ಬೆಂಗಳೂರು : ಚಾಮರಾಜಪೇಟೆಯಲ್ಲಿ ನಡೆದಿರುವ ಅಮಾನವೀಯ ಘಟನೆ ಕುರಿತು ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಬಿಜೆಪಿ ಪರಿಷತ್ ನಾಯಕ ಛಲವಾದಿ ನಾರಯಣ್ ಸ್ವಾಮಿ ‘ ನಡೆದಿರುವ ಘಟನೆ ಮನುಷ್ಯರು ಮಾಡುವ ಕೆಲಸವಲ್ಲ, ಕಾಂಗ್ರೆಸ್ ಸರ್ಕಾರ ಅಂದ್ರೆನೇ ಕೆಚ್ಚಲು‌ಕೊಯ್ಯುವ ಸರ್ಕಾರ. ಮೂರು ಹಸು ಕೊಡಿಸುತ್ತೇವೆ ಎಂದು ಜಮೀರ್ ಹೇಳಿದ್ದಾರೆ. ಆದರೆ ನೂರು ಹಸುಗಳನ್ನು ಕೊಡಿಸಿದರು ಜಮೀರ್ ಮಾಡಿರುವ ಪಾಪ ಕಡಿಮೆಯಾಗಲ್ಲ.
ಕೇಸ್ ಮುಚ್ಚಿಹಾಕಲು ಅಮಾಯಕನನ್ನು ಪೊಲೀಸರು ಬಂಧಿಸಿದ್ದಾರೆ. ರಾಜ್ಯದಲ್ಲ ಓಲೈಕೆ ರಾಜಕಾರಣ ನಡೆಯುತ್ತಿದೆ. ಕಾಂಗ್ರೆಸ್ ಕೆಟ್ಟ ಪರಂಪರೆಗೆ ನಾಂದಿ ಹಾಡಿದೆ. ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಹದಗೆಟ್ಟಿದೆ. ಇವರು ಅಧಿಕಾರದ ಕಾದಾಟದಲ್ಲಿ ರಾಜ್ಯವನ್ನು ಮರೆತಿದ್ದಾರೆ ಎಂದು ಹೇಳಿದರು.
ಇದನ್ನೂ ಓದಿ: ಪತ್ನಿಯೊಂದಿಗೆ ಕಣ್ವ ಜಲಾಶಯದಲ್ಲಿ ವಾಟರ್ ಬೈಕ್ ರೈಡ್ ನಡೆಸಿದ ಸಿ.ಪಿ ಯೋಗೇಶ್ವರ್ !
ಪ್ರಿಯಾಂಕ್ ಖರ್ಗೆ ವಿರುದ್ದ ಕಿಡಿಕಾರಿದ ನಾರಾಯಣಸ್ವಾಮಿ !
ಬಿಜೆಪಿಯವರು ಹಳೆ ಬ್ಯಾಲೆನ್ಸ್ ಬಿಟ್ಟುಹೋಗಿದ್ದಾರೆ ಎಂಬ ವಿಚಾರದ ಕುರಿತು ಮಾತನಾಡಿದ ನಾರಯಣ್ ಸ್ವಾಮಿ ‘ ನಮ್ಮ ಸರ್ಕಾರ ಬರುವ ಮುಂಚೆ ಕಾಂಗ್ರೆಸ್ ಸರ್ಕಾರ 2 ಲಕ್ಷ ಕೋಟಿ ಬಾಕಿ ಉಳಿಸಿಹೋಗಿತ್ತು. ನಾವು ಅದನ್ನು ಕ್ಲಿಯರ್ ಮಾಡಿದ್ದೆವು. ಈಗಲೂ ಅದೇ ರೀತಿ ಕ್ಲಿಯರ್ ಮಾಡಿ. ನೀವೇನು ಯಾರಪ್ಪನ ಮನೆಯದ್ದು ಕೊಡುತ್ತಿಲ್ಲ.
60% ಕಮಿಷನ್ ಕೊಡಬೇಕಾಗಿದೆ ಎಂದು ಗುತ್ತಿಗೆದಾರರು ಹೇಳ್ತಿದಾರೆ. ಬಹಿರಂಗವಾಗಿ ಕಳಪೆ ಕಾಮಗಾರಿ ಮಾಡಿದ್ದೀರ, ಬಿಲ್ ಮಾಡಿಲ್ಲ, ಎಂದು ಹೆದರುಸ್ತಾರಂತೆ. ಈ ಸರ್ಕಾರ ಆದಷ್ಟು ಬೇಗನೆ ಹೋಗುವ ಲಕ್ಷಣ ಕಾಣ್ತಿದೆ. ಈ ಹಗ್ಗ ಜಗ್ಗಾಟದಲ್ಲಿ ಆದಷ್ಟು ಬೇಗ ಇವರ ಹಗ್ಗ ಕಟ್ ಆಗಲಿದೆ ಎಂದು ಹೇಳಿದರು.
