ಬೆಂಗಳೂರು : ಭಾರತ ಹಾಗೂ ಪಾಕಿಸ್ತಾನ ನಡುವೆ ನಡೆಯುತ್ತಿರುವ ಏಷ್ಯಾಕಪ್ ಸೂಪರ್-4 ಪಂದ್ಯ ಆರಂಭವಾಗಿದೆ. ಸ್ವಲ್ಪ ಸಮಯದ ಹಿಂದೆ ಅಂಪೈರ್ಗಳು ಮೈದಾನದ ಪಿಚ್ ಪರಿಶೀಲಿಸಿದರು, ಬಳಿಕ ಸಂಜೆ 4.40ಕ್ಕೆ ಪಂದ್ಯ ಆರಂಭವಾಯಿತು.
ಮಳೆಯಿಂದಾಗಿ ನಿನ್ನೆ ಪಂದ್ಯ ಇಂದಿಗೆ ಕಾಯ್ದಿರಿಸಲಾಗಿತ್ತು. ಇಂದು ಮಧ್ಯಾಹ್ನ 3 ಗಂಟೆಯಿಂದಲೂ ಮಳೆ ಸುರಿದ ಕಾರಣ ಪಂದ್ಯ ಆರಂಭವಾಗಲಿಲ್ಲ. ಅಂಪೈರ್ಗಳು ಪಿಚ್ ಪರಿಶೀಲಿಸಿದ ಬಳಿಕ 50 ಓವರ್ಗಳ ಸಂಪೂರ್ಣ ಪಂದ್ಯವನ್ನು ಆಡಿಸಲಾಗುವುದು ಎಂದು ಘೋಷಿಸಿದರು.
ನಿನ್ನೆ ಭಾರತ ತಂಡ 24.1 ಓವರ್ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡು 147 ರನ್ ಗಳಿಸಿಯತ್ತು. ನಾಯಕ ರೋಹಿತ್ ಶರ್ಮಾ (56) ಹಾಗೂ ಶುಭ್ಮನ್ ಗಿಲ್ (58) ಅರ್ಧಶತಕದೊಂದಿಗೆ ಉತ್ತಮ ಆರಂಭ ನೀಡಿದ್ದರು. ವಿರಾಟ್ ಕೊಹ್ಲಿ 8(16) ಹಾಗೂ ಕೆ.ಎಲ್ ರಾಹುಲ್ 17(28) ಸದ್ಯ ಬ್ಯಾಟಿಂಗ್ ಮುಂದುವರಿಸಿದ್ದಾರೆ.
