ಶಿವಮೊಗ್ಗ: ಗೋದಾಮಿನಿಂದ ಅಡಿಕೆ ಕಳ್ಳತನ ಮಾಡಿದ್ದ ಮೂವರು ಕಳ್ಳರನ್ನು ಸಾರ್ವಜನಿಕರು ಹಿಡಿದು ಪೊಲೀಸರಿಗೊಪ್ಪಿಸಿರುವ ಘಟನೆ ಜಿಲ್ಲೆಯ ಹೊಸನಗರದಲ್ಲಿ ನಡೆದಿದೆ.
ಹೊಸನಗರ ಮಾವಿನಕೊಪ್ಪದ ರವಿರಾಜ (32), ರಾಜೇಶ (40), ಹೊಸನಗರ ಪಟ್ಟಣದ ನಾಗರಾಜ (31) ಬಂಧಿತ ಆರೋಪಿಗಳು. ಗೋದಾಮಿನಿಂದ 2. ಕ್ವಿಂಟಾಲ್ 72 ಕೆ.ಜಿ ಅಡಿಕೆ ಕದ್ದೊಯ್ದಿದ್ದರು.
ಇದನ್ನೂ ಓದಿ: ಅತ್ಯಾಚಾರಕ್ಕೆ ವಿರೋಧ; ತಾಯಿಯನ್ನೇ ಕೊಂದ ಪಾಪಿ ಮಗ!
ಹೊಸನಗರ ಪಟ್ಟಣದ ಸುಮೇಧಾ ವಿವಿದ್ಧೋದ್ದೇಶ ಸೌಹಾರ್ದ ಸಹಕಾರ ಸಂಘದ ಗೋದಾಮಿನಲ್ಲಿಟ್ಟಿದ್ದ 1.33 ಲಕ್ಷ ಮೌಲ್ಯದ 2. ಕ್ವಿಂಟಲ್ 72 ಕೆ.ಜಿ ಅಡಿಕೆ ಮೂಟೆಗಳನ್ನು ಸೆ.21ರ ರಾತ್ರಿ ಮೂವರು ಕಳ್ಳರು ಸೇರಿ ಕಳ್ಳತನ ಮಾಡಿದ್ದರು. ಘಟನೆ ಸಂಬಂಧ ಪೊಲೀಸ್ ಠಾಣೆಗೆ ದೂರು ನೀಡಲಾಗಿತ್ತು.
ಕಳ್ಳರನ್ನು ಬಂಧಿಸಿದ ಪೊಲೀಸರು ಕೃತ್ಯಕ್ಕೆ ಬಳಸಿದ್ದ 1 ಬೈಕ್ ಮತ್ತು 2 ಕ್ವಿಂಟಲ್ 72 ಕೆಜಿ ಅಡಿಕೆ ವಶಕ್ಕೆ ಪಡೆದಿದ್ದಾರೆ.
