ಬಳ್ಳಾರಿ : ಜನಾರ್ಧನ ರೆಡ್ಡಿ ಕುಟುಂಬದ ಗನ್ ಮ್ಯಾನ್ ಪಿಸ್ತೂಲ್ ಕಳವಾಗಿರುವ ಘಟನೆ ಕೌಲ್ ಬಜಾರ್ ಠಾಣಾ ವ್ಯಾಪ್ತಿಯ ಈರನಗೌಡ ಕಾಲೋನಿಯಲ್ಲಿ ನಡೆದಿದೆ.
ಉತ್ತರ ಪ್ರದೇಶದ ಬಾಲಾ ಮುಕುಂದ ಶುಕ್ಲಾಗೆ ಸೇರಿದ ಪಿಸ್ತೂಲ್ ಇದಾಗಿದೆ, ಜನಾರ್ಧನ್ ರೆಡ್ಡಿ ಪತ್ನಿ ಹಾಗು ಮಗನ ಗನ್ ಮ್ಯಾನ್ ಆಗಿ ಕಳೆದ ಎರಡು ವರ್ಷಗಳಿಂದ ಗನ್ ಮೆನ್ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದ, ಸೆಪ್ಟೆಂಬರ್ 28 ರಂದು ಭದ್ರತಾ ಸಿಬ್ಬಂದಿ ರೂಂನಲ್ಲಿ ಇಟ್ಟು ಬಾಲಾ ಮುಕುಂದ್ ಶುಕ್ಲ ಮಲಗಿದ್ದಾಗ ಪಿಸ್ತೂಲ್ ಕಳುವಾಗಿದೆ. ಮುಖ್ಯದ್ವಾರವನ್ನು ಲಾಕ್ ಮಾಡಿ ಸೈಡ್ ಬಾಗಿಲು ಲಾಕ್ ಮಾಡದೇ ಇದ್ದದ್ದೇ ಘಟನೆಗೆ ಕಾರಣ ಎನ್ನಲಾಗುತ್ತಿದೆ.
ಇದನ್ನೂ ಓದಿ: ಅಂಬಿಕಾಪತಿ ಪರ ಬ್ಯಾಟ್ ಬೀಸಿದ ಶಾಸಕ ಶಿವಲಿಂಗೇಗೌಡ!
ಬಳಿಕ ಘಟನೆ ಸಂಬಂಧ ಕೌಲ್ ಬಜಾರ್ ಪೊಲೀಸ್ ಠಾಣೆಗೆ ದೂರು ನೀಡಲಾಗಿತ್ತು. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸಿಸಿ ಕ್ಯಾಮರಾ ಮೂಲಕ ಆರೋಪಿಗಳ ಪತ್ತೆಗಾಗಿ ಹುಡುಕಾಟ ನಡೆಸಿದ್ದಾರೆ.
