ರಾಯಚೂರು: ಮಕ್ಕಳ ವಿಚಾರಕ್ಕೆ ಆರಂಭವಾದ ಜಗಳ ತಾರಕ್ಕಕ್ಕೆ ಹೋಗಿದ್ದು. ಇದಿರಂದ ಕುಪಿತನಾದ ಪೋಲಿಸ್ ಪೇದೆಯೊಬ್ಬ ಪಕ್ಕದ ಮನೆಯ ಪ್ರಾಂಶುಪಾಲನ ಮೂಗಿನ ಮೂಳೆಯನ್ನೆ ಮುರಿದಿರುವ ಘಟನೆ ರಾಯಚೂರಿನಲ್ಲಿ ನಡೆದಿದೆ.
ರಾಯಚೂರು ನಗರದ, ರಾಜಮಾತಾ ದೇವಸ್ಥಾನ ಹತ್ತಿರದಲ್ಲಿ ಡಿಎಆರ್ ಪೋಲಿಸ್ ಪೇದೆ ವಾಸು ಮತ್ತು ಪ್ರಾಂಶುಪಾಲ ಮೆಹಬೂಬ್ ಅಲಿ ಮನೆಯಿದೆ. ಆದರೆ ಇತ್ತೀಚೆಗೆ ಮನೆಯ ಮಕ್ಕಳ ವಿಚಾರಕ್ಕೆ ಜಗಳವಾಗಿದ್ದು ಪೋಲಿಸ್ ಪೇದೆ ವಾಸು ಸೇರಿದಂತೆ ವಾಸು ಅತ್ತಿಗೆ, ತಾಯಿ ಮತ್ತು ಆತನ ತಂಗಿ ಮೆಗಬೂಬ್ ಅಲಿ ಮನೆಗೆ ನುಗ್ಗಿ ಕಸದ ಪೊರಕೆ ಮತ್ತು ಕಬ್ಬಿಣದ ರಾಡ್ನಿಂದ ಹಲ್ಲೆ ಮಾಡಿದ್ದಾರೆ.
ಈ ವೇಳೆ ಪೇದೆ ವಾಸು, ಮೊಹಬೂಬ್ ಅಲಿಯ ಮೂಗು ಮತ್ತು ದವಡೆಗೆ ತನ್ನ ಕೈಮುಷ್ಟಿಯಿಂದ ಬಲವಾಗಿ ಗುದ್ದಿದ್ದು. ಈ ವೇಳೆ ಮೆಹಬೂಬ್ ಅಲಿ ತೀವ್ರವಾಗಿ ಗಾಯಗೊಂಡಿದ್ದು ದವಡೆ ಹಲ್ಲು ಮತ್ತು ಮೂಗಿನ ಮೂಳೆ ಮುರಿದಿದೆ. ತೀವ್ರವಾಗಿ ಗಾಯಗೊಂಡ ಮೆಹಬೂಬ್ ಅಲಿಯನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ ಎಂದು ಮಾಹಿತಿ ದೊರೆತಿದೆ.
ಅಷ್ಟೆ ಅಲ್ಲದೆ ವಾಸು ಕುಟುಂಬಸ್ಥರು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದು, ಜೀವಬೆದರಿಕೆಯನ್ನು ಹಾಕಿದ್ದಾರೆ ಎಂದು ತಿಳಿದು ಬಂದಿದೆ. ಹಲ್ಲೆಗೆ ಒಳಗಾದ ಮೆಹಬೂಬ್ ಅಲಿ ಮತ್ತು ಕುಟುಂಬಸ್ಥರು ರಾಯಚೂರು ಪಶ್ಚಿಮ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ ಎಂದು ಮಾಹಿತಿ ದೊರೆತಿದೆ.
