ಬೀದರ್ : ಕೊಟ್ಟ ಹಣ ವಾಪಸ್ ಕೇಳಿದ ಸ್ನೇಹಿತನಿಗೆ ಚಾಕು ಇರಿದಿರುವ ಘಟನೆ ಬೀದರ್ನಲ್ಲಿ ನಡೆದಿದ್ದು. ಅಶೋಕ್ ಪಾಟೀಲ್ ಎಂಬಾತ ಆತನ ಸ್ನೇಹಿತ ದಯಾನಂದ ಶಿಂದೆಗೆ 10 ಸಾವಿರ ಸಾಲ ನೀಡಿದ್ದನು. ಇದನ್ನು ವಾಪಾಸ್ ಕೇಳಿದ್ದಕ್ಕೆ ಕೋಪಗೊಂಡ ದಯಾನಂದ ಚಾಕು ಇರಿದಿದ್ದಾನೆ ಎಂದು ಮಾಹಿತಿ ದೊರೆತಿದೆ.
ಬಸವಕಲ್ಯಾಣ ತ್ರಿಪುರಾಂತ ನಿವಾಸಿ ಅಶೋಕ್ ಪಾಟೀಲ್ ತನ್ನ ಸ್ನೇಹಿತ ದಯಾನಂದ್ಗೆ 10 ಸಾವಿರ ಸಾಲ ನೀಡಿದ್ದನು. ನಿನ್ನೆ (ಜ.07) ಸಂಜೆ ಬಾರ್ನಲ್ಲಿ ಕುಡಿಯುತ್ತ ಅಶೋಕ್ ಪಾಟೀಲ್ಗೆ ಆರೋಪಿ ದಯಾನಂದ ಚಾಕು ಇರಿದಿದ್ದಾನೆ. ಏಕಾಏಕಿ ಬಂದು ಚಾಕು ಇರಿದಿದ್ದು. ಘಟನೆ ದೃಷ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ.
ಇದನ್ನೂ ಓದಿ : ರೋಡ್ ರೇಜ್ ಕೇಸ್ : ಕ್ಯಾಬ್ ಚಾಲಕನನ್ನು ಫಾಲೋ ಮಾಡಿ ಹಲ್ಲೆ ಮಾಡಿದ ಯುವಕರು !
ಘಟನೆ ಸಂಬಂಧ ಬಸವಕಲ್ಯಾಣ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು. ಪಿಎಸ್ಐ ಅಂಬರೀಶ್ ವಾಗ್ಮೋಡೆ ನೇತೃತ್ವದ ಪೊಲೀಸ್ ತಂಡ ಸ್ಥಳಕ್ಕೆ ಭೇಟಿ, ಪರಿಶೀಲನೆ ನಡೆಸಿದ್ದಾರೆ. ಇಂದು ಬೆಳಿಗ್ಗೆ ಆರೋಪಿ ದಯಾನಂದ ಶಿಂಧೆಯನ್ನು ಪೊಲೀಸರು ಬಂಧಿಸಿದ್ದಾರೆ. ಚಾಕು ಇರಿತದಿಂದ ಗಾಯಗೊಂಡಿರುವ ಅಶೋಕ್ನನ್ನು ಕಲಬುರಗಿಯ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.
