ರಾಜ್ಯ : ಸದ್ಯಕ್ಕಂತೂ ಕ್ರೂರಿ ಕೊರೋನಾ ತನ್ನ ಅಟ್ಟಹಾಸ ನಿಲ್ಲಿಸುವ ಲಕ್ಷಣ ಕಾಣುತ್ತಿಲ್ಲ. ಈಗಾಗಲೇ ಕೇಸ್ಗಳು ದಿನೇ ದಿನೆ ರಾಕೆಟ್ ವೇಗದಲ್ಲಿ ಜಾಸ್ತಿಯಾಗುತ್ತಿವೆ. ಮಹಾಮಾರಿ ಯುವಜನರನ್ನೇ ಹೆಚ್ಚು ಟಾರ್ಗೆಟ್ ಮಾಡಿ, ಅಟ್ಯಾಕ್ ಮಾಡುತ್ತಿರುವುದು ಸಿಲಿಕಾನ್ ಸಿಟಿಯನ್ನ ಬೆಚ್ಚಿಬೀಳಿಸಿದೆ.
ಮಹಾಮಾರಿ ಕೊರೋನಾ ಎಲ್ಲೆಡೆ ಭಯಾನಕವಾಗಿ ಹಬ್ಬುತ್ತಿದ್ದು ರಾಜಧಾನಿ ಬೆಂಗಳೂರಲ್ಲಿ ಕೊರೋನಾ ಕಂಟ್ರೋಲ್ ತಪ್ಪಿದಂತೆ ಕಾಣಿಸುತ್ತಿದೆ. ಇನ್ನು ಈ ವೈರಸ್ ಸಮುದಾಯಕ್ಕೂ ಎಂಟ್ರಿಕೊಟ್ಟಿದೆ. ಅದರಲ್ಲೂ ಯುವಕರನ್ನೇ ಹೆಚ್ಚಾಗಿ ಗುರಿಯಾಗಿಸಿಕೊಂಡು ಅಟ್ಯಾಕ್ ಮಾಡುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ.
ಸದ್ಯಕ್ಕೆ ಬೆಂಗಳೂರಿನಲ್ಲಿ 32 ಸಾವಿರ ಸಕ್ರಿಯ ಕೇಸ್ಗಳಿದ್ದು ಇದರಲ್ಲಿ ಬಹುತೇಕ 20 ಸಾವಿರ ಮಂದಿ ಯುವಕರೇ ಇದ್ದಾರೆ. ಆರೋಗ್ಯ ಇಲಾಖೆಯ ಮಾಹಿತಿ ಪ್ರಕಾರ ಪ್ರತಿದಿನ ಸಾವಿರಕ್ಕೂ ಹೆಚ್ಚು ಯುವಕರು ಸೋಂಕಿಗೆ ತುತ್ತಾಗುತ್ತಿದ್ದಾರೆ. ಹೀಗಾಗಿ ಯುವಕರು ಅತಿ ಜಾಗೃತವಾಗಿ ಇರಬೇಕಾಗಿದೆ. ವೈರಸ್ನ ನಿರ್ಲಕ್ಷ್ಯಿಸಿದರೆ ಸಾವು ಕೂಡ ಸಂಭವಿಸಬಹುದು ಅಂತಾರೇ ತಜ್ಞ ವೈದ್ಯರು.
ಯಾವ ದಿನ ಎಷ್ಟೆಷ್ಟು ಕೇಸ್..?
ದಿನಾಂಕ ಸೋಂಕಿಗೆ ತುತ್ತಾದ ಯುವಕರು
ಜನವರಿ 4 1048
ಜನವರಿ 5 1918
ಜನವರಿ 6 3200
ಹೀಗೆ.. ದಿನೇ ದಿನೆ ಯುವಕರಲ್ಲಿ ಸೋಂಕು ಜಾಸ್ತಿಯಾಗಿದ್ದು, ಜಸ್ಟ್ 5 ದಿನದಲ್ಲಿ 8 ಸಾವಿರ ಯುವಕರಲ್ಲಿ ಸೋಂಕು ದೃಢಪಟ್ಟಿದೆ. ವಿಪರ್ಯಾಸ ಅಂದ್ರೆ ಎರಡನೇ ಅಲೆಯಂತೆ ಈ ಬಾರಿಯು ಕೂಡ ಯುವಕರೇ ಸೋಂಕಿಗೆ ಹೆಚ್ಚು ತುತ್ತಾಗುತ್ತಿರುವುದು ಆತಂಕ ಹುಟ್ಟಿಸಿದೆ. ಇನ್ನು ತಜ್ಞರು ಹೇಳುವ ಪ್ರಕಾರ 3ನೇ ಅಲೆಯು ಫೆಬ್ರವರಿ 1ರಿಂದ 15ರ ನಡುವೆ ಕಾಣಿಸಿಕೊಳ್ಳಬಹುದು. ಈ ವೇಳೆ ಪ್ರತಿದಿನ ಬರೊಬ್ಬರಿ 50 ಸಾವಿರ ಕೇಸ್ ಕಾಣಿಸಬಹುದು ಅಂತ ವೈದ್ಯರು ಹೇಳುತ್ತಾರೆ.
ಒಟ್ಟಾರೆ ಸದ್ಯಕ್ಕಂತೂ ವೈರಸ್ ಹೇಗೆ ರೂಪಾಂತರಿ ತಾಳುತ್ತೇ ಅಂತ ಹೇಳೋಕೆ ಆಸಾಧ್ಯವಾಗಿದೆ. ಹೀಗಾಗಿ ಮುಂದಿನ 2 ತಿಂಗಳ ಕಾಲ ಜನರು ಅತಿ ಎಚ್ಚರಿಕೆಯಿಂದ ಇದ್ದು, ಪ್ರಾಣ ರಕ್ಷಿಸಿಕೊಳ್ಳುವುದು ಅನಿರ್ವಾಯವಾಗಿದೆ.
