ಬೆಂಗಳೂರು : ಬೀದಿ ನಾಯಿಗೆ ಊಟ ಹಾಕಿದ್ದಕ್ಕೆ ಮಹಿಳೆಯ ಮೇಲೆ ಹಲ್ಲೆ ಮಾಡಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದ್ದು. ಹಲ್ಲೆ ಮಾಡಿದ 5 ವಿರುದ್ಧ ಹೆಚ್.ಎ.ಎಲ್ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೋಲಿಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
ಬಸವನಗರದ, ಗುರುರಾಜ ಲೇಔಟ್ ನ 6ನೇ ಕ್ರಾಸ್ ನಲ್ಲಿ ಅನ್ನೀ ಜಾರ್ಜ್ ಎಂಬ ಮಹಿಳೆಯು ಪ್ರತಿ ನಿತ್ಯ 4 ಬೀದಿ ನಾಯಿಗಳಿಗೆ ಊಟ ಹಾಕುತಿದ್ದರು. ಕಳೆದ 10 ವರ್ಷಗಳಿಂದ ಇದನ್ನೆ ರೂಡಿಯಾಗಿಸಿಕೊಂಡಿದ್ದ ಮಹಿಳೆ ಎಂದಿನಂತೆ ನವೆಂಬರ್ 5ರ ರಾತ್ರಿ ಊಟ ಹಾಕಲು ಸ್ಥಳಕ್ಕೆ ಹೋಗಿದ್ದಾರೆ. ಆದರೆ ಈ ಸಂಧರ್ಬದಲ್ಲಿ ಅಲ್ಲಿಗೆ ಬಂದ ಅಪರಿಚಿತ ವ್ಯಕ್ತಿಯೊಬ್ಬ ಕಿರಿಕ್ ತೆಗೆದಿದ್ದಾನೆ ಎಂದು ಮಾಹಿತಿ ದೊರೆತಿದೆ.
ಊಟ ಹಾಕುತ್ತಿದ್ದ ಮಹಿಲೆಯ ಜೊತೆ ಕಿರಕ್ ತೆಗೆದ ಅಪರಿಚಿತರು ಮಹಿಳೆಯಿಂದ ಬೈಕ್ ಕೀ ಕಿತ್ತುಕೊಂಡು ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿದ್ದಾರೆ. ನಂತರ ಮಹಿಳೆಯ ಮೊಬೈಲ್ ಕಿತ್ತುಕೊಂಡು ಬಿಸಾಡಿ, ಪ್ಲಾಸ್ಟಿಕ್ ಸ್ಟಿಕ್ನಿಂದ ಹಲ್ಲೆಗೆ ಯತ್ನಿಸಿದ್ದಾರೆ. ಅಷ್ಟೆ ಅಲ್ಲದೆ ಅಕ್ಕ ಪಕ್ಕದ ಮನೆಯವರು ಬಂದು ಮಹಿಳೆಯ ಮೇಲೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂದು ಮಹಿಳೆಯು ದೂರು ನೀಡಿದ್ದು. HAL ಪೋಲಿಸರು ಒಟ್ಟು 5 ಜನರ ವಿರುದ್ಧ ಎಫ್ಐಆರ್ ದಾಖಲು ಮಾಡಿಕೊಂಡಿದ್ದಾರೆ.
