ಬೆಂಗಳೂರು : ಭಾರತ ಸರ್ಕಾರ ಚಂದ್ರಯಾನ- 3ಗೆ ಒಟ್ಟು 615 ಕೋಟಿ ರೂಪಾಯಿ ಹಣ ಖರ್ಚು ಮಾಡಿದೆ.
ಉಪಗ್ರಹದ ಒಳ ಭಾಗದದಲ್ಲಿ ಜೋಡಿಸಲಾಗಿರುವ ವಿಕ್ರಮ್ ಮತ್ತು ಪ್ರಗ್ಯಾನ್, ಪ್ರಪೋಲ್ಷನ್ಗೆ 250 ಕೋಟಿ ಖರ್ಚು ಮಾಡಲಾಗಿದೆ. ಇನ್ನು ಉಪಗ್ರಹ ಉಡಾವಣೆಗಾಗಿಯೇ 365 ಕೋಟಿ ರೂಪಾಯಿ ಹಣ ಖರ್ಚಾಗಿದೆ. ಒಟ್ಟಾರೆ ಭಾರತೀಯರ ಕನಸಿನ ಚಂದ್ರಯಾನ -3ಗೆ 615 ಕೋಟಿ ರೂಪಾಯಿಗಳನ್ನು ವ್ಯಯಿಸಲಾಗಿದೆ.
ಚಂದ್ರಯಾನ-3 ಯೋಜನೆಯ ಹಿಂದೆ ವಿಜ್ಞಾನಿಗಳ ಶ್ರಮವಿದ್ದು, ಹಗಲು-ರಾತ್ರಿಯೆನ್ನದೇ ಚಂದ್ರಯಾನ-3ಕ್ಕೆ ದುಡಿದಿದ್ದಾರೆ. ಇನ್ನು ಈ ಯೋಜನೆಯ ಹಿಂದೆ ಪ್ರಮುಖವಾಗಿ ಐದು ಜನ ವಿಜ್ಞಾನಿಗಳಿದ್ದಾರೆ. ಎಸ್.ಸೋಮನಾಥ್ ಭಾರತದ ಚಂದ್ರಯಾನ ಮಿಷನ್ ಹಿಂದಿನ ಪ್ರಮುಖ ವ್ಯಕ್ತಿಗಳಲ್ಲಿ ಒಬ್ಬರು.
ಪಿ. ವೀರಮುತ್ತುವೇಲ್ ಯೋಜನಾ ನಿರ್ದೇಶಕ
ಇವರು ಕಳೆದ ವರ್ಷದ ಜನವರಿಯಲ್ಲಿ ಭಾರತೀಯ ಬಾಹ್ಯಾಕಾಶ ಸಂಸ್ಥೆಯ ನಾಯಕತ್ವವನ್ನು ವಹಿಸಿಕೊಂಡರು. ಇವರು ಚಂದ್ರಯಾನ-3ರ ಉಸ್ತುವಾರಿ ವಹಿಸಿಕೊಂಡಿದ್ದಾರೆ. ಪಿ. ವೀರಮುತ್ತುವೇಲ್ ಚಂದ್ರಯಾನ-3 ಯೋಜನಾ ನಿರ್ದೇಶಕರಾಗಿದ್ದಾರೆ. ಇನ್ನು VSSC ನಿರ್ದೇಶಕ ಎಸ್. ಉನ್ನಿಕೃಷ್ಣನ್‌ ನಾಯರ್, URSC ನಿರ್ದೇಶಕ ಎಂ. ಶಂಕರನ್‌, ಉಡಾವಣಾ ಅಧಿಕಾರ ಮಂಡಳಿ ಮುಖ್ಯಸ್ಥ ಎ. ರಾಜರಾಜನ್ ಈ ಯೋಜನೆ ರೂಪಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.
