ಬೆಂಗಳೂರು: ಇತ್ತಿಚೆಗಷ್ಟೆ ಟಗರುಪಲ್ಯದ ಮೂಲಕ ಜನಪ್ರಿಯಗಳಿಸಿದ ನಟ ನಾಗಭೂಷಣ್ ಇದೀಗ ಪ್ರೀತಿಸಿದ ಗೆಳತಿಯ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ಹೌದು,ಕನ್ನಡ ಚಿತ್ರರಂಗದಲ್ಲಿ ತಮ್ಮ ವಿಭಿನ್ನ ಮ್ಯಾನರಿಸಂ ಮೂಲಕವೇ ಗಮನ ಸೆಳೆದಿರುವ ನಟ ಅಂದ್ರೆ ಅದು ನಾಗಭೂಷಣ್. ಕನ್ನಡದಲ್ಲಿ 10ಕ್ಕೂ ಹೆಚ್ಚು ಸಿನಿಮಾದಲ್ಲಿ ಸಹ ಕಲಾವಿದನಾಗಿ ನಟಿಸಿದ್ದ ನಾಗಭೂಷಣ್ ಟಗರು ಪಲ್ಯ ಸಿನಿಮಾ ಮೂಲಕ ಪೂರ್ಣ ಪ್ರಮಾಣದ ನಟನಾಗಿ ಪರಿಚಯವಾಗಿದ್ದರು. ಈ ಸಿನಿಮಾ ಒಳ್ಳೆ ಸಕ್ಸಸ್ ಕೂಡ ಕೊಟ್ಟಿತ್ತು.
ಪೂಜಾ ಪ್ರಕಾಶ್ ಯಾರು..?
ಪೂಜಾ ಪ್ರಕಾಶ್ ಕೂಡ ಕಲಾವಿದೆ ಇವರು ಚಿತ್ರಕಲೆ ಹಾಗೂ ಗ್ರಾಫಿಕ್ಸ್ ಡಿಸೈನಿಂಗ್‌ನಲ್ಲಿ ಪರಿಣಿತಿ ಹೊಂದಿದ್ದಾರೆ. ಇಬ್ಬರಿಗೂ ಕೆಲೆಯ ಬಗ್ಗೆ ಆಸಕ್ತಿಯಿದ್ದು ಹೀಗಾಗಿ ಗೆಳೆಯರಾಗಿದ್ದವರು ಈಗ ಬಾಳಿನ ಪಯಣದಲ್ಲೂ ಸಂಗಾತಿಗಳಾಗಿದ್ದಾರೆ.
ವಾಸುಕಿ ವೈಭವ್, ಅಮೃತಾ ಅಯ್ಯಂಗಾರ್, ನವೀನ್ ಶಂಕರ್, ನೀನಾಸಂ ಸತೀಶ್ ಸೇರಿಂದತೆ ಅನೇಕ ತಾರೆಯರು ಮದುವೆಯಲ್ಲಿ ಭಾಗಿಯಾಗಿ ನವಜೋಡಿಗೆ ಶುಭ ಹಾರೈಸಿದ್ದಾರೆ.
