ಬಾಗಲಕೋಟೆ: ಬಾಗಲಕೋಟೆಯ ಚಿತ್ರಬಾನುಕೋಟೆ ಗ್ರಾಮದ ಅಜ್ಜಿ ಕೆಲವು ದಿನಗಳ ಹಿಂದೆ ಮಧ್ಯಪ್ರದೇಶದಲ್ಲಿ ತಮ್ಮವರಿಂದ ತಪ್ಪಿಸಿಕೊಂಡಿದ್ದು, ಕೊನೆಗೂ ತನ್ನೂರು ಸೇರಿದ್ದಾರೆ.
ತಾಯವ್ವ ಎಂಬ ಅಜ್ಜಿ ಕಬ್ಬು ಕಟಾವು ಮಾಡುವವರ ಜೊತೆ ಮಧ್ಯಪ್ರದೇಶಕ್ಕೆ ತೆರಳಿದ್ದರು. ಆದರೆ, ಅಲ್ಲಿ ದಾರಿ ತಿಳಿಯದೇ ತಮ್ಮವರಿಂದ ತಪ್ಪಿಸಿಕೊಂಡಿದ್ದಾರೆ. ಪರಿಚಿತರಿಲ್ಲದೆ ಮಧ್ಯಪ್ರದೇಶದ ರಸ್ತೆಗಳಲ್ಲಿ ಅಲೆದಾಡುತ್ತಿದ್ದರು. ಬಳಿಕ ಅಲ್ಲಿನ ಪೊಲೀಸ್ ಅಧಿಕಾರಿಗಳು ಅಜ್ಜಿ ಹೇಳಿದ ಕನ್ನಡ ಪದಗಳನ್ನು ಗೂಗಲ್ನಲ್ಲಿ ಸರ್ಚ್ ಮಾಡಿ ಬಳಿಕ ಬಾಗಲಕೋಟೆಯ ಸಖಿ ಕೇಂದ್ರ ಸಂಪರ್ಕಿಸಿದ ಅಧಿಕಾರಿಗಳು ಅಜ್ಜಿಯನ್ನು ವಾಪಸ್ ಕಳಿಸಿಕೊಟ್ಟಿದ್ದಾರೆ.
ಇದನ್ನೂ ಓದಿ: ಅಯೋಧ್ಯೆ ರೀತಿ ಅಂಜನಾದ್ರಿ ಅಭಿವೃದ್ಧಿಪಡಿಸುವೆ: ಗಾಲಿ ಜನಾರ್ಧನ್ ರೆಡ್ಡಿ!
ಪೊಲೀಸರ ಮತ್ತು ಸಖಿಕೇಂದ್ರದ ಅಧಿಕಾರಿಗಳ ಸಹಾಯದಿಂದ ಅಜ್ಜಿ ತನ್ನೂರಾದ ಬಾಗಲಕೋಟೆಯ ಚಿತ್ರಬಾನುಕೋಟೆ ಗ್ರಾಮ ಸೇರಿದ್ದು ಅಧಿಕಾರಿಗಳಿಗೆ ಧನ್ಯವಾದವನ್ನು ತಿಳಿಸಿದ್ದಾರೆ.
