ಕೋಟಿಗೊಬ್ಬ-3ಗೆ ಬಾಲಿವುಡ್ ಸ್ಟಾರ್ ಎಂಟ್ರಿ..!

ಕನ್ನಡ ಚಿತ್ರರಂಗ ಬೆಳೀತಾ ಇದೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್ , ಮಾಲಿವುಡ್ ಸೇರಿದಂತೆ ಇಡೀ ಭಾರತೀಯ ಚಿತ್ರರಂಗ ಸ್ಯಾಂಡಲ್​ವುಡತ್ತ ತಿರುಗಿ ನೋಡ್ತಾ ಇದೆ. ಬೇರೆ ಬೇರೆ ಸಿನಿ ರಂಗದ ಸ್ಟಾರ್​ಗಳು ಕನ್ನಡದಲ್ಲಿ ನಟಿಸಲು ಮುಂದೆ ಬರ್ತಿದ್ದಾರೆ.
ಈಗ ರಿಲೀಸ್ ಆಗಿರುವ ಸಿನಿಮಾಗಳಲ್ಲಿ ಪರಭಾಷಾ ಸ್ಟಾರ್​ಗಳ ನಟನೆ ಬಿಟ್ಟಾಕಿ.. ಇನ್ನೂ ರಿಲೀಸ್ ಆಗದ ಸಿನಿಮಾಗಳನ್ನೇ ತೆಗೆದುಕೊಳ್ಳಿ ಅನೇಕ ಪರ ಭಾಷಾ ಸ್ಟಾರ್ ಗಳು ಸ್ಯಾಂಡಲ್​ವುಡ್​ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.
ಆಗಸ್ಟ್ 9ಕ್ಕೆ ರಿಲೀಸ್ ಆಗುತ್ತಿರುವ ಕುರುಕ್ಷೇತ್ರದಲ್ಲಿ ಸೋನುಸೂದ್ ಮತ್ತಿತರ ಪರ ಭಾಷಾ ನಟರು ನಟಿಸಿದ್ದಾರೆ. ಸೆಪ್ಟೆಂಬರ್ 12ಕ್ಕೆ ಬರ್ತಿರೋ ‘ಪೈಲ್ವಾನ್​’ನಲ್ಲಿ ಸುನೀಲ್ ಶೆಟ್ಟಿ, ಸುಶಾಂತ್ ಸಿಂಗ್, ಕಬೀರ್ ದುಹಾನ್ ಸಿಂಗ್ ಮತ್ತಿತರರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವುದು ಗೊತ್ತೇ ಇದೆ.
ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಸೆಟ್ಟೇರಿದೆ. ಈ ಸಿನಿಮಾಕ್ಕೂ ಕೂಡ ಬಾಲಿವುಡ್​ ಸ್ಟಾರ್​ ನಟರ ಎಂಟ್ರಿಯಾಗಿದೆ..! ಅಫ್ತಾಭ್​ ಶಿವದಾಸನಿ ಕೋಟಿಗೊಬ್ಬ-3ನಲ್ಲಿ ಸುದೀಪ್​ ಜೊತೆ ಸ್ಕ್ರೀನ್​ ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಅಕ್ಷಯ್ ಕುಮಾರ್, ಸುನೀಲ್ ಶೆಟ್ಟಿ, ವಿವೇಕ್ ಒಬೆರಾಯ್​ ಮೊದಲಾದ ಸ್ಟಾರ್ ನಟರ ಸಿನಿಮಾಗಳಲ್ಲಿ ಅಭಿನಯಿಸಿದ್ದ ಅಫ್ತಾಭ್​ ಶಿವದಾಸನಿ ಇದೇ ಮೊದಲ ಬಾರಿಗೆ ಕಿಚ್ಚನ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಈ ಬಗ್ಗೆ ಮಾತಾಡಿರೋ ಅವರು, ” ಸುಮಾರು 8 ವರ್ಷಗಳ ಹಿಂದೆ ಸೆಲೆಬ್ರಿಟಿ ಕ್ರಿಕೆಟ್ ಮ್ಯಾಚ್ ಶುರುವಾದಾಗಿನಿಂದ ಸುದೀಪ್ ಸರ್ ಹಾಗೂ ನನ್ನ ನಡುವೆ ಒಡನಾಟವಿದೆ. ಮೊದಲ ಬಾರಿಗೆ ಅವರ ಜೊತೆ ನಟಿಸೋಕೆ ತುಂಬಾನೇ ಕಾತುರನಾಗಿದ್ದೇನೆ” ಅಂತ ಹೇಳಿದ್ದಾರೆ.
ಇನ್ನು ಕೋಟಿಗೊಬ್ಬ-3ಗೆ ಶಿವಕಾರ್ತಿಕ್ ಆ್ಯಕ್ಷನ್ ಕಟ್ ಹೇಳಿದ್ದು, ಸೂರಪ್ಪ ಬಾಬು ಬಂಡವಾಳ ಹಾಕಿದ್ದಾರೆ.