ಬೆಂಗಳೂರು : ಇತ್ತೀಚೆಗೆ ಕೋಲ್ಕತ್ತಾದಲ್ಲಿ ಟ್ರೈನಿ ವೈದ್ಯೆ ಅತ್ಯಾಚಾರ ಪ್ರಕರಣ ಇಡೀ ದೇಶವನ್ನೆ ಬೆಚ್ಚಿಬೀಳಿಸಿತ್ತು. ಇದರ ಬೆನ್ನಲ್ಲೆ ಸಾಕಷ್ಟು ಪ್ರತಿಭಟನೆಗಳು, ಹೋರಾಟಗಳು ಕೂಡ ನಡೆದಿದ್ದವು. ಇದರ ಬಗ್ಗೆ ಟಾಸ್ಕ್ಪೋರ್ಸ್ ರಚಿಸಿದ್ದ ಸುಪ್ರೀಂಕೋರ್ಟ್ ಮಹಿಳಾ ಸಿಬ್ಬಂದಿಗಳ ರಕ್ಷಣೆಗೆ ಕೆಲ ಮಾರ್ಗಸೂಚಿಗಳನ್ನು ಹೊರಡಿಸಿತ್ತು. ಆದರೆ ಬೆಂಗಳೂರಿನ ಜಯದೇವ ಆಸ್ಪತ್ರೆ ತಮ್ಮ ಸಿಬ್ಬಂದಿಗಳ ರಕ್ಷಣೆಗಾಗಿ ಆ್ಯಪ್ ಮೊರೆ ಹೋಗಿದ್ದು. ‘ ಸುಹೃದ್ ‘ ಎಂಬ ಆ್ಯಪ್ ಬಿಡುಗಡೆಗೊಳಿಸಿದೆ.
ಆ್ಯಪ್ನ ಉದ್ದೇಶವೇನು !
ಪ್ರಮುಖವಾಗಿ ಆಸ್ಪತ್ರೆಯಲ್ಲಿ ಕಾರ್ಯನಿರ್ವಹಿಸುವ ಮಹಿಳಾ ಸಿಬ್ಬಂದಿಗಳಿಗೆ ಭದ್ರತೆ ಒದಗಿಸುವುದು ಮತ್ತು ಆಸ್ಪತ್ರೆಯ ಯಾವುದೇ ಕರ್ತವ್ಯನಿರತ ಸಿಬ್ಬಂದಿಗೆ ತೊಂದರೆಯಯಾದರೆ ಒಬ್ಬರಿಗೊಬ್ಬರು ಹೃದಯವಂತಿಕೆಯಿಂದ ನೆರವಾಗಲಿ ಎಂಬ ಉದ್ದೇಶದಿಂದ ಇದನ್ನು ನಿರ್ಮಾಣ ಮಾಡಲಾಗಿದೆ.
ಇದನ್ನೂ ಓದಿ : ಹೊಟ್ಟೆನೋವು ಎಂದು ಆಸ್ಪತ್ರೆಗೆ ದಾಖಲಾಗಿದ್ದ ಬಾಲಕಿ ಶಸ್ತ್ರಚಿಕಿತ್ಸೆ ಬಳಿಕ ಸಾವು !
ಏನಿದು ‘ಸುಹೃದ್’ ? ಹೇಗೆ ಕಾರ್ಯನಿರ್ವಹಿಸಲಿದೆ !
ಸುಹೃದ್ ಅಂದರೆ ಸಂಸ್ಕೃತದಲ್ಲಿ ಒಳ್ಳೆಯ ಹೃದಯ ಎಂದರ್ಥ. ಯಾವುದೇ ಸಿಬ್ಬಂದಿ ಸಂಕಷ್ಟಕ್ಕೆ ಸಿಲುಕಿದಾಗ ಫೋನ್ ಮಾಡಲು ಅಥವಾ ಮೆಸೇಜ್ ಮೂಲಕ ರಕ್ಷಣೆಗೆ ಸಹಾಯ ಕೇಳೋದು ಆ ಸಂದರ್ಭದಲ್ಲಿ ಕಷ್ಟಕರ. ಆದರೆ ಈ ಆ್ಯಪ್ನ ಸಹಾಯದಿಂದ ಸಿಬ್ಬಂದಿ ತನ್ನ ಮೊಬೈಲ್ನ್ನು ಮೂರು ಬಾರಿ ಶೇಕ್ ಮಾಡಿದರೆ ಸಾಕು. ಆ್ಯಪ್ ಇನ್ಸ್ಟಾಲ್ ಮಾಡಿಕೊಂಡಿರುವ ಇತರ ಸಿಬ್ಬಂದಿಗಳಿಗೆ, ಭದ್ರತಾ ಸಿಬ್ಬಂದಿಗಳಿಗೆ ಸಂದೇಶ ಹೋಗುತ್ತದೆ.
ಈ ಆ್ಯಪ್ ಯಾವ ಮೊಬೈಲ್ನಲ್ಲಿ ಇನ್ಸ್ಟಾಲ್ ಆಗಿರುತ್ತದೆಯೋ ಅವರೆಲ್ಲರಿಗೂ ಈ ಮೆಸೇಜ್ ಹೋಗುವುದರಿಂದ. ಕಷ್ಟದಲ್ಲಿರುವ ಸಿಬ್ಬಂದಿಗೆ ಸೂಕ್ತ ಸಮಯದಲ್ಲಿ ಭದ್ರತೆ ಸಿಗುತ್ತದೆ. ಜಿ.ಪಿ.ಎಸ್ ಸಮೇತ ಮೆಸೇಜ್ ಹೋಗುವುದರಿಂದ ತಕ್ಷಣ ಸಹಾಯ ಮಾಡಲು ಅನುಕೂಲ ಆಗಲಿದೆ.
ಒಟ್ಟಿನಲ್ಲಿ ಆಸ್ಪತ್ರೆಯ ಈ ವಿನೂತನ ಪ್ರಯೋಗ ಮಹಿಳಾ ಸಿಬ್ಬಂದಿಗಳ ಹಿತದೃಷ್ಟಿಯಲ್ಲಿ ಹೆಚ್ಚು ಸಹಾಯಕರವಾಗಿದೆ.
