ಬೆಂಗಳೂರು : ಏಷ್ಯಾಕಪ್ ಸೂಪರ್-4 ಹಂತದಲ್ಲಿ ಇಂದು ಕೊಲೊಂಬೊದ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಭಾರತ ಹಾಗೂ ಬಾಂಗ್ಲಾದೇಶ ನಡುವೆ ಪಂದ್ಯ ನಡೆಯಲಿದೆ.
ಇಂದಿನ ಪಂದ್ಯ ಎರಡೂ ತಂಡಗಳಿಗೂ ಔಪಚಾರಿಕ ಪಂದ್ಯವಾಗಿದೆ. ಈ ಪಂದ್ಯದ ಗೆಲುವು ಫೈನಲ್ ಪಂದ್ಯದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಬ್ಲೂ ಬಾಯ್ಸ್ಗೆ ಸೋಲುಣಿಸಿ ಗೆಲುವಿನೊಂದಿಗೆ ಟೂರ್ನಿಗೆ ಗುಡ್ ಬೈ ಹೇಳುವ ಬಯಕೆ ಬಾಗ್ಲಾ ಹುಲಿಗಳದ್ದು. ಇತ್ತ, ಬಾಗ್ಲಾ ಟೈಗರ್ಸ್ ಮಣಿಸಿ ಗೆಲುವಿನ ನಾಗಾಲೋಟ ಮುಂದುವರಿಸುವುದು ರೋಹಿತ್ ಪಡೆ ಪ್ಲ್ಯಾನ್.
ಭಾರತ ಇಂದಿನ ಪಂದ್ಯದಲ್ಲಿ ಫೈನಲ್ ದೃಷ್ಟಿಯಿಂದ ಪ್ರಮುಖ ಆಟಗಾರರಿಗೆ ವಿಶ್ರಾಂತಿ ನೀಡುವ ಸಾಧ್ಯತೆಯಿದೆ. ಅವಕಾಶ ಸಿಗದ ಆಟಗಾರರನ್ನು ಕಣಕ್ಕಳಿಸುವ ಯೋಜನೆಯಲ್ಲಿದೆ. ಆರಂಭಿಕ ಆಟಗಾರ ಶುಭ್ಮನ್ ಗಿಲ್, ಮೊಹಮ್ಮದ್ ಸಿರಾಜ್, ಜಸ್ಪ್ರೀತ್ ಬುಮ್ರಾ ಹಾಗೂ ಅಕ್ಸರ್ ಪಟೇಲ್ಗೆ ವಿಶ್ರಾಂತಿ ನೀಡಿ, ಶ್ರೇಯಸ್ ಐಯ್ಯರ್, ಶಾರ್ದೂಲ್ ಠಾಕೂರ್, ಮೊಹಮ್ಮದ್ ಶಮಿ ಹಾಗೂ ಕನ್ನಡಿ ಪ್ರಸಿದ್ಧ್ ಕೃಷ್ಣ ಅವರನ್ನು ಕಣಕ್ಕಿಳಿಸುವ ಸಾಧ್ಯತೆಯಿದೆ.
ಅಯ್ಯರ್ 100% ಫಿಟ್ ಆಗಿಲ್ಲ
ಇನ್ನೂ ಶ್ರೇಯಸ್ ಅಯ್ಯರ್ 100% ಫಿಟ್ ಆಗಿಲ್ಲ ಎನ್ನಲಾಗಿದೆ. ಹೀಗಾಗಿ, ಬಾಂಗ್ಲಾ ವಿರುದ್ಧ ಅವರು ಆಡದಿರಬಹುದು. ಬೇರೆಯವರಿಗೆ ರೆಸ್ಟ್ ಕೊಟ್ಟು ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ ಯಾರಿಗಾದರೂ ಅವಕಾಶ ಸಿಗುತ್ತಾ ಎಂದು ಕಾದು ನೋಡಬೇಕಿದೆ.
