ತುಮಕೂರು: ವಿದ್ಯಾರ್ಥಿಗಳು ಬೀದಿ ರೌಡಿಗಳಂತೆ ಭೀಕರವಾಗಿ ಒಡೆದಾಡಿಕೊಂಡಿರುವ ಘಟನೆ ತುಮಕೂರಿನ ತಿಪಟೂರಿನಲ್ಲಿ ನಡೆದಿದೆ.
75ನೇ ಗಣರಾಜ್ಯೋತ್ಸವದ ಹಿನ್ನಲೆ ಆಚರಣೆ ಮುಗಿಸಿ ಮನೆಗೆ ತೆರಳುತ್ತಿದ್ದ ವೇಳೆ ನಗರದ ಐ.ಬಿ ಸರ್ಕಲ್ ಬಳಿ ಆರಂಭವಾದ ಹೊಡೆದಾಟ ಸರ್ಕಾರಿ ಜೂನಿಯರ್ ಕಾಲೇಜಿನ ವರೆಗೆ ರಸ್ತೆಯಲ್ಲಿ ಪ್ರಾಣದ ಹಂಗುತೊರೆದು ಒಡೆದಾಡಿಕೊಂಡಿದ್ದಾರೆ. ಈ ಹೊಡೆದಾಟಕ್ಕೆ ಕೆಲವು ಹೊರಗಿನ ಪುಂಡರು ಸಾಥ್ ನೀಡಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: ಎತ್ತಿನಗಾಡಿಯಲ್ಲಿ ನಟ ಡಿಬಾಸ್ ದರ್ಶನ್ಗೆ ಅದ್ದೂರಿ ಸ್ವಾಗತ!
ಇಲ್ಲಿನ ವಿದ್ಯಾರ್ಥಿಗಳಿಗೆ ಹೊರಗಿನಿಂದ ಗಾಂಜಾ ಪೂರೈಕೆಯಾಗುತ್ತಿದ್ದು ವಿದ್ಯಾರ್ಥಿಗಳು ನಿತ್ಯ ಈ ರೀತಿಯಲ್ಲಿ ಒಡೆದಾಡಿಕೊಳ್ಳುತ್ತಿದ್ದಾರೆ ಎನ್ನುವ ಗಂಭೀರ ಆರೋಪ ಕೇಳಿಬಂದಿದೆ, ಇನ್ನೂ, ಹೊಡೆದಾಟದಲ್ಲಿ ಭಾಗಿಯಾಗಿದ್ದ ಒಂದಷ್ಟು ವಿದ್ಯಾರ್ಥಿಗಳನ್ನ ಕರೆಸಿದ ತಿಪಟೂರು ಪೊಲೀಸರು ಬುದ್ದಿವಾದ ಹೇಳಿ ಎಚ್ಚರಿಕೆಯನ್ನ ನೀಡಿ ವಾಪಸ್ ಕಳಿಸಿದ್ದಾರೆ.
