ಬೆಂಗಳೂರು : ಸ್ಯಾಂಡಲ್ವುಡ್ ನಟರ ವಿರುದ್ದ ನಾಲಿಗೆ ಹರಿಬಿಟ್ಟು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸುದ್ದಿಯಲ್ಲಿರುತ್ತಿದ್ದ ಅಹೋರಾತ್ರ ಮತ್ತೊಂದು ಅನಾಹುತ ಮಾಡಿಕೊಂಡಿದ್ದು. ಹಾವಿಗೆ ರಕ್ಷಣೆ ನೀಡುತ್ತೇನೆ ಎಂದು ಹಿಂಸೆ ನೀಡಿದ್ದಾನೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು. ಈತನ ಕೃತ್ಯ ಕಂಡ ನೆಟ್ಟಿಗರು ಕ್ರಮಕ್ಕೆ ಆಗ್ರಹಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಆ್ಯಕ್ಟಿವ್ ಇರುವ ಅಹೋರಾತ್ರ ನಟೇಶಪೋಲೆಪಲ್ಲಿ ಎಂಬ ವ್ಯಕ್ತಿ ಹಾವಿಗೆ ಹಿಂಸೆ ನೀಡಿರುವ ವಿಡಿಯೋ ವೈರಲ್ ಆಗಿದೆ. ರಕ್ಷಣೆ ನೆಪದಲ್ಲಿ ಹಾವಿಗೆ ಹಿಂಸೆ ನೀಡಿರುವ ಈ ವ್ಯಕ್ತಿ. ಹಾವನ್ನು ರಕ್ಷಿಸಿ ಕಾಡಿಗೆ ಬಿಡದೆ, ಕತ್ತಿಗೆ ಸುತ್ತಿಕೊಂಡು ಪೋಸ್ ನೀಡಿದ್ದಾನೆ. ಶಿವಲಿಂಗವನ್ನು ಮುಂದೆ ಇಟ್ಟುಕೊಂಡು ಕತ್ತಿಗೆ ಹಾವನ್ನು ಸುತ್ತಿಕೊಂಡು ಧ್ಯಾನ ಮಾಡುತ್ತಿರುವ ರೀತಿ ವಿಡಿಯೋ ಮಾಡಿ ಹರಿಬಿಟ್ಟಿದ್ದಾನೆ.
ಇದನ್ನೂ ಓದಿ :ಸರಿಯಾಗಿ ಡ್ರಿಲ್ ಮಾಡಲು ಬರದ ನಿಮಗೆ 54ಸಾವಿರ ಸಂಬಳ; ತರಬೇತಿ ಪೊಲೀಸರ ಮೇಲೆ ಅಲೋಕ್ ಕುಮಾರ್ ಗರಂ
ಅರಿಶಿಣ ಬಣ್ಣದ ಅಪರೂಪದ ಕೇರೆಹಾವು ಹಿಡಿದು ಹಿಂಸೆ ನೀಡಿದ್ದು. ಹಾವನ್ನ ಬಕೆಟ್ ನೀರಿನಲ್ಲಿ ಹಾಕಿ ಎಂಜಾಯ್ ಮಾಡು ಎಂದು ವಿಚಿತ್ರ ವರ್ತನೆ ತೋರಿಸಿದ್ದಾನೆ. ಸುಮಾರು 2 ಗಂಟೆಗಳ ಕಾಲ ಹಾವನ್ನು ನೀರಿನಲ್ಲಿ ಮುಳುಗಿಸಿ ಹಿಂಸಿಸಿದ್ದು. ಇದರ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾನೆ. ಈತನ ನಡೆಗೆ ಸಾಮಾಜಿಕ ಜಾಲತಾಣದಲ್ಲಿ ವಿರೋಧ ವ್ಯಕ್ತವಾಗಿದ್ದು. ವಿಡಿಯೋವನ್ನು ಬೆಂಗಳೂರು ಪೊಲೀಸರಿಗೆ ಟ್ಯಾಗ್ ಮಾಡಿ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದಾರೆ.
