ನು ಮೀರಿಸುವ ಹೊಸ ಕಥೆ ಸೃಷ್ಠಿ ಆಗಿದೆ. ಈ ಚಿತ್ರದ ಕಥೆಯೇ ಸಖತ್ ಇಂಟ್ರೆಸ್ಟಿಂಗ್ ಆಗಿದೆ. ಗಂಧದ ಗುಡಿ ನೆನಪಿಸುವ ಕಾಡಿನ ಕೂತೂಹಲದ ಸಿನಿಮಾ ಯಾವುದು ಗೊತ್ತಾ..?
ಮಹದೇಶ್ವರ ಬೆಟ್ಟದಲ್ಲಿ ಶಿವಣ್ಣ ಕೈಗೆ ಕೋಳ ಹಾಕಿದ್ಯಾರು..?
ವೀರಪ್ಪನ್ ಅಟ್ಟಹಾಸ ಮೆರೆದ ಕಾಡಿನಲ್ಲಿ ಶಿವಣ್ಣ ಟೆಂಟ್..!
ಮಾಫಿಯಾ ಚಿತ್ರದ ಯುವ ನಿರ್ದೇಶಕರಿಗೆ ಶಿವಣ್ಣ ಕಾಲ್ಶೀಟ್..!
ಕೊರಳಲ್ಲಿ ರುದ್ರಾಕ್ಷಿ.. ಕೈಯಲ್ಲಿ ಕೋಳ.. ಶಾಂತಿ – ಕ್ರಾಂತಿ ಸಂಗಮ
ದೊಡ್ಮನೆಯ ಹಿರಿಯ ಕುಡಿ ಡಾ.ಶಿವಣ್ಣ ಮೊನ್ನೆಯಷ್ಟೆ ತಮ್ಮ 60ನೇ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಂಡಿದ್ದಾರೆ. ಹುಟ್ಟುಹಬ್ಬಕ್ಕೆ ಅವ್ರ ಹೊಸ ಸಿನಿಮಾಗಳ ವಿಭಿನ್ನ ಪೋಸ್ಟರ್ಗಳು ರಿಲೀಸ್ ಆಗೋ ಮೂಲಕ ಚಿತ್ರರಸಿಕರಿಗೆ ಅಚ್ಚರಿ ಮೂಡಿಸಿವೆ. ಇಷ್ಟೊಂದು ಸಿನಿಮಾಗಳಲ್ಲಿ ಅಭಿನಯಿಸೋಕೆ, ಸ್ಟಿಲ್ ಯಂಗ್ ಅಂಡ್ ಎನರ್ಜಿಟಿಕ್ ಹೀರೋ ಶಿವಣ್ಣನಿಗೆ ಮಾತ್ರ ಸಾಧ್ಯ. ಇತ್ತ ಬೈರಾಗಿ ರಾಜ್ಯಾದ್ಯಂತ ಧೂಳೆಬ್ಬಿಸ್ತಾ ಇದ್ರೆ, ಮುಂದಿನ ಸಿನಿಮಾ ಸತ್ಯಮಂಗಳ ಫಸ್ಟ್ ಲುಕ್ ಕಿಚ್ಚು ಹಚ್ಚಿದೆ.
ಸತ್ಯಮಂಗಳ ಹೆಸ್ರು ಕೇಳಿದ ತಕ್ಷಣ, ಎರಡು ರಾಜ್ಯಗಳನ್ನು ಬೆಚ್ಚಿ ಬೀಳಿಸಿದ್ದ ಕಾಡುಗಳ್ಳ ವೀರಪ್ಪನ್ ನೆನಪಾಗುತ್ತಾನೆ. ಈ ಸಿನಿಮಾ ಕೂಡ ಕಂಪ್ಲೀಟ್ ಫಾರೆಸ್ಟ್ ಮೇಲೆ ಇರೋದ್ರಿಂದ, ದಂತಚೋರ ವೀರಪ್ಪನ್ಗೂ, ಈ ಸಿನಿಮಾಗೂ ಲಿಂಕ್ ಇದೆಯಾ ಅನ್ನೋ ಕುತೂಹಲ ಮೂಡಿದೆ. ಈ ಸಿನಿಮಾದ ಪೋಸ್ಟರ್ನಲ್ಲಿ ಶಿವಣ್ಣನ ಕೈಗೆ ಕೋಳ ತೊಡಿಸಿದ್ದಾರೆ. ಇದ್ರ ಜತೆಯಲ್ಲಿ ಒನ್ಸ್ ಎ ಗ್ಯಾಂಗ್ಸ್ಟರ್ ಈಸ್ ಆಲ್ವೇಸ್ ಎ ಗ್ಯಾಂಗ್ಸ್ಟರ್ ಎಂಬ ಸಬ್ಟೈಟಲ್ ಬೆಂಕಿಗೆ ಮತ್ತಷ್ಟು ತುಪ್ಪ ಸುರಿದಂತಿದೆ. ಸತ್ಯಮಂಗಳ ಕಾಡಿನ ಮೇಲೆ ಚಿತ್ರಕಥೆ ಸಾಗೋದ್ರಿಂದ ಮತ್ತೊಮ್ಮೆ ಗಂಧದಗುಡಿ ನೆನಪಿಸೋದ್ರಲ್ಲಿ ನೋ ಡೌಟ್.
ಮಮ್ಮಿ ಸಿನಿಮಾ ಡೈರೆಕ್ಟ್ ಮಾಡಿ ಸಕ್ಸಸ್ ಕಂಡಿದ್ದ ಯುವನಿರ್ದೇಶಕ ಲೋಹಿತ್ ಸತ್ಯಮಂಗಳ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ದಟ್ಟವಾದ ಕಾಡು , ಮರಿಜೋನಾ ಗಿಡಗಳು, ನಡುವಲ್ಲಿ ಕರಿಚಿರತೆ ಇರೋ ಸತ್ಯಮಂಗಳ ಚಿತ್ರದ ಪೋಸ್ಟರ್ ಕೂಡ ಯ್ಯೂನಿಕ್ ಆಗಿದೆ. ಶಿವಣ್ಣನ 123 ಸಿನಿಮಾ ಅವತಾರಗಳಿಗಿಂತ ಈ ಸಿನಿಮಾ ಡಿಫರೆಂಟ್ ಆಗಿರಲಿದೆಯಂತೆ. 90ರ ದಶಕದ ಕಥೆಯನ್ನು ಸಖತ್ ವರ್ಕ್ಔಟ್ ಮಾಡಿ, ನಾಲ್ಕು ತಿಂಗಳ ಕಾಲ ಕಥೆಗೆ ಹೊಸ ಶೇಪ್ ಕೊಟ್ಟು ಶಿವಣ್ಣ ಅವ್ರನ್ನು ಒಪ್ಪಿಸಲಾಗಿದೆ.
ಬೈರಾಗಿ ಚಿತ್ರದ ಯಂಗೆಸ್ಟ್ ಪ್ರೊಡ್ಯುಸರ್ ಕೃಷ್ಣಸಾರ್ಥಕ್ ಸತ್ಯಮಂಗಳ ಚಿತ್ರವನ್ನು ನಿರ್ಮಾಣ ಮಾಡ್ತಿದ್ದಾರೆ. ಬೈರಾಗಿ ಸಿನಿಮಾಗೆ ಬಂಡವಾಳ ಹೂಡಿದ್ದ ಕೃಷ್ಣಸಾರ್ಥಕ್ ಅವ್ರೇ ಈ ಸಿನಿಮಾ ನಿರ್ಮಾಣ ಮಾಡ್ತಾ ಇರೋದ್ರಿಂದ, ಸಹಜವಾಗಿ ಕಾತರ ಹೆಚ್ಚಾಗಿದೆ. ಚಿತ್ರದ ಕಥೆ ಕೇಳಿದ ತಕ್ಷಣಕ್ಕೆ ಎಲ್ಲೂ ಕಾಂಪ್ರಮೈಸ್ ಆಗದೆ ನಿರ್ಮಾಪಕರು ಓಕೆ ಮಾಡಿದ್ದಾರೆ.
ಶಿವಣ್ಣ ಕೂಡ ಸಖತ್ ಎಗ್ಸೈಟ್ ಆಗಿದ್ದಾರಂತೆ. ಫಸ್ಟ್ ಲುಕ್ನಲ್ಲಿ ಶಿವಣ್ಣನ ಕೊರಳಲ್ಲಿ ರುದ್ರಾಕ್ಷಿ ಇದೆ. ಕೈಯಲ್ಲಿ ಕೋಳ ಇದೆ. ಶಾಂತಿ ಕ್ರಾಂತಿ ಸಂಗಮ ಈ ಸಿನಿಮಾದಲ್ಲಿ ಇರುತ್ತಾ ಅನ್ನೋದು ಇನ್ನೂ ಸಸ್ಪೆನ್ಸ್ ಆಗಿದೆ. ಬಹುತೇಕ ಕಾಡಿನಲ್ಲೇ ಸಿನಿಮಾ ಕಥೆ ಸಾಗೋದ್ರಿಂದ ಕನ್ನಡದಲ್ಲಿ ಮತ್ತೊಂದು ವಿಭಿನ್ನ ಸಿನಿಮಾ ಸಾಲಿಗೆ ಸತ್ಯಮಂಗಳ ಸೇರಲಿದೆ.
ಫ್ಲೊ…
ಈ ಸಿನಿಮಾದಲ್ಲಿ ಹ್ಯಾಟ್ರಿಕ್ ಹೀರೋ ಮೂರು ವಿಭಿನ್ನ ಲುಕ್ನಲ್ಲಿ ಮಿಂಚಲಿದ್ದಾರಂತೆ. ಸಿನಿಮಾದ ಕಥೆ ಏನು, ಯಾರೆಲ್ಲಾ ಸಿನಿಮಾದಲ್ಲಿ ಆ್ಯಕ್ಟ್ ಮಾಡ್ತಾರೆ ಅನ್ನೋ ಗುಟ್ಟು ಬಿಟ್ಟು ಕೊಟ್ಟಿಲ್ಲ ಚಿತ್ರತಂಡ. ನಿರ್ಮಾಪಕ ಕೃಷ್ಣಸಾರ್ಥಕ್ಗೆ ಈ ಸಿನಿಮಾ ದೊಡ್ಡ ಕನಸಂತೆ. ಹಾಗಾಗಿ ಭೀಮ ಸಿನಿಮಾ ನಂತ್ರ ಈ ಸಿನಿಮಾ ಟೇಕ್ ಆಫ್ ಆಗಬಹುದು ಅನ್ನೋ ಟಾಕ್ ಶುರುವಾಗಿದೆ. ಇನ್ನೂ ಈ ಚಿತ್ರದಲ್ಲಿ ವೈಲ್ಡ್ ಫಾರೆಸ್ಟ್ ಜೊತೆ ಕಾಡಿನ ಪ್ರಾಣಿಗಳನ್ನು ಕಣ್ತುಂಬಿಕೊಳ್ಳಬಹುದಾ ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ