ಒರಿಸ್ಸಾ: ಗಾಂಜಾ ರಿಕವರಿಗೆ ಹೋಗಿದ್ದ ಕರ್ನಾಟಕ ಪೊಲೀಸರನ್ನೇ ಅರೆಸ್ಟ್ ಮಾಡಿ ಜೈಲಿಗಟ್ಟಿರುವ ಘಟನೆ ಒರಿಸ್ಸಾದಲ್ಲಿ ನಡೆದಿದೆ.
ಹಿರಿಯ ಅಧಿಕಾರಿಗಳ ಆದೇಶದ ಮೇರೆಗೆ ಜಿಗಣಿ ಪೊಲೀಸರು ಗಾಂಜಾ ರಿಕವರಿಗೆಂದು ಒರಿಸ್ಸಾಗೆ ತೆರಳಿದ್ದರು. ಈ ವೇಳೆ ಗಾಂಜಾ ಹಿಡಿದು ಬರುತ್ತಿದ್ದ ಕರ್ನಾಟಕ ಪೊಲೀಸರನ್ನು ಒರಿಸ್ಸಾ ಪೊಲೀಸರು ಬಂಧನ ಮಾಡಿದ್ದಾರೆ. ನಾವು ಪೊಲೀಸರು ಎಂದು ಹೇಳಿದರು ಕೇಳದೆ ಬಂಧಿಸಿದ್ದಾರೆ.
ಇದನ್ನೂ ಓದಿ: ಜಾತಿ ನಿಂದನೆ: ಪುನೀತ್ ಕೆರೆಹಳ್ಳಿ ಪೊಲೀಸ್ ವಶಕ್ಕೆ!
ಗಾಂಜಾ ರಿಕವರಿಯ ಬಗ್ಗೆ ಈ ಮೊದಲೇ ಪ್ಲಾನ್ ಮಾಡಿಕೊಂಡು 4 ಜನ ಪೊಲೀಸ್ ತಂಡ ಒರಿಸ್ಸಾಗೆ ತೆರಳಿದ್ದರು. ಈ ವೇಳೆ ಅರಣ್ಯ ಪ್ರದೇಶದ ಒಳಗೆ ಮೊದಲು ತೆರಳಿದ್ದ ಪೊಲೀಸ್ ಪೇದೆ ಆನಂದ್ನನ್ನು ಓರಿಸ್ಸಾ ಪೊಲೀಸರು ಬಂಧಿಸಿದ್ದಾರೆ.
ಕಾನ್ಸ್‌ಟೇಬಲ್ ಅರೆಸ್ಟ್ ಆಗುತ್ತಿದ್ದಂತೆ ಕರ್ನಾಟಕದ ಇನ್ಸ್ಪೆಕ್ಟರ್, ಆನಂದ್ ನನ್ನು ಬಂಧನದಿಂದ ಬಿಡಿಸಿಕೊಂಡು ಬರಲು ಒರಿಸ್ಸಾಗೆ ತೆರಳಿ ಕಾನೂನು ಪ್ರಕ್ರಿಯೆ ಮುಂದುವರೆಸಿದ್ದಾರೆ.
