ಬೆಳಗಾವಿ : ಮಹಾರಾಷ್ಟ್ರದಲ್ಲಿ ಬೆಳಗಾವಿ ಮೂಲದ ವೈದ್ಯಕೀಯ ವಿದ್ಯಾರ್ಥಿ ಮೇಲೆ ಸ್ನೇಹಿತರಿಂದಲೇ ಗ್ಯಾಂಗ್ ರೇಪ್ ನಡೆದಿದ್ದು. ಘಟನೆ ಸಂಬಂಧ ಸಾಂಗ್ಲಿಯ ವಿಶ್ರಾಂಬಾಗ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು. ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿ ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ.
ಮಹಾರಾಷ್ಟ್ರದ ಸಾಂಗ್ಲಿಯಲ್ಲಿ ಘಟನೆ ನಡೆದಿದ್ದು. ಸಂತ್ರಸ್ಥ ಯುವತಿ ಮೇ.20ರಂದು ಮೂವರು ಯುವಕರ ಜೊತೆ ರಾತ್ರಿ ಸಿನಿಮಾ ನೋಡಲು ಹೋಗಿದ್ದಳು. ಸಿನಿಮಾ ಮುಗಿಸಿ ವಾಪಾಸ್ ಸ್ನೇಹಿತರ ರೂಮಿಗೆ ಬಂದಿದ್ದ ಯುವತಿಗೆ ಯುವಕರು ಪಾನೀಯದಲ್ಲಿ ನಿದ್ರೆ ಮಾತ್ರೆ ಹಾಕಿ ಕೊಟ್ಟಿದ್ದರು. ಇದರಿಂದ ಗಾಢ ನಿದ್ರೆಗೆ ಜಾರಿದ್ದ ಯುವತಿ ಮೇಲೆ ಮೂವರು ಸ್ನೇಹಿತರು ಅತ್ಯಾಚಾರ ಎಸೆಗಿದ್ದಾರೆ. ಇದನ್ನೂ ಓದಿ :ಹಿಂದುಗಳು ತಾಯ್ನಾಡಿನಲ್ಲಿ ಬದುಕಲು, ಕಾಂಗ್ರೆಸ್ ಸಾಯಬೇಕು: ಬಿಜೆಪಿ ನಾಯಕ ಅಮಿತ್ ಮಾಳವೀಯ
ಬೆಳಿಗ್ಗೆ ಎದ್ದ ನಂತರ ಯುವತಿಗೆ ಅತ್ಯಾಚಾರ ನಡೆದಿರುವುದು ಬೆಳಕಿಗೆ ಬಂದಿದ್ದು. ಕೂಡಲೇ ಯುವತಿ ವಿಷಯವನ್ನು ತನ್ನ ತಂದೆ-ತಾಯಿಗೆ ತಿಳಿಸಿದ್ದಾಳೆ. ಇದನ್ನು ಕೇಳಿದ ಪೋಷಕರು ಯುವತಿ ಜೊತೆ ಸಾಂಗ್ಲಿಯ ವಿಶ್ರಾಂಬಾಗ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು. ದೂರು ದಾಖಲಿಸಿಕೊಂಡ ಪೋಷಕರು ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ :ಆನೆಗಳು ಕಣ್ಣೀರಿಟ್ಟುಕೊಂಡು ಹೋಗಿವೆ, ಅವುಗಳನ್ನ ವಾಪಾಸ್ ಕರೆಸಿಕೊಳ್ಳಬೇಕು: ವಾಟಾಳ್ ನಾಗರಾಜ್
ಇನ್ನು ಬಂಧಿತರನ್ನು ಸೊಲ್ಲಾಪುರದ ವಿನಯ್ ಪಾಟೀಲ್(22), ಪುಣೆಯ ಸರ್ವಜ್ಞ ಗಾಯಕವಾಡ(22), ಸಾಂಗ್ಲಿಯ ತನ್ಮಯ್ ಪೇಡ್ನೆಕರ್(21) ಎಂದು ಗುರುತಿಸಿದ್ದು. ಆರೋಪಿಗಳನ್ನು ನ್ಯಾಯಾಲಯದ ಮುಂದೆ ಹಾಜರು ಪಡಿಸಿದ ಪೊಲೀಸರು ಆರೋಪಿಗಳನ್ನು 6 ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ಪಡೆದುಕೊಂಡಿದ್ದಾರೆ. ಈ ಕುರಿತು ಇನ್ನಷ್ಟೇ ಹೆಚ್ಚಿನ ಮಾಹಿತಿ ದೊರಕಬೇಕಿದೆ.
