ಮಂಡ್ಯ: ಕಾವೇರಿ ನದಿಯಲ್ಲಿ ಮುಳುಗಿ ವಿದ್ಯಾರ್ಥಿಯೋರ್ವ ಸಾವನ್ನಪ್ಪಿದ ಘಟನೆ ಮಂಡ್ಯ ಜಿಲ್ಲೆ ಶ್ರೀರಂಗಪಟ್ಟಣ ತಾಲೂಕಿನ ಬಲಮುರಿಯಲ್ಲಿ ನಡೆದಿದ್ದು. ಮೃತ ಯುವಕನನ್ನು ಶ್ರೇಯಸ್ ಎಂದು ಗುರತಿಸಲಾಗಿದೆ.
ಮೈಸೂರಿನ ನಾಗನಹಳ್ಳಿಯ ನಿವಾಸಿಯಾಗಿರುವ ಮೃತ ಶ್ರೇಯಸ್ (19) ಮಂಡ್ಯದ ಪಾಲಹಳ್ಳಿ ಸಮೀಪವಿರುವ MIT ಕಾಲೇಜಿನಲ್ಲಿ ಬಿ.ಇ (ಬ್ಯಾಚುಲರ್ ಆಫ್ ಇಂಜಿನಿಯರಿಂಗ್) ವಿದ್ಯಾರ್ಥಿಯಾಗಿ ವ್ಯಾಸಂಗ ಮಾಡುತ್ತಿದ್ದನು. ಇಂದು ತನ್ನ ಮೂರು ಜನ ಸ್ನೇಹಿತರೊಂದಿಗೆ ಬಲಮುರಿಗೆ ಈಜಲೆಂದು ತೆರಳಿದ್ದ ವೇಳೆ ಈ ದುರ್ಘಟನೆ ನಡೆದಿದೆ.
ಇದನ್ನೂ ಓದಿ : ರಾಜ್ಯ ಸರ್ಕಾರ ಗೋ ಮಾತೆಯ ಶಾಪಕ್ಕೆ ಗುರಿಯಾಗಲಿದೆ : ಕೆ.ಎಸ್ ಈಶ್ವರಪ್ಪ
ಮೂವರಲ್ಲಿ ಶ್ರೇಯಸ್ಗೆ ಈಜು ಬರುತ್ತಿದ್ದರಿಂದ ಶ್ರೇಯಸ್ ಈಜಾಡಲು ನದಿಗೆ ಇಳಿದಿದ್ದನು. ಆದರೆ ಉಳಿದ ಸ್ನೇಹಿತರಿಗೆ ಈಜಲು ಬರದ ಕಾರಣ ಅವರು ದಡದಲ್ಲೆ ಕುಳಿತಿದ್ದರು. ಆದರೆ ನದಿಯಲ್ಲಿದ್ದ ಸುಳಿಗೆ ಸಿಲುಕಿದ ಶ್ರೇಯಸ್ ಈಜಲು ಆಗದೆ ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ್ದಾನೆ ಎಂದು ಶಂಕಿಸಲಾಗಿದೆ. ಘಟನೆ ಸಂಬಂಧ KRS ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಮಾಹಿತಿ ದೊರೆತಿದೆ.
