ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ಬಿಕರಿಯಾದ ಅತೀ ಹಿರಿಯ ಆಟಗಾರ ಪ್ರವೀಣ್ ತಾಂಬೆ ಅವಕಾಶ ವಂಚಿತರಾಗಿದ್ದಾರೆ. ಟೂರ್ನಿಗೆ ಆಯ್ಕೆಯಾಗಿದ್ರೂ ಈ ಬಾರಿ ಆಡುವಂತಿಲ್ಲ! ಬಿಸಿಸಿಐ ನಿಯಮ ಉಲ್ಲಂಘಿಸಿದ್ದರಿಂದ ತಾಂಬೆ ಅವರನ್ನು ಐಪಿಎಲ್ನಿಂದ ಅನರ್ಹಗೊಳಿಸಲಾಗಿದೆ.
ದುಬೈನ ಶಾರ್ಜಾದಲ್ಲಿ ನಡೆದಿದ್ದ ಟಿ20 ಲೀಗ್ ಟೂರ್ನಿಯಲ್ಲಿ ತಾಂಬೆ ಪಾಲ್ಗೊಂಡಿದ್ದರು. ಬಿಸಿಸಿಯ ನಿಯಮಗಳ ಪ್ರಕಾರ ಭಾರತದ ಯಾವೊಬ್ಬ ಸಕ್ರಿಯ ಆಟಗಾರ ನಿವೃತ್ತಿಗೆ ಮುನ್ನ ಯಾವ್ದೇ ವಿದೇಶಿ ಟೂರ್ನಿಗಳಲ್ಲಿ ಭಾಗವಹಿಸಬಾರ್ದು. ಈ ನಿಯಮವನ್ನು ಉಲ್ಲಂಘಿಸಿದ್ದರಿಂದ ಐಪಿಎಲ್ನಿಂದ ದೂರ ಉಳಿಯಬೇಕಿದೆ.
48 ವರ್ಷದ ತಾಂಬೆಯನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ಮೂಲಬೆಲೆ 20 ಲಕ್ಷ ರೂಗೆ ಖರೀದಿಸಿತ್ತು, ಅನುಭವಿ ಸ್ಪಿನ್ನರ್ ತಾಂಬೆ ಬಿಸಿಸಿಐ ನಿಯಮ ಉಲ್ಲಂಘಿಸಿದೆ ಇದ್ದಿದ್ರೆ 2020 ಐಪಿಎಲ್ ಆಡುವ ಅತೀ ಹಿರಿಯ ಕ್ರಿಕೆಟಿಗ ಎಂಬ ಶ್ರೇಯಕ್ಕೆ ಪಾತ್ರರಾಗುತ್ತಿದ್ದರು.
ತಾಂಬೆ ಈ ಹಿಂದೆ ರಾಜಸ್ಥಾನ್ ರಾಯಲ್ಸ್, ಗುಜರಾತ್ ಲಯನ್ಸ್ , ಸನ್ ರೈಸರ್ಸ್ ಹೈದರಾಬಾದ್ ಪರ ಆಡಿದ್ದರು. ಅಧಿಕೃತವಾಗಿ ನಿವೃತ್ತಿ ಘೋಷಿಸದೆ ವಿದೇಶಿ ಟೂರ್ನಿ ಟಿ10ನಲ್ಲಿ ಪಾಲ್ಗೊಂಡಿದ್ರಿಂದ ತಾಂಬೆ ಅನರ್ಹತೆ ಶಿಕ್ಷೆಗೆ ಗುರಿಯಾಗಿರೋದ್ರಿಂದ ಕೆಕೆಆರ್ ಬೇರೆ ಆಟಗಾರನನ್ನು ಆಯ್ಕೆ ಮಾಡಿಕೊಳ್ಬೇಕಾಗಿದೆ.
