ನೆಲಮಂಗಲ: ಹಿರಿಯ ನಟಿ ಡಾ.ಲೀಲಾವತಿಯವರ ಆರೋಗ್ಯ ಸ್ಥಿತಿ ಏರು ಪೇರಾಗುತ್ತಿರುವ ಹಿನ್ನೆಲೆ ಇಂದು ನಟ ಶಿವರಾಜ್ ಕುಮಾರ್ ದಂಪತಿ ಸಮೇತರಾಗಿ ತಾಲೂಕಿನ ಸೋಲದೇವನಹಳ್ಳಿಯಲ್ಲಿರುವ ಲೀಲಾವತಿ ತೋಟದ ಮನೆಗೆ ಭೇಟಿ ನೀಡಿ ಅವರ ಆರೋಗ್ಯ ವಿಚಾರಿಸಿದರು ಬಳಿಕ ನಟ ವಿನೋದ್ ರಾಜ್ ರನ್ನು ತಬ್ಬಿ ಧೈರ್ಯ ತುಂಬಿದರು.
ಈ ಕುರಿತು ಮಾದ್ಯಮದವರೊಂದಿಗೆ ಮಾತನಾಡಿದ ಅವರು, ನನ್ನ ತಾಯಿ ಬೇರೆ ಅಲ್ಲ. ವಿನೋದ್ ತಾಯಿ ಬೇರೆ ಅಲ್ಲ, ಅವರ ಆರೋಗ್ಯದ ವಿಚಾರ ತಿಳಿದು ಇಂದು, ಅವರ ಆರೋಗ್ಯ ವಿಚಾರಿಸುವ ಸಲುವಾಗಿ ಬಂದಿದ್ದೆ, ಸದ್ಯ ಅವರು ಕಣ್ಣು ಬಿಟ್ಟು ನೋಡಲು ಸಾಧ್ಯವಾಗದಿದ್ದರೂ ನನ್ನ ವಾಯ್ಸ್ ನಿಂದ ಗುರುತು ಹಿಡಿಯುತ್ತಿದ್ದಾರೆ ಎಂದರು.
ಇದನ್ನೂ ಓದಿ: ನಟಿ ಲೀಲಾವತಿಯವರ ಆರೋಗ್ಯ ದಿನೇ ದಿನೇ ಕ್ಷೀಣಿಸುತ್ತಿದೆ: ಡಿ.ಕೆ ಶಿವಕುಮಾರ್
ಇದಕ್ಕೂ ಮುನ್ನ ನನ್ನ ಮಗಳ ಮದುವೆ ಕಾರ್ಡ್ ಕೊಡೋಕೆ ವಿನೋದ್ ಮನೆಗೆ ಬಂದಿದ್ದೆ. ನಾವು ದಿನ ಸಿಗಲ್ಲ. ಆದರೆ ಸಿಕ್ಕಾಗ ಆ ಕ್ಷಣ ನಮ್ಮದು ಎಂದು ತಿಳಿಸಿದರು. ಇನ್ನು ಇದೇ ವೇಳೆ ಶಿವಣ್ಣ, ವಿನೋದ್ ರಾಜ್ ರನ್ನು ತಬ್ಬಿ ಧೈರ್ಯ ತುಂಬಿದರು.
