ಗಾಂಧಿನಗರ: ಕರ್ನಾಟಕದಲ್ಲಿ ಎರಡು HMP ವೈರಸ್ ಪ್ರಕರಣಗಳು ವರದಿಯಾದ ನಂತರ ಗುಜರಾತ್ನಲ್ಲಿ ಮತ್ತೊಂದು ಹೆಚ್‌ಎಮ್‌ಪಿವಿ ಸೋಂಕು ಪತ್ತೆಯಾಗಿದೆ. ಚೀನಾದಲ್ಲಿ ಕಾಡುತ್ತಿರುವ ಹ್ಯೂಮನ್ ಮೆಟಾನ್ಯೂಮೋ ವೈರಸ್ ಭಾರತಕ್ಕೂ ಕಾಲಿಟ್ಟಿದ್ದು ಈಗಾಗಲೇ ಭಾರತದಲ್ಲಿ ಸುಮಾರು 3 ಪ್ರಕರಣಗಳು ಪತ್ತೆಯಾಗಿದೆ ಎಂದು ಮಾಹಿತಿ ದೊರೆತಿದೆ.
ಕೇಂದ್ರ ಆರೋಗ್ಯ ಇಲಾಖೆ ಕರ್ನಾಟಕದಲ್ಲಿ ಎರಡು HMP ವೈರಸ್ ಪತ್ತೆಯಾಗಿರುವ ಕುರಿತು ವರದಿ ಮಾಡಿದ್ದು. ಬೆಂಗಳೂರುನ ಖಾಸಗಿ ಆಸ್ಪತ್ರೆಯಲ್ಲಿ 8 ತಿಂಗಳ ಮಗು ಮತ್ತು 3 ತಿಂಗಳ ಮಗುವಿನಲ್ಲಿ ಸೋಂಕು ಧೃಡಪಟ್ಟಿದೆ. ಇದರ ಬೆನ್ನಲ್ಲೆ ಗುಜರಾತ್ನಲ್ಲಿ ಮತ್ತೊಂದು ಪ್ರಕರಣ ವರದಿಯಾಗಿದ್ದು ಇದು ಗುಜರಾತ್ನ ಮೊದಲ HMP ವೈರಸ್ ಪ್ರಕರಣವಾಗಿದೆ.
ಇದನ್ನೂ ಓದಿ: HMP ವೈರಸ್ ಅಪಾಯಕಾರಿ ಅಲ್ಲ, ನಾವು ಮುಂಜಾಗ್ರತ ಕ್ರಮ ಕೈಗೊಳ್ಳುತ್ತೇವೆ : ಸಿದ್ದರಾಮಯ್ಯ
ಗುಜರಾತ್ನ 2 ತಿಂಗಳ ಮಗುವಿನಲ್ಲಿ ಈ ಸೋಂಕು ಧೃಡಪಟ್ಟಿದ್ದು. ಮಗುವನ್ನು ಅಹಮದಾಬಾದ್‌ನ ಚಂದ್‌ಖೇಡಾ ಪ್ರದೇಶದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
