ಬೆಂಗಳೂರು : ಹನಿಟ್ರ್ಯಾಪ್ ಪ್ರಕರಣವೊಂದರಲ್ಲಿ ತಲೆ ಮರೆಸಿಕೊಂಡಿದ್ದ ಪ್ರಮುಖ ಆರೋಪಿಯನ್ನು ಬ್ಯಾಡರಹಳ್ಳಿ ಪೊಲೀಸರು ಬಂಧಿಸಿದ್ದಾರೆ. ಪ್ರಮುಖ ಆರೋಪಿ ನಯನಾ ಸೇರಿದಂತೆ ಸಂತೋಷ್, ಅಜಯ್ ಮತ್ತು ಜಯರಾಜ್ ಎಂಬುವವರನ್ನು ಅರೆಸ್ಟ್ ಮಾಡಲಾಗಿದೆ. ಪ್ರಕರಣ ದಾಖಲಾದಾಗಿನಿಂದ ನಗರದ ಬೇರೆ ಬೇರೆ ಕಡೆ ನಯನಾ ತಲೆ ಮರೆಸಿಕೊಂಡಿದ್ದಳು. ಸದ್ಯ ವಿಚಾರಣೆ ನಡೆಸಿರುವ ಪೊಲೀಸರು, ಒಬ್ಬರಿಗೆ ಮಾತ್ರ ಈ ರೀತಿ ಹನಿಟ್ರ್ಯಾಪ್ ಮಾಡಿರುವುದು ಬೆಳಕಿಗೆ ಬಂದಿದೆ. ನಯನಾ ಮೊಬೈಲ್ ವಶಕ್ಕೆ ಪಡೆದು ಪರಿಶೀಲನೆ ಮಾಡಲಾಗಿದೆ.
ಏನಿದು ಘಟನೆ !
ಸಿವಿಲ್ ಕಾಂಟ್ರಕ್ಟರ್ ಆಗಿದ್ದ ಅಂಕಲ್ಗೆ ಸ್ನೇಹಿತನೊಬ್ಬನ ಮೂಲಕ ನಯನಾ ಎಂಬ ಯುವತಿ ಪರಿಚಯವಾಗಿದ್ದಳು. ಪರಿಚಯವಾದ ಮೇಲೆ ಪ್ರತಿದಿನ ಕರೆ ಮಾಡಿ ಅಂಕಲ್ ಜೊತೆಗೆ ನಯನಾ ಮಾತನಾಡುತ್ತಿದ್ದಳು. ಡಿಸೆಂಬರ್ 09ರಂದು ಯುವತಿ ಟೀ ಕುಡಿಯಲು ಅಂಕಲ್ನ್ನು ಮನೆಗೆ ಕರೆದಿದ್ದಳು.
ಯುವತಿಯ ಕರೆಗೆ ಓಗೊಟ್ಟ ಅಂಕಲ್ ಯುವತಿಯ ಮನೆಗೆ ಹೋಗಿದ್ದನು. ಈ ವೇಳೆ ಪೂರ್ವ ನಿಯೋಜಿತಾ ಯೋಜನೆಯಂತೆ ನಕಲಿ ಪೊಲೀಸ್ ವೇಶದಲ್ಲಿ ಈ ಗ್ಯಾಂಗ್ ಮನೆಗೆ ಎಂಟ್ರಿ ಕೊಟ್ಟಿದೆ. ಪೊಲೀಸ್ ವೇಶದಲ್ಲಿ ಮನೆಗೆ ಎಂಟ್ರಿ ಕೊಟ್ಟಿದ್ದ ಆರೋಪಿಗಳು ವ್ಯಭಿಚಾರ ನಡೆಸುತ್ತಿದ್ದಿರಾ, ನಿಮ್ಮನ್ನು ಅರೆಸ್ಟ್ ಮಾಡುತ್ತೇವೆ ಎಂದು ಬೆದರಿಕೆ ಹಾಕಿದ್ದಾರೆ.
ಇದನ್ನೂ ಓದಿ: ಮಾಟಮಂತ್ರದ ಶಂಕೆ : ಮಹಿಳೆಗೆ ಮೂತ್ರ ಕುಡಿಸಿ, ಮೆರವಣಿಗೆ ಮಾಡಿದ ಗ್ರಾಮಸ್ಥರು !
ಈ ವೇಳೆ ಅಂಕಲ್ ಮೇಲೆ ಹಲ್ಲೆ ಮಾಡಿದ್ದ ಆರೋಪಿಗಳು, ಬಟ್ಟೆಯನ್ನು ಬಿಚ್ಚಿಸಿ ನಗ್ನ ಪೋಟೋ ತೆಗೆದುಕೊಂಡಿದ್ದರು. ನಂತರ ಸ್ಟೇಶನ್ಗೆ ಹೋಗೋದು ಬೇಡ ಎಂದರೆ ಇಲ್ಲೆ ಸೆಟಲ್ ಮಾಡ್ಕೋ ಎಂದಿದ್ದ ಆರೋಪಿಗಳು. ಅಂಕಲ್ ಬಳಿಯಲ್ಲಿ 29 ಸಾವಿರ ನಗದು, 26 ಸಾವಿರ ಹಣವನ್ನು ಪೋನ್ ಪೇನಲ್ಲಿ ಕಳಿಸಿಕೊಂಡಿದ್ದರು. ಇಷ್ಟಕ್ಕೆ ಸುಮ್ಮನಾಗದ ಆರೋಪಿಗಳು 5 ಲಕ್ಷ ಮೌಲ್ಯದ ಚಿನ್ನವನ್ನು ಪಡೆದಿದು ಎಸ್ಕೇಪ್ ಆಗಿದ್ದರು.
ನಂತರ ಅಂಕಲ್ ಯುವತಿಗೆ ಇವರ ವಿರುದ್ದ ದೂರು ಕೊಡೋಣ ಎಂದು ಹೇಳಿದ್ದನು. ಆದರೆ ಈ ವೇಳೆ ತಪ್ಪಿಸಿಕೊಳ್ಳಲು ಹೊಸ ವರಸೆ ತೆಗೆದಿದ್ದ ಯುವತಿ. ಸ್ಟೇಷನ್ಗೆ ಕಂಪ್ಲೇಟ್ ಕೊಟ್ಟರೆ, ಮಗು ಕರೆದುಕೊಂಡು ನಿಮ್ಮ ಮನೆಗೆ ಬರುತ್ತೇನೆ ಎಂದು ಬ್ಲಾಕ್ ಮೇಲ್ ಮಾಡಿದ್ದಳು. ಇದರಿಂದ ಹೆದರಿದ್ದ ಅಂಕಲ್ ಕಂಪ್ಲೇಟ್ ಕೊಡದೆ ಸುಮ್ಮನಿದ್ದನು. ಆದರೆ ನಂತರ ಧೈರ್ಯ ಮಾಡಿ ಬ್ಯಾಡರಹಳ್ಳಿ ಪೊಲೀಸ್ ಠಾಣೆಗೆ ಅಂಕಲ್ ದೂರು ನೀಡಿದ್ದನು. ದೂರು ದಾಖಲಿಸಿಕೊಂಡಿದ್ದ ಪೊಲೀಸರು ಸಂತೋಶ್, ಅಜಯ್, ಜಯರಾಜ್ ಎಂಬುವವರನ್ನು ಬಂಧಿಸಿದ್ದರು. ಆದರೆ ಯೋಜನೆಯ ಕಿಂಗ್ ಪಿನ್ ನಯನಾ ತಲೆ ಮರಿಸಿಕೊಂಡಿದ್ದಳು. ಆದರೆ ಇಂದು ಪೊಲಿಸರು ಆಕೆಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
