ಬೆಳಗಾವಿ : ಅರ್ಧಾಂಗಿಯ ಆಸೆಯನ್ನು ತೀರಿಸಲು ಇಲ್ಲೊಬ್ಬ ಖದೀಮ ಎಟಿಎಂಗೆ ಖನ್ನ ಹಾಕುವ ಕೆಲಸ ಮಾಡಿದ್ದು. ಹೆಂಡತಿಗೆ ಮಂಗಳಸೂತ್ರ ಕೊಡಿಸಲು ಹೆಚ್ಡಿಎಫ್ಸಿ ಬ್ಯಾಂಕ್ನ ಎಟಿಎಂಗೆ ಕನ್ನ ಹಾಕಿ ಸುಮಾರು 8 ಲಕ್ಷ ಹಣವನ್ನು ಎಗರಿಸಿದ್ದಾನೆ.
ಬೆಳಗಾವಿ ನಗರದ ಕೃಷ್ಣ ಸುರೇಶ್ ದೇಸಾಯಿ ಎಂಬಾತನಿಂದ ಕೃತ್ಯವಾಗಿದ್ದು. ಆರೋಪಿಯು ಎಚ್ಡಿಎಫ್ಸಿ ಬ್ಯಾಂಕ್ನ ಎಟಿಎಂಗಳಿಗೆ ಹಣವನ್ನು ಹಾಕುವ ಕೆಲಸ ಮಾಡುತ್ತಿದ್ದನು. ತನ್ನ ಟೀಮ್ ಜೊತೆಗೆ ಬಂದು ಎಟಿಎಂಗಳಿಗೆ ಹಣ ಹಾಕಿ ಅದರ ಕೀಯನ್ನು ತನ್ನ ಬಳಿಯಲ್ಲೆ ಇಟ್ಟುಕೊಳ್ಳುತ್ತಿದ್ದನು.
ಅದೇ ರೀತಿ ಎಚ್ಡಿಎಫ್ಸಿ ಬ್ಯಾಂಕ್ ಎಟಿಎಂಗೆ ಹಣವನ್ನು ಹಾಕಿ ಹೋಗಿದ್ದ ಖದೀಮ, ಅದೇ ದಿನ ಸಂಜೆ ಬಂದು ತನ್ನ ಬಳಿಯಲ್ಲಿದ್ದ ಮಷಿನಿನ ಕೀ ಬಳಸಿಕೊಂಡು ಎಟಿಎಂ ಬಾಕ್ಸ್ ಓಪನ್ ಮಾಡಿ ಸುಮಾರು 8 ಲಕ್ಷ ರೂಪಾಯಿ ಹಣವನ್ನು ಕಳ್ಳತನ ಮಾಡಿದ್ದನು. ಆದರೆ ಎರಡು ದಿನದ ನಂತರ ಕಳ್ಳತನ ಕೃತ್ಯ ಬೆಳಕಿಗೆ ಬಂದಿದ್ದು. ಸಿಸಿಟಿವಿ ಪರಿಶೀಲಿಸಿದ ಬ್ಯಾಂಕ್ ಸಿಬ್ಬಂದಿಗಳು ಒಂದು ಕ್ಷಣ ಶಾಕ್ ಆಗಿದ್ದಾರೆ.
ಈ ಕುರಿತು ಬ್ಯಾಂಕ್ ಸಿಬ್ಬಂದಿಗಳು ಬೆಳಗಾವಿಯ ಮಾರ್ಕೆಟ್ ಪೋಲಿಸ್ ಠಾಣೆಗೆ ದೂರು ನೀಡಿದ್ದು. ದೂರನ್ನು ದಾಖಲಿಸಿಕೊಂಡ ಪೋಲಿಸರು ತಲೆ ಮರೆಸಿಕೊಂಡಿದ್ದ ಆರೋಪಿ ಕೃಷ್ಣ ಸುರೇಶ್ ದೇಸಾಯಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬಂಧಿತನಿಂದ ಒಂದು ಮಂಗಳ ಸೂತ್ರ, ಚಿನ್ನದ ಸರ ಸೇರಿದಂತೆ ಸುಮಾರು 7 ಲಕ್ಷ ಹಣವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಮಾಹಿತಿ ದೊರೆತಿದೆ.
