ಬೆಂಗಳೂರು: ಕೆಎಂಎಫ್ನಿಂದ ಬಹುನಿರೀಕ್ಷಿತ ಪ್ರಾಡೆಕ್ಟ್ ಇಡ್ಲಿ-ದೋಸೆ ಹಿಟ್ಟು ಮಾರುಕಟ್ಟೆಗೆ ಬಿಡುಗಡೆಗೊಂಡಿದ್ದು. ಇದರ ಬಗ್ಗೆ ಸುದ್ದಿಗೋಷ್ಟಿಯಲ್ಲಿ ಕೆಎಂಎಫ್ ಅಧ್ಯಕ್ಷ ಭೀಮಾ ನಾಯ್ಕ್ ಹಾಗೂ ಎಂಡಿ ಶಿವಸ್ವಾಮಿ ಮಾಹಿತಿ ನೀಡಿದ್ದಾರೆ.
ಇದರ ಬಗ್ಗೆ ಮಾತನಾಡಿದ ಕೆಎಂಎಫ್ ಅಧ್ಯಕ್ಷ ಭೀಮನಾಯಕ್ ‘ ಬಹಳ ದಿನದಿಂದ ದೋಸೆ ಇಡ್ಲಿ ಹಿಟ್ಟು ಯಾವಾಗ ಬಿಡುಗಡೆ ಆಗುತ್ತೆ ಅಂತ ಚರ್ಚೆ ಆಗ್ತಾ ಇತ್ತು. ಆದರೆ ನೆನ್ನೆ ಸಿಎಂ ಅವರಿಂದ ಬಿಡುಗಡೆಯಾಗಿದೆ. ಇಂದಿನಿಂದ ಇಡ್ಲಿ-ದೋಸೆ ಹಿಟ್ಟು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಹೇಳಿದರು. ಸದ್ಯ ಬೆಂಗಳೂರಲ್ಲಿ ಮಾತ್ರ ಲಭ್ಯವಾಗಲಿದ್ದು. ನಮ್ಮ ಪ್ರಾಡೆಕ್ಟ್ ಮಾರುಕಟ್ಟೆಯ 20ರಷ್ಟು ಪಾಲನ್ನು ವಶಪಡಿಸಿಕೊಳ್ಳಲು ಪ್ರಯತ್ನಿಸುತ್ತೇವೆ. ಪ್ರತಿ ನಿತ್ಯ 5 ಸಾವಿರ ಮೆಟ್ರಿಕ್ ಟನ್ನಷ್ಟು ಮಾರಾಟ ಮಾಡಲು ಮುಂದಾಗಿದ್ದೇವೆ ಎಂದು ಹೇಳಿದರು.
ಇದನ್ನೂ ಓದಿ : ಕಾಂಗ್ರೆಸ್ ಬ್ಯಾನರ್ನಲ್ಲಿ POK ನಾಪತ್ತೆ : ಟ್ವಿಟ್ ಮಾಡಿ ಆಕ್ರೋಶ ವ್ಯಕ್ತಪಡಿಸದ ರಾಜ್ಯ ಬಿಜೆಪಿ !
ಮಾರುಕಟ್ಟೆಯ ಎಲ್ಲಾ ಕಂಪನಿಗಳ ಜೊತೆ ಕಾಂಪಿಟ್ ಮಾಡುತ್ತೇವೆ !
ನಂದಿನಿ ಇಡ್ಲಿ-ದೋಸೆ ಹಿಟ್ಟಿನ 450ಗ್ರಾಂ ಪ್ಯಾಕೆಟ್ಗೆ 40ರೂಪಾಯಿ ಹಾಗೂ 900ಗ್ರಾಂಗೆ 80 ರೂಪಾಯಿ ಫಿಕ್ಸ್ ಮಾಡಲಾಗಿದೆ ಎಂದು ತಿಳಿಸಿದ ಭೀಮಾ ನಾಯಕ್. ಇದರಲ್ಲಿ ವೇ ಪ್ರೋಟಿನ್ ಆ್ಯಡ್ ಮಾಡಿದ್ದೀವಿ. ಇದರಿಂದ ಮಕ್ಳಳು ಸೇರಿದಂತೆ ಎಲ್ಲಾ ವಯಸ್ಸಿನವರಿಗೆ , ಜಿಮ್ ಹಾಗೂ ಕ್ರೀಡಾಪಟುಗಳಿಗೆ ಸಹಾಯವಾಗಲಿದೆ. ಇದರಲ್ಲಿ ಶೇಕಡಾ 5ರಷ್ಟು ಪ್ರೋಟಿನ್ ಆ್ಯಡ್ ಮಾಡಿದ್ದೇವೆ.
ಕೇವಲ ಬೆಂಗಳೂರು ಅಲ್ಲದೆ ಬೇರೆ ಜಿಲ್ಲೆಗಳಲ್ಲಿಯೂ ಮಾರಟ ಮಾಡುತ್ತೇವೆ. ಭೇಡಿಕೆ ಹೇಗೆ ಬರುತ್ತೋ ಆ ರೀತಿಯಾಗಿ ನಿರ್ಧಾರ ಮಾಡುತ್ತೇವೆ. ನೂರಕ್ಕೆ ನೂರು ನಾವು ಮಾರುಕಟ್ಟೆಯಲ್ಲಿರುವ ಕಂಪನಿಗಳ ಜೊತೆ ಕಾಂಪೀಟೇಷನ್ ಮಾಡ್ತೀವಿ. ಒಂದು ವರ್ಷದೊಳಗೆ ಎರಡು ಕಂಪನಿಗಳಿಗಿಂತ ಮುನ್ನುಗ್ಗುತ್ತೀವಿ ಎಂದು ಹೇಳಿದರು.
