ಬೆಂಗಳೂರು : ಡಿ ಬಾಸ್ ದರ್ಶನ್ ಇತ್ತೀಚೆಗೆ ಪ್ರತೀ ದಿನ ಒಂದಿಲ್ಲೊಂದು ವಿಷಯಕ್ಕಾಗಿ ಸುದ್ದಿಯಲ್ಲಿದ್ದಾರೆ. ಬರ್ತ್ ಡೇ ಸೆಲೆಬ್ರೇಷನ್ಗೆ ಕೇವಲ 4 ದಿನ ಬಾಕಿಯಿದ್ದು, ನೆಚ್ಚಿನ ಸೆಲೆಬ್ರಿಟೀಸ್ಗೆ ದಚ್ಚು ಸರ್ಪ್ರೈಸ್ ಗಿಫ್ಟ್ ಕೊಡ್ತಿದ್ದಾರೆ.
ಸ್ಯಾಂಡಲ್ವುಡ್ನ ಯಜಮಾನ, ಸೆಲೆಬ್ರಿಟೀಸ್ ಪಾಲಿನ ಡಿ ಬಾಸ್, ತನ್ನ ಗತ್ತು ಗಮ್ಮತ್ತಿಗೆ ತಕ್ಕನಾದ ಚಾಲೆಂಜಿಂಗ್ ಪಾತ್ರಗಳನ್ನ ಮಾಡೋ ಚಾಲೆಂಜಿಂಗ್ ಸ್ಟಾರ್ ಬರ್ತ್ ಡೇ ಸೆಲೆಬ್ರೇಷನ್ಗೆ ಇನ್ನು ನಾಲ್ಕು ದಿನಗಳಷ್ಟೇ ಬಾಕಿಯಿದೆ. ಇದೇ ಫೆಬ್ರವರಿ 16ರಂದು 46 ತುಂಬಿ 47ನೇ ವಸಂತಕ್ಕೆ ಕಾಲಿಡ್ತಿರೋ ದರ್ಶನ್ಗೆ ಅಭಿಮಾನಿ ಬಳಗ ಹಬ್ಬದ ರೀತಿ ಹುಟ್ಟುಹಬ್ಬವನ್ನು ಸೆಲೆಬ್ರೇಟ್ ಮಾಡಲು ಸಜ್ಜಾಗಿದೆ.
‘ಕಾಟೇರ’ ಸಿನಿಮಾದ ಸಕ್ಸಸ್ ಗುಂಗಲ್ಲಿರೋ ಡಿಬಾಸ್ಗೆ ಫ್ಯಾಮಿಲಿ ಜಂಜಾಟಗಳಿಂದಲೂ ಮುಕ್ತಿ ಸಿಕ್ಕಂತಿದೆ. ಸದಾ ಚಿತ್ರರಂಗದ ಒಳಿತಿಗಾಗಿ ಶ್ರಮಿಸೋ ದರ್ಶನ್, ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳನ್ನ ಮಾಡ್ತಾನೇ ಇದಾರೆ. ತಮ್ಮ 25 ವರ್ಷಗಳ ಸಿನಿಯಾನದಲ್ಲಿ 56 ಸಿನಿಮಾಗಳನ್ನ ಮಾಡಿ ಮುಗಿಸಿರೋ ದಚ್ಚು, ಇದೀಗ ತಮ್ಮ 57ನೇ ಸಿನಿಮಾ ‘ಡೆವಿಲ್’ನಲ್ಲಿ ಬ್ಯುಸಿಯಾಗಿದ್ದಾರೆ.
ಫೆ.15ರ ರಾತ್ರಿ 11.59ಕ್ಕೆ ಡೆವಿಲ್ ಫಸ್ಟ್ಲುಕ್
ರೀಸೆಂಟ್ ಆಗಿ ಸೆಟ್ಟೇರಿದ್ದ ಡೆವಿಲ್ ಸಿನಿಮಾ ಶೂಟಿಂಗ್ ಶುರುವಿಟ್ಟಿದ್ದು, ಮಿಲನಾ ಸಿನಿಮಾ ಖ್ಯಾತಿಯ ಪ್ರಕಾಶ್ ವೀರ್ ಌಕ್ಷನ್ ಕಟ್ನಲ್ಲಿ ತಯಾರಾಗ್ತಿದೆ. ಈಗಾಗಲೇ ಚಿತ್ರದ ಟೈಟಲ್ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದ್ದು, ಇದೇ ಫೆಬ್ರವರಿ 15ರ ರಾತ್ರಿ 11.59ಕ್ಕೆ ಡೆವಿಲ್ ಚಿತ್ರದ ಫಸ್ಟ್ಲುಕ್ ಟೀಸರ್ ಲಾಂಚ್ ಆಗಲಿದೆ. ಬರ್ತ್ ಡೇ ದಿನ ನೆಚ್ಚಿನ ನಾಯಕನಟನನ್ನ ಕಣ್ತುಂಬಿಕೊಂಡು, ಶುಭಾಶಯ ಕೋರೋಕೆ ಕಾತರರಾಗಿರೋ ಫ್ಯಾನ್ಸ್ಗೆ ಡೆವಿಲ್ ಟೀಸರ್ ಬೆಸ್ಟ್ ಗಿಫ್ಟ್ ಆಗಲಿದೆ.
ಮತ್ತೊಮ್ಮೆ ದರ್ಶನ್-ಪ್ರಕಾಶ್ ಕಾಂಬೋ
ಅಂದಹಾಗೆ ಡೆವಿಲ್ ಸಿನಿಮಾ ದರ್ಶನ್-ಪ್ರಕಾಶ್ ವೀರ್ ಕಾಂಬೋನಲ್ಲಿ ಬರ್ತಿರೋ ಚೊಚ್ಚಲ ಸಿನಿಮಾ ಏನಲ್ಲ. ಆರೇಳು ವರ್ಷಗಳ ಹಿಂದೆ ತಾರಕ್ ಅನ್ನೋ ಫ್ಯಾಮಿಲಿ ಎಂಟರ್ಟೈನರ್ನ ನೀಡಿತ್ತು ಈ ಜೋಡಿ. ಮಾಸ್ ಜೊತೆ ಫ್ಯಾಮಿಲಿ ಎಮೋಷನ್ಸ್ ಮೇಲೆ ಹಿಡಿತ ಹೊಂದಿರೋ ಪ್ರಕಾಶ್ ವೀರ್ ಈ ಬಾರಿ ಡೆವಿಲ್ ದಿ ಹೀರೋ ಸಿನಿಮಾನ ಡಿ ಬಾಸ್ ಜೊತೆ ನೆಕ್ಸ್ಟ್ ಲೆವೆಲ್ ಮೇಕಿಂಗ್ನೊಂದಿಗೆ ಮಾಡ್ತಿರೋದು ಇಂಟರೆಸ್ಟಿಂಗ್.
ಡೆವಿಲ್ ಸಿನಿಮಾ ಬಳಿಕ D58 ಶುರು
ಡೆವಿಲ್ ಸಿನಿಮಾ ಮುಗೀತಾ ಇದ್ದಂತೆ D58 ಶುರುವಾಗಲಿದೆ. ಅದನ್ನ ಕೆವಿನ್ ಪ್ರೊಡಕ್ಷನ್ಸ್ ಬ್ಯಾನರ್ನಡಿ ಜೋಗಿ ಪ್ರೇಮ್ ಡೈರೆಕ್ಟ್ ಮಾಡಲಿದ್ದು, ಇಡೀ ಚಿತ್ರರಂಗ ಕಾತರವಾಗಿದೆ. ಇನ್ನು ರೀಸೆಂಟ್ ಆಗಿ ಝೀ5 ಓಟಿಟಿಗೆ ಲಗ್ಗೆ ಇಟ್ಟಿರೋ ‘ಕಾಟೇರ’, ಥಿಯೇಟರ್ನಂತೆ ಓಟಿಟಿಯಲ್ಲೂ ಧೂಳೆಬ್ಬಿಸ್ತಿದೆ. ಎಲ್ಲೆಡೆ ಡಿ ಬಾಸ್ ಫ್ಯಾನ್ಸ್ ಕಟೌಟ್ಸ್ ಹಾಕಿಸಿ, ಹಾಲಿನ ಅಭಿಷೇಕ ಮಾಡಿ, ಓಟಿಟಿಗೆ ವೆಲ್ಕಮ್ ಹೇಳಿದ್ದಾರೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
