ಬೆಂಗಳೂರು : ಪ್ರೀತಿ ಮಾಡಿದ ಕಾರಣಕ್ಕೆ ಮನೆ ಬಿಟ್ಟು ಬಂದಿದ್ದ ಯುವತಿ ಪತಿಯ ಅಕ್ರಮ ಸಂಬಂಧಕ್ಕೆ ಬೇಸತ್ತು ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಬೆಂಗಳೂರಿನ ಕೆಂಪೇಗೌಡ ನಗರದಲ್ಲಿ ನಡೆದಿದೆ ಎಂದು ಮಾಹಿತಿ ದೊರೆತಿದೆ.
ರಂಜಿತಾ ಎಂಬ 25 ವರ್ಷದ ಯುವತಿ ಕಿಶೋರ ಎಂಬಾತನನ್ನು ಪ್ರೀತಿಸಿದ್ದಳು. ಈ ಪ್ರೀತಿಗೆ ಯುವತಿಯ ಮನೆಯವರ ವಿರೋಧವು ಇತ್ತು. ಆದರೆ ಈ ವಿರೋದಗಳಿಗೆ ಹೆಚ್ಚು ತಲೆ ಕೊಡದ ಯುವತಿ ರಂಜಿತಾ ಕಿಶೋರನನ್ನೆ ಮದುವೆಯಾಗಿದ್ದಳು. ದಿನ ಕಳೆದಂತೆ ರಂಜಿತಾ ಗರ್ಭಿಣಿಯಾಗಿದ್ದಳು. ಈ ವಿಷಯ ತಿಳಿದ ನಂತರ ಯುವತಿ ಮನೆಯವರು ಮಾತನಾಡಲು ಆರಂಭಿಸಿದ್ದರು. ಆದರೆ ಗಂಡನ ಪರಸ್ತ್ರೀ ಸಹವಾಸದಿಂದ ಬೇಸತ್ತಿದ್ದ ಯುವತಿ ಇದೀಗ ಆತ್ಮಹತ್ಯೆಗೆ ಶರಣಾಗಿದ್ಧಾರೆ.
ಇದನ್ನೂ ಓದಿ : ಮನಮೋಹನ ಸಿಂಗ್ ಪಾರ್ಥಿವ ಶರೀರದ ಅಂತಿಮ ಯಾತ್ರೆ ಆರಂಭ !
ಯುವಕ ಕಿಶೋರ್ಗೆ ಮದುವೆಯಾದ ನಂತರ ಪರಸ್ತ್ರೀಯರ ಮೋಹ ಬೆಳೆದಿತ್ತು. ನಂಬಿ ಬಂದಿದ್ದ ಹೆಂಡತಿಯ ಕೈ ಬಿಟ್ಟು ಇಬ್ಬರು ಸ್ತ್ರೀಯರ ಜೊತೆಗೆ ಲವ್ವಿ-ಡವ್ವಿ ಆಟ ಶುರು ಮಾಡಿದ್ದನು. ಇಷ್ಟೇ ಅಲ್ಲದೆ ಗಂಡನಿಗೆ ಇತ್ತೀಚೆಗೆ ಬೆಟ್ಟಿಂಗ್ ಚಟ ಕೂಡ ಆರಂಭವಾಗಿತ್ತು. ಬೆಟ್ಟಿಂಗ್ ಹಣ ತಂದುಕೊಡುವಂತೆ ಹೆಂಡತಿಗೆ ಕಿರುಕುಳವನ್ನು ನೀಡುತ್ತಿದ್ದನು. ಇವೆಲ್ಲದರಿಂದ ಬೇಸತ್ತ ಯುವತಿ ರಂಜಿತಾ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾಳೆ.
ಮೃತ ಯುವತಿ ಸಹೋದರ ಕಿಶೋರ್ ವಿರುದ್ದ ಬ್ಯಾಡರಗಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು. ಕಿಶೋರ್ಗೆ ಸಂಬಂಧವಿದ್ದ ನಿರ್ಮಾಲ, ವಿನುತಾ ಸೇರಿದಂತೆ 10 ಜನರ ವಿರುದ್ದ FIR ದಾಖಲಾಗಿದೆ. ತನ್ನ ತಂಗಿಗೆ ಚಿತ್ರಹಿಂಸೆ ನೀಡಿದ ಅಪರಾಧಿಗಳಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಯುವತಿ ಕುಟುಂಬಸ್ಥರು ಆಗ್ರಹಿಸಿದ್ದಾರೆ.
