ನವದೆಹಲಿ : ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ದಾಖಲೆಗಳ ಸರದಾರ! ಕ್ರಿಕೆಟ್ನಲ್ಲಿ ಸಾಲು ಸಾಲು ರೆಕಾರ್ಡ್ಗಳನ್ನು ಮಾಡಿರುವ ರನ್ಮಷಿನ್ ಇದೀಗ ಮತ್ತೊಂದು ಹೊಸ ದಾಖಲೆ ಬರೆದಿದ್ದಾರೆ! ಅರೆ, ಟೀಮ್ ಇಂಡಿಯಾ ಸದ್ಯ ಯಾವ ಮ್ಯಾಚು ಆಡ್ತಿಲ್ಲ. ಈ ನಡುವೆ ಕೊಹ್ಲಿ ಯಾವ ರೆಕಾರ್ಡ್ ಮಾಡಿದ್ರು! ಇದೇನು ಕೊರೋನಾ ಲಾಕ್ಡೌನ್ ಗಿಂತ ಮೊದಲಿನ ಯಾವ್ದಾದ್ರುಮ್ಯಾಚ್ ನ ಸುದ್ದಿನಾ? ಹಳೇ ರೆಕಾರ್ಡ್ ಬಗ್ಗೆನಾ ಅಂತ ಕೇಳ್ತಿದ್ದೀರಾ?
ಇದು ಹಳೇ ಸುದ್ದಿ ಅಲ್ಲ.. ಹೊಸ ಸುದ್ದಿನೇ..! ಆದ್ರೆ ಕ್ರಿಕೆಟ್ ಅಂಗಳದಲ್ಲಿ ಕಿಂಗ್ ಕೊಹ್ಲಿ ಬರೆದಿರೋ ರೆಕಾರ್ಡ್ ಅಲ್ಲ, ಇದು ಸೋಶಿಯಲ್ ಮೀಡಿಯಾದಲ್ಲಿ ಅವರು ಮಾಡಿರೋ ಹೊಸ ರೆಕಾರ್ಡ್ !
ಹೌದು ಸೋಶಿಯಲ್ ಮೀಡಿಯಾದಲ್ಲಿ ಬಹಳ ಆ್ಯಕ್ಟಿವ್ ಆಗಿರೋ ಕೊಹ್ಲಿ ಇನ್ಸ್ಟಾಗ್ರಾಮ್ನಲ್ಲಿ 70 ಮಿಲಿಯನ್ ಫಾಲೋವರ್ಸ್ ಹೊಂದಿರೋ ಭಾರತದ ಮೊದಲ ಕ್ರಿಕೆಟಿಗ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.
ವಿಶ್ವದ ಕ್ರೀಡಾ ತಾರೆಯರ ಪೈಕಿ ಕೊಹ್ಲಿ ಇನ್ಸ್ಟಾಗ್ರಾಮ್ನಲ್ಲಿ ಇಷ್ಟೊಂದು ಫಾಲೋವರ್ಸ್ ಹೊಂದಿರೋ 4ನೇ ಆಟಗಾರರಾಗಿದ್ದಾರೆ. ಪೋರ್ಚುಗಲ್ನ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡ್ (232 ಮಿಲಿಯನ್), ಬಾರ್ಸಿಲೋನಾ ಲೆಜೆಂಡ್ ಲಿಯೋನೆಲ್ ಮೆಸ್ಸಿ (161 ಮಿಲಿಯನ್), ಬ್ರೆಜಿಲ್ ಫುಟ್ಬಾಲ್ ಆಟಗಾರ ಪ್ಲೇಯರ್ ನೇಮರ್ (140 ಮಿಲಿಯನ್) ಫಾಲೋವರ್ಸ್ ಹೊಂದಿದ್ದಾರೆ. ಈ ಮೂವರ ಬಳಿಕ ಕೊಹ್ಲಿ ಸ್ಥಾನ ಪಡೆದಿದ್ದಾರೆ.
ಕೊಹ್ಲಿ ಈ ಹಿಂದೆ ಇನ್ಸ್ಟಾಗ್ರಾಮ್ನಲ್ಲಿ ಒಂದು ಪೋಸ್ಟ್ಗೆ 1.35 ಕೋಟಿ ರೂಪಾಯಿ ಪಡೆಯುತ್ತಿದ್ದರು. ಈಗ 3.6 ಕೋಟಿ ರೂ ಪಡೀತಿದ್ದಾರೆ ಅಂತ ವರದಿಯಾಗಿದೆ.
