ಹಾವೇರಿ : ತನ್ನ ಪತಿಯ ವಿರುದ್ದ ದೂರು ನೀಡಲು 5 ದಿನದ ಹಸುಗೂಸಿನೊಂದಿಗೆ ಪತ್ನಿ ಹಾವೇರಿ ಎಸ್ ಪಿ ಕಚೇರಿಗೆ ಆಗಮಿಸಿದ ಘಟನೆ ನಡೆದಿದೆ.
ಪತಿ ಸಿದ್ದಲಿಂಗಪ್ಪ ವಿರುದ್ದ ಪತ್ನಿ ಗೀತಾ ಎಸ್ಪಿ ಕಚೇರಿಯಲ್ಲಿ ದೂರು ನೀಡಿದ್ದಾರೆ. ತನ್ನ 4 ವರ್ಷದ ಹೆಣ್ಣುಮಗುವನ್ನು ಮಾರಾಟ ಮಾಡಲು ಪತಿ ಸಿದ್ದಲಿಂಗಪ್ಪ ಮುಂದಾಗಿದ್ದಾನೆ ಎಂದು ಆರೋಪಿಸಿ ಪತ್ನಿ ಎಸ್ಪಿ ಕಚೇರಿಗೆ ದೂರು ನೀಡಿದ್ದಾಳೆ.
ಇದನ್ನೂ ಓದಿ: ಕರವೇ ಅಧ್ಯಕ್ಷ ನಾರಾಯಣಗೌಡ ಗೆ ಜಾಮೀನು ಸಿಕ್ಕಿದರೂ ತಪ್ಪದ ಸಂಕಷ್ಟ!
6 ವರ್ಷದ ಹಿಂದೆ ಹುಬ್ಬಳಿ ಮೂಲದ ಗೀತಾಳನ್ನ ಮದುವೆಯಾಗಿದ್ದ ಬ್ಯಾಡಗಿಯ ಸಿದ್ದಲಿಂಗಪ್ಪ,
ಜನವರಿ 2 ರಂದು ತನ್ನ 4 ವರ್ಷದ ಮಗಳನ್ನ ಅಪಹರಣ ಮಾಡಲಾಗಿದೆ ಎಂದು ಹಾವೇರಿ ಜಿಲ್ಲೆ ರಾಣೇಬೆನ್ನೂರು ಗ್ರಾಮೀಣ ಠಾಣೆಯಲ್ಲಿ ಇಬ್ಬರ ವಿರುದ್ದ ಪ್ರಕರಣ ದಾಖಲಿಸಿದ್ದ, ದೂರಿನ ಆಧಾರದ ಮೇಲೆ ಒಬ್ಬನನ್ನು ಪೊಲೀಸರು ಬಂಧಿಸಿದ್ದರು.
ಈ ಬೆಳವಣಿಗೆಗಳ ಹಿನ್ನೆಲೆ ಮಗಳ ಅಪಹರಣ ಸಂಬಂಧ ದೂರು ನೀಡಿದ್ದ ಗಂಡನ ವಿರುದ್ದ ಮಗಳ ಮಾರಾಟ ಮಾಡಲು ಪತಿ ಮುಂದಾಗಿದ್ದಾನೆ ಎಂದು ಆರೋಪಿಸಿ ಪತ್ನಿ ಗೀತಾ 5 ದಿನಗಳ ಹಸುಗೂಸನ್ನು ಹೊತ್ತು ಹಾವೇರಿ ಜಿಲ್ಲಾ ಎಸ್ಪಿ ಕಚೇರಿಗೆ ಭೇಟಿ ನೀಡಿ ಪತಿಯ ಅನೈತಿಕ ಸಂಬಂಧದ ವಿರುದ್ದ ದೂರು ದಾಖಲಿಸಿದ್ದಾಳೆ.
