ಬೆಂಗಳೂರು : ದಕ್ಷಿಣ ಆಫ್ರಿಕಾ ತಂಡದ ಪಾಲಿಗೆ ವಿಶ್ವಕಪ್ ಕನಸು ಕನಸಾಗಿಯೇ ಉಳಿದಿದೆ. ಏಕದಿನ ವಿಶ್ವಕಪ್ನ ಇತಿಹಾಸದಲ್ಲಿ 5 ಬಾರಿ ಸೆಮಿಫೈನಲ್ಗೆ ತಲುಪಿದರೂ ಎಲ್ಲಾ ಪಂದ್ಯಗಳಲ್ಲಿ ಹರಿಣಗಳು ಸೋಲು ಕಂಡಿದ್ದಾರೆ.
1992, 1999, 2007, 2015 ಹಾಗೂ ಪ್ರಸಕ್ತ (2023) ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ತಂಡ ಸೆಮಿಫೈನಲ್ನಲ್ಲಿ ಆಡಿದ್ದು ಕಡಿಮೆ ಅಂತರದಲ್ಲಿ ಎಲ್ಲಾ ಪಂದ್ಯಗಳನ್ನು ಕೈಚೆಲ್ಲಿದೆ. ಈ ಮೂಲಕ ದಕ್ಷಿಣ ಆಫ್ರಿಕಾ ತಂಡ ಚೋಕರ್ಸ್ ಪಟ್ಟವನ್ನು ತನ್ನಲ್ಲೇ ಉಳಿಸಿಕೊಂಡಿದೆ.
ಹರಿಣಗಳಿಗೆ ಹೆಡ್ ವಿಲನ್
ದಕ್ಷಿಣ ಆಫ್ರಿಕಾ ಗೆಲುವಿಗೆ ಟ್ರಾವಿಸ್ ಹೆಡ್ ಅಕ್ಷರಶಃ ವಿಲನ್ ಆದರು. ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ ತಂಡ ಆರಂಭಿಕ ಆಘಾತ ಕಂಡು ಸ್ವಲ್ಪ ಚೇತರಿಕೆ ಕಂಡಿತು. ಈ ವೇಳೆ ಟ್ರಾವಿಸ್ ಹೆಡ್ ಎರಡು ಎಸೆತಗಳಲ್ಲಿ ಎರಡು ವಿಕೆಟ್ ಪಡೆಯುವ ಮೂಲಕ ಹರಿಣಗಳಿಗೆ ದೊಡ್ಡ ಆಘಾತ ನೀಡಿದರು. ಹೆನ್ರಿಕ್ ಕ್ಲಾಸೆನ್ (47) ಹಾಗೂ ಮಾರ್ಕೊ ಜಾನ್ಸೆನ್ (0) ಅವರನ್ನು ಶೂನ್ಯಕ್ಕೆ ಪೆವಿಲಿಯನ್ ಹಾದಿ ತೋರಿಸಿದರು.
ಬಳಿಕ ಇನ್ನಿಂಗ್ಸ್ ಆರಂಭಿಸಿದ ಆಸಿಸ್ಗೆ ಟ್ರಾವಿಸ್ ಹೆಡ್ ಆಟ ಗೆಲುವಿನ ಭರವಸೆ ಮೂಡಿಸಿತು. ವಾರ್ನರ್ ಜೊತೆ ಟ್ರಾವಿಸ್ ಹೆಡ್ ಮೊದಲ ವಿಕೆಟ್‌ಗೆ 60 ರನ್ ಸೇರಿಸಿದರು. ದಕ್ಷಿಣ ಆಫ್ರಿಕಾ ಬೌಲರ್ಗಳನ್ನು ಕಾಡಿದ ಹೆಡ್ 62 ರನ್ ಸಿಡಿಸಿ ಔಟಾದರು. ಈ ಮೂಲಕ ಹೆಡ್ ಆಸಿಸ್ ಪರ ಅತಿ ಹೆಚ್ಚು ರನ್ ಗಳಿಸಿದರು. ಆಲ್ರೌಂಡರ್ ಆಟ ಪ್ರದರ್ಶಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು.
ವಿಶ್ವಕಪ್ ಫೈನಲ್‌ಗೆ ಹೆಚ್ಚು ಅರ್ಹತೆ ಪಡೆದ ತಂಡಗಳು
ಆಸ್ಟ್ರೇಲಿಯಾ : 8
ಇಂಗ್ಲೆಂಡ್ : 4
ಭಾರತ : 4
ವೆಸ್ಟ್ ಇಂಡೀಸ್ : 3
ಶ್ರೀಲಂಕಾ : 3
