Thursday, April 3, 2025

ಬಸ್‌ ಚಾಲಕನಿಗೆ ಹೃದಯಾಘಾತ, ಪಾದಾಚಾರಿ ಮಹಿಳೆಗೆ ಬಸ್​ ಡಿಕ್ಕಿ: ಇಬ್ಬರು ಸಾ*ವು..!

ಮೈಸೂರು : ಚಲಿಸುತ್ತಿದ್ದ ಬಸ್​ನಲ್ಲಿ ಚಾಲಕನಿಗ ಹೃದಯಘಾತವಾಗಿದ್ದು. ಚಾಲಕನ ನಿಯಂತ್ರಣ ತಪ್ಪಿದ ಬಸ್​ ಪಾದಚಾರಿ ಮಹಿಳೆಗೆ ಡಿಕ್ಕಿ ಹೊಡೆದಿದೆ. ಇತ್ತ ಹೃದಯಘಾತದಿಂದ ಬಸ್​ ಚಾಲಕನು ಮೃತಪಟ್ಟಿದ್ದರೆ. ಮತ್ತೊಂದಡೆ ಪಾದಚಾರಿ ಮಹಿಳೆಯು ಬಸ್​ ಡಿಕ್ಕಿ ಹೊಡೆದು ಸಾವನ್ನಪ್ಪಿರುವ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಕೇರಳ ರಾಜ್ಯದ ಮಾನಂದವಾಡಿಯಿಂದ ಎಚ್.ಡಿ.ಕೋಟೆ ಬರುತ್ತಿದ್ದ ಕೆಎಸ್​ಆರ್​ಟಿಸಿ ಬಸ್ ಚಾಲಕನಿಗೆ ಎಚ್​ಡಿ ಕೋಟೆಯ ದಮ್ಮನಕಟ್ಟೆ ಬಳಿ ಹಠಾತ್​ ಹೃದಯಘಾತ ಸಂಭವಿಸಿದೆ. ಈ ವೇಳೆ ಚಾಲಕನ ನಿಯಂತ್ರಣ ತಪ್ಪಿದ ಬಸ್​ ರಸ್ತೆ ಬದಿಯಲ್ಲಿ ಹೋಗುತ್ತಿದ್ದ ಪಾದಚಾರಿ ಮಹಿಳೆಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಪಾದಚಾರಿ ಮಹಿಳೆ ಲಕ್ಷ್ಮಮ್ಮ ಸ್ಥಳದಲ್ಲೆ ಸಾವನ್ನಪ್ಪಿದ್ದಾರೆ.

ಇದನ್ನೂ ಓದಿ :ಕಾಂಗ್ರೆಸ್​ ಪಕ್ಷಕ್ಕೆ ಬೈದರೆ, ನಿಮ್ಮ ತಂದೆ-ತಾಯಿಗೆ ಬೈದಂತೆ ಸಮ: ಈಶ್ವರ್​ ಖಂಡ್ರೆ

ಇತ್ತ ಬಸ್​ ಚಾಲಕ ಸುನೀಲ್​ ಕುಮಾರ್​​ ಕೂಡ ಹೃದಯಘಾತದಿಂದ ಬಸ್​ನ ಸ್ಟೇರಿಂಗ್​ ಮೇಲೆ ಪ್ರಾಣ ತ್ಯಜಿಸಿದ್ದು. ವಿದ್ಯುತ್​ ಕಂಬಕ್ಕೆ ಡಿಕ್ಕಿ ಹೊಡೆದ ಬಸ್​ ಪಕ್ಕದ ಜಮೀನಿಗೆ ನುಗ್ಗಿದೆ. ಸದ್ಯ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿರುವ ಪೊಲೀಸರು ಮೃತದೇಹಗಳನ್ನು ಎಚ್​.ಡಿ ಕೋಟೆ ಸರ್ಕಾರಿ ಆಸ್ಪತ್ರೆಗೆ ಸ್ಥಳಾಂತರಿಸಿದ್ದಾರೆ. ಘಟನೆ ಸಂಬಂಧ ಅಂತರಸಂತೆ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

RELATED ARTICLES

Related Articles

TRENDING ARTICLES